Bāibal ek viśvāsī ke bāre men kyā kahtī hai jo Sainy Sevā men kāryrat hai?



Praśn: Bāibal ek viśvāsī ke bāre men kyā kahtī hai jo Sainy Sevā men kāryrat hai?

Uttar:
Bāibal men Senā men sevā karne ke bāre men bahutāyat ke sāth jānkāriyān dī gaī hain. Jabki Bāibal men senā ke prati kahie gae bahut se sandarbh keval rūpak ke samān hain, bahut se vachan pratyakṣ men is praśn ke sāth sambandhit hain. Bāibal viśeṣ rūp se yah nahīn kahtī hai ki kisī ko Senā men sevā denī chāhie yā nahīn. Thīk usī samay, Masīhī viśvāsiyon ko āśvāsn diyā gayā hai ki ek sainika honā pūre ke pūre Pavitr Sāstr men sammānjanak mānā gayā hai aur yah jāne ki is tarah kī sevā Bāibal ādhārit dṛṣṭikoṇ ke sāth mānya hain.

Sainy Sevā kā pahalā udāharṇ Purāne Niyam men milatā hai (Utpatti 14), jab Abrāham ke bhatīje Lūt ko Edām ke Rājā Kadorlāomer aur uske sangī Rājāon ne apahārṇ kar liyā thā. Abrahām ne Lūt kī sahāyatā men apane gharāne se 318 praśikṣit yoddhāo ko ikaṭṭhā karne ke sāth unake virūddh yuddh kiyā aur Elāmiyon ko parājit kiyā. Yahān ham dekhate hain ki astr sāstr dhārṇ saśastr sainy bal ek acche kāry – nirdoṣ ko bachāne aur surakṣā dene men lagā huā hai.

Itihās men bād men, Isrāel ke rāṣṭr ne apanī sthāī senā ko vikasit kiyā. Arth yah hai ki Parmeśvar divya yoddhā hai aur uske logon ko unakī sainya śākti ke hone na hone kī parvāh kie binā vah unakī surakṣā karegā, ek kāraṇ ho sakatā hai ki kyon Isrāel apanī sthāī senā ko vikasit karne men dhīmā rahā thā. Isrāel men niyamit rūp se banī rahane vālī sthāī senā kā vikās Sāūl, Dāūd aur Sulemān ke dvārā vikasit ek śāktiśālī, kendrīkṛt rājnītik vyavasthā ke āne bād vikasit huā. Sāūl pahalā vyakti thā jisne ek sthāī senā ko nirmit kiyā thā (1 Samūel 13:2; 24:2; 26:2).

Jise Sāūl ne ārambh kiyā, use Dāūd chlātā rahā. Usne senā men vṛddhi kī, kirāe par sainiko ko any chetro se lākar rakhā jo keval uske prati viśvāsyogy the (2 Samūel 15:19-22) aur apanī senāo ke pratyakṣ netṛtv ko senā ke senāpita Yākūb ko de diyā. Dāūd kī adhīntā men, Isrāel bhī apanī sainya nītiyon men ākramak hone ke dvārā paḍaosī rājyon jaise Ammon (2 Samūel 11:1; 1 Itihās 20:1-3) ko apane adhīn kar liyā. Dāūd ne varṣ men ek mahīnā sevā karne vāle bārha samūhon jo pratyek 24,000 sainiko se milakar bane hue samūh the, āvartī sainik sevā paddhati ko ārambh kiyā (1 itihās 27). Hāalāki Sulemān kā śāsankāl śāntimay thā, phir bhī usne senā kā āge vistār, ismen rathon aur gdhuḍasavār sainiko ko joḍane ke dvārā kiyā (1 Rājā 10:26). Sthāī senā (hāalāki Sulemān kī mṛtyu ke paśchāt rājy ke vibhājn ke bād bhī) 586 īsvī san tak banī rahī, jab Isrāel (Yahuda) ek rājnītik ikāī ke rūp men astitv men bane rahane se sāmapat ho gayā.

Nae Niyam men, Yīśu ne us samay āśchary pragaṭ kiyā jab ek Romī sūbedār (ek sau sainikoṃ kī palaṭan kā ek adhikārī) uske pāas āyā. Sūbedāra kī Yīśu ke prati pratikriyā ye sanket detī hai ki jaise adhikār ke bāre men uskī samajh spaṣṭ thī, usī ke sāth Yