Pūrv Niyati kyā hai? Kyā Pūrv Niyati Bāibal ādhārit hai?



Praśn: Pūrv Niyati kyā hai? Kyā Pūrv Niyati Bāibal ādhārit hai?

Uttar:
Romiyon 8:29-30 hame batātā hai, "Kyonki jinhen usne pahale se jān liyā hai unhen pahale se ṭhaharāyā bhī hai ki uske putr ke svarūp men hon, tāki vah bahut bhāiyon men pahilauṭhā ṭhahare. Phir jinhen usne pahale se ṭhaharāyā, unhen bulāyā bhī; aur jinhen bulāyā, unhen dharmī bhī ṭhaharāyā hai; aur jinhen dharmī ṭhaharāyā, unhen mahimā bhī dī hai." Iphisiyon1:5 aur 11 ghoṣaṇā kartā hai ki, "Apanī icchā ke bhale abhiprāy ke anusār hame apane liye pahale se ṭhaharāyā ki Yīśu Masīh ke dvārā ham uske lepālak putr hon ...usī men jismen ham bhī usī kī mansā se jo apanī icchā ke mat ke anusār sab kuch kartā hai, pahale se ṭhaharāe jākar mīrās bane." Bahut se log Pūrv Niyati yā pahale se ṭhaharāye jāne ke dharmasiddhānt ke prati jordār śatrutā rakhate hain. Parantu phir bhī, Pūrv Niyati yā pahale se ṭhaharāyā jānā ek Bāibal ādhārit dharmasiddhānt hai. Pūrv Niyati kā kyā arth ko Bāibal ādhārit samajhnā hī kunjī hai.

Pavitr Sāstr men anuvād kiyā gayā śabd "Pūrv Niyati Yūnānī bhāṣā ke śabd parojaiyo śabd ke ūpar se nikal kar āne kā sandarbh detā hai jo "pahale se ṭhaharāe jāne," "niyukti karne," "samay se pahale nirdhārit kie jāne" ke arth ko detā hai. Is tarah se, Pūrv Niyati men Parameśvar pahale se niśchit bāton ko samay se pahale ghaṭit hone ke lie ṭhaharātā hai. Kaun sī bāten hain jinhen samay se pahale Parameśvar ne nirdhārit kiyā hai? Romiyon 8:29-30 ke anusār, Parameśvar ne pahale se hī ṭhaharā diyā hai ki kuch niśchit log uske putr kī samānatā men ā jāe, bulāe jāe, dharmī ṭhaharāe jāe aur mahimā pāe. Avaśyak rūp se, Parameśvar pahale se hī ṭhaharātā hai ki kuch niśchit log bachāe jāegen. Pavitr Sāstr ke asankhy sandarbh yah sanket dete hain ki Masīh men viśvāsiyon ko chunā gayā hai (Mattī 24:22; 31; Marakus 13:20; 27; Romiyon 8:33, 9:11, 11:5-7, 28; Iphisiyon1:11; Kulussiyon 3:12; 1 Thissalunīkiyon 1:4; 1 Tīmuthiyus 5:21; 2 Tīmuthiyus 2:10; Tītus 1:1; 1 Pataras 1:1-2; 2:9; 2 Pataras 1:10). Pūrv Niyati yā pahale se ṭhaharāyā jānā Bāibal ādhārit dharmasiddhānt hai ki Parameśvar uskī saṃprabhutā men kuch vyaktiyon ko bachāe jāne ke lie pahale se chun letā hai.

Pūrv Niyati ke dharmasiddhānt ke viruddh sabse sāmāny āaptti hai ki yah pakṣapātī hai. Kyon Parameśvar kuch niśchit logon ko chunegā aur anyon ko nahīn? Smaraṇ rakhane yogya sabse mahatvapūrṇ bāat yah hai ki koī bhī bachāe jāne ke yogya nahīn hai. Ham sabne pāap kiyā hai (Romiyon 3:23), aur anantakāl ke danḍ ke yogya hain (Romiyon 6:23). Pariṇāmsvarūp, Parameśvar ham men se pratyek ko anantakāl ke narak men jāne dene ke lie pūrī tarah se dharmī hai. Parantu phir bhī, ham men se kuch ko bachāne ke lie chunata hai. Vah jo chune nahīn jāte hain unake lie vah kisī bhī tarah se pakṣapātī nahīn hai, kyonki jo kuch vo pāne ke lie yogy the use hī ve prāpt kar rahe hain. Parameśvar kā kuch logon ko chunne ke lie anugrahkārī honā kisī bhī tarah se any ke sāth Pakṣapāt nahīn hai. Koī bhī kuch bhī Parameśvar se pāne ke lie yogy nahīn hain; islie koī bhī yah apatti nahīn kar sakatā hai ki vah Parameśvar se kuch bhī prāpt nahīn kar rahā hai. Ek udāharṇ ek vyakti kā hai jo bīs logon kī bhīḍ men se binā chune hue kisī bhī pānch logon ko paisā dete jā rahā hai. Kyā un prathaṃ ko jinhen paisā prāpt nahīn huā usse pareśān ho jāegen? Kyā unakā pareśān honā sahī hai? Nahīn, Unakā aisā karnā sahī nahīn hai. Kyon? Kyonki us vyakti ko unamen se kisī ko bhī kuch nahīn denā thā. Usne bas kuch ke sāth dayālu hone kā nirṇay liyā.

Yadi Parameśvar yah chun rahā hai ki kaun bachāyā jāe, to yah kisī bhī tarah se Masīh men viśvās karne aur use chunne kī hamārī svatantar icchā ko kam nahīn kartā hai? Bāibal kahtī hai ki hamāre pāas chunāv karne kā vikalpa hai – vo sab jo Yīśu Masīh men viśvās karenge bachāe jāegen (Yūhannā 3:16; Romiyon 10:9-10). Bāibal kahīn bhī yah varṇan nahīn kartī hai ki Parameśvar jo koī usmen viśvās kartā hai use asvīkār kar detī hai yā kisī se apane munh ko moḍ letā hai jo uskī khoj kar rahā hai (Vyavasthā Vivaraṇ 4:29). Kisī tarah se, Parameśvar ke rahasy men, Pūrv Niyati yā pahale se ṭhaharāyā jānā ek vyakti ke sāth hāthon-hāth kāry kartā hai jo Parameśvar ke nikaṭ ā rahā (Yūhannā 6:44) aur uddhār ke lie viśvās kar rahā hai (Romiyon 1:16). Parameśvar pahale se nirdhārit kartā hai ki kaun bachāyā jāegā, aur hame Masīh kā chunāv bachāe jāne ke lie karnā jarūrī hai. Dono tathy vāstav men sacche hain. Romiyon 11:33 ghoṣaṇā kartā hai ki, " Ahā! Parameśvar kā dhan aur gyan kyā hī gaṃbhīr hai. Uske vichār kaise athāha, aur uske mārg kaise agam hain."



Hindī ya Roman-Nagari ke mukhya pṛṣṭha par vāpsa jāie



Pūrv Niyati kyā hai? Kyā Pūrv Niyati Bāibal ādhārit hai?