Pūrv Sahastravād kyā hai?



Praśn: Pūrv Sahastravād kyā hai?

Uttar:
Pūrv Sahastravād aisī vichāradhārā hai ki Masīh kā dūsarā āgaman uske hajaār varṣ ke rājy ke ārambh hone se pahale ghaṭit hogā, aur yah ki sahastrābdī rājy is pṛthvī par śābdik rūp se Masīh kā 1000-varṣo ke śāsan kā hogā. Pavitr Sāstr men sandarbhon ko samajhne aur vyākhyā karne ke lie jo ki anta-samay kī ghaṭanāon kī charchā karte hain, do aisī bāten hain jinhen avaśy hī spaṣṭ rūp se samajhnā chāhie: Pavitr Sāstr kī vyākhyā karne kī ek uchit paddhati aur Isrāel (Yahūdī) aur Kalīsiyā (Yīśu Masīh ke sabhī viśvāsiyon se milakar banī deh) men bhinntā kā honā.

Sabse pahale, Pavitr Sāstr kī vyākhyā kā uchit paddhati yah māng kartī hai ki Pavitr Sāstr kī is tarīke se vyākhyā karne kī āvaśyaktā hai ki yah uske sandarbh ke sāth niyamit sahaṃti men ho. Iskā arth hai ki ek sandarbh kī is tarīke se vyākhyā kī jānī chāhie jab un śrotāon ke sāth niyamit sahaṃti me ho jinake lie yah likhā gayā thā, jinake bāre men likhā gayā thā, kin ke lie yah likhā gayā thā aur aisī hī any bāten. Pratyek sandarbh jiskī vyākhyā kī jātī hai uske lie lekhak , icchit śrotāgaṇ aur aitihāsik pṛṣṭibhūmi kī jānkārī kā honā ati mahatvapūrṇ hai. Aitihāsik aur sānskṛtik sandarbh pṛṣṭabhūmiyān aksar ek sandarbh ke sahī arth ko prakaṭ kar dete hain. Yah smaraṇ rakhanā bhī mahatvapūrṇ hai ki Pavitr Sāstr hī Pavitr Sāstr kī vyākhyā kartā hai. Arthāt, aksar ek sandarbh ek viṣay yā śīrṣak kī bāat kartā hai vah Bāibal men kisī any sthān par bhī sambodhit kiyā huā ho sakatā hai. In sabhī sandarbho ko ek dūsare ke sāth niyamit sahaṃti men vyākhyā karnā mahatvapūrṇ hai.

Ant men, aur sabse mahatvapūrṇ bāat yah hai, ki sandarbho ko sadaiv unake sāmāny, spaṣṭ, śābdik arth men hī lenā chāhie jab tak ki sandarbho kī pṛṣṭhabhūmi yah sanket nahīn de detā ki yah apanī prakṛti men ālankārik hai. Sābdik vyākhyā upayog kie hue vyākhyān ke rūpkon kī saṃbhāvanā ko sāpst nahīn kar dete hain. Iskī apekṣā, yah vyākhyākāra ko utsāhita karte hain ki vah rūpkanon kī bhāṣā ko sandarbh ke arth men se na paḍhae jab ki aisā karnā us sandarbh ke lie uchit na ho. Yah mahatvapūrṇ hai ki kabhī bhī prastut arth se jyādā "gahan, adhik ātmika" arth kī khoj nahīn karnī chāhie. Ek sandarbh kā ātmikakarṇ karnā khataranāk ho sakatā hai kyonki yah Pavitr Sāstr kī uchit vyākhyā ke ādhār ko pāṭhakon ke man se dūr kar detā hai. Phir, vahāan par vyākhyā ke koī uddeśyātmak mānak nahīn rahe jāte hain; iskī apekṣā, Pavitr Sāstr hamāre vyakti kī apanī hī soch ke adhīn ho jātā hai. Dūsarā Pataras 1:20-21 hame smaraṇ dilātā hai ki, "Par pahale yah jān lo ki Pavitr Sāstr kī koī bhī bhaviṣy dvāṇī kisī ke apane hī vichāradhārā ke ādhār para pūrṇ nahīn hotī, kyonki koī bhī bhaviṣy dvāṇī manuṣy kī icchā se kabhī nahīn huī, par bhakt jana Pavitr ātmā ke dvārā ubhāre jākar Parameśvar kī or se bolate the."

Bāibal kī vyākhyā ke in siddhānton ko lāgū karte samay, yah dekhanā āvaśyak hai ki Isrāel (Abrāham kī śārīrik santān) aur Kalīsiyā (Nae Niyam ke sabhī viśvāsiyon) do bhinn samūh hain. yah svīkār karnā ati mahatvapūrṇ hai ki Isrāel aur Kalīsiyā bhinn hain kyonki, yadi ise galat samajh liyā to, Pavitr Sāstr kī galat vyākhyā hogī. Viśeṣ rūp se aise sandarbho kī galat vyākhyā jyādā kī jātī hai jismen Isrāel ke sāth pratigayaon (dono arthāt pūrī ho gaī aur jo pūrī nahī huī) kī charchā kī gaī hai. Aisī pratigayaon ko Kalīsiyā ke ūpar lāgū nahīn kiyā jānā chāhie. Smaraṇ rakhen, ki ek sandarbh kī pṛṣṭhabhūmi yah nirdhārit karegī ki yah kise sambodhit kiyā gayā hai aur yahī sabse sahī vyākhyā kī or sanket degā.

In avadhāraṇāon ko man men rakhate hue, ham Pavitr Sāstr ke bhinn sandarbho ko dekha sakate hain jo Pūrv Sahastravād dṛṣṭikoṇ ko utpann karte hain. Utpatti 12:1-3: "Yahovā ne Abrāma se kahā, 'apane deś aur apane kuṭumbiyon aur apane pitā ke ghar ko choḍkar us deś ko chlā jā jo main tujhe dikhāūngā. Aur main tujh se ek baḍī jāti banāūngā, aur tujhe āśīṣ dūngā , aur terā nām mahān karūngā, aur tū āśīṣ kā mūl hogā. Jo tujhe āśīrvād den, unhen main āśīṣ dūngā; aur jo tujhe kose, use main śāap dūngā; aur bhūmaṇḍal ke sāre kul tere dvārā āśīṣ pāenge.'"

Parameśvar ne Abrāham ke sāth tīn bāton kī yahān par pratigyā kī: Abrāham kī kaī santāne hongī, vah ek jāti ko nirmit karegā aur ek deś par vās karegā, aur ek viśvavyāpī āśīṣ sabhī manuṣy jāti ūpar Abrāham kī vanśāvalī (Yahūdī) men se nikal kar āegī. Utpatti 15:9-17 men, Parameśvar apanī vāchā ko Abrāham ke sāth punah doharātā hai. Aisā pūrṇ ho jāe, iske lie Parameśvar vāchā ke sāre dāayitv ko keval apane ūpar hī nirbhar kartā hai. Arthāt, aisā kuch bhī nahīn thā jise Abrāham ko karnā thā yā aisā kuch karne men asaphal honā jisse Parameśvar dvārā nirmit vāchā mūlyahīn ṭhahar jātī. Is sandarbh ke sāth hī, deś kī jamīn ke lie sīmāon ko nirdhārit kar diyā gayā hai ki Yahūdī ant men ise apane adhīn kar legen. Sīmāon kī pūrī sūchī ke lie, Vyavasthā Vivaraṇ 34 ko dekhen. Any sandarbh jo jamīn kī pratigyā kī charchā karte hain ve Vyavasthā Vivaraṇ 30:3-5 aur Yahejakel 20:42-44 hain.

2 Samūel 7:10-17 men, ham Parameśvar ke dvārā rājā Dāūd ke sāth kī huī pratigyā ko dekhate hain. Yahān par, Parameśvar Dāūd ke sāth pratigyā kartā hai ki uskī santāne hongī aur un santāno men se Parameśvar ek anantakāl ke rājy kī sthāapnā karegā. Yah Masīh ke ek hajār varṣ aur sadaiv ke rājy ke śāsan kī or sanket de rahā hai. Is bāat ko dhyān men rakhanā mahatvapūrṇ hai ki yah pratigyā śābdik rūp se pūrī honā chāhie aur yah abhī tak pūrī nahīn huī hai. Kuch log aisā viśvās karegen ki Sulaimān kā śāsan is bhaviṣy dvāṇī kī śābdik pūrṇtā thī, parantu iske sāth men ek samasyā hai. Jis ṣetr men Sulaimān ne rājy kiyā vah āja ke Isrāel ke pāas nahīn hai aur na hī āja Sulaimān Isrāel ke ūpar rājy kar rahā hai. Smaraṇ rakhen ki Parameśvar ne Abrāham ke sāth pratigyā kī thī ki uskī santān sadaiv ke lie deś kī adhikārī hogī. Sāth hī, 2 Samūel 7 kahtā hai ki Parameśvar ek aise rājā ko sthāpit karegā jo anantakāl ke lie śāsan karegā. Sulaimān is pratigyā ko pūrā nahīn kar sakatā jise Dāūd ke sāth banāyā gayā hai. Islie, yah ek aisī pratigyā hai jo ki abhī pūrī honī bākī hai.

Aba, in sab bāton ko man men rakhate hue, is bāat kī jānch karen ki Prakāśitavāky 20:1-7 men kyā varṇan kiyā gayā hai. Ek hajaār varṣ, jo is sandarbh men nirantar ullekh kie gae hain Masīh ke is pṛthvī par śābdik rūp se 1000-varṣo ke sadṛis hain. Us pratigyā ko smaraṇ karen jo Dāūd ke sāth ek śāsak sambandh men bāndhī gaī thī ko śābdik rūp se pūrṇ honā bākī hai aur yah abhī tak pūrṇ nahīn huī hai. Pūrv Sahastravād vichāradhārā yah dekhatī hai ki yah sandarbh sihāsan para Masīh kī bhaviṣy men pūrṇ hone vālī us pratigyā kī pūrṇtā kā vivaraṇ hai. Parameśvar ne binā kisī śart ke vāchāon ko dono arthāt Abrāham aur Dāūd ke sāth nirmit kiyā thā. Inamen se koī bhī vāchā pūrī yā sthāī rūp se pūrī nahīn huī hain. Masīh kā ek śābdik, bhautik śāsan hī keval vah mārg hai jiske dvārā vāchāen vaisī hī pūrṇ hongī jaise ki Parameśvar ne pratigyā kī hain.

Pavitr Sāstr ke ūpar vyākhyā kī ek śābdik paddhati ko lāgū karne ke pariṇām pahelī ke ṭukaḍaon kā ektra ho jānā hotā hai. Pūre kā pūre Purāne Niyam men Yīśu ke prathan āgaman ke lie kī gaī bhaviṣydvāṇīya śābdik rūp se pūrṇ huī hain. Islie, hame uske dūsare āgaman ke lie kī gaī bhaviṣydvāṇīyon ko bhī śābdik rūp se pūrṇ hone kī apekṣā karnī chāhie. Pūrv Sahastravād hī ek aisī paddhati hai jo Parameśvar kī vāchāon aur ant-ke-samay kī bhaviṣydvāṇīyon kī śābdik vyākhyā ke sāth sahmat hotī hai.



Hindī ya Roman-Nagari ke mukhya pṛṣṭha par vāpsa jāie



Pūrv Sahastravād kyā hai?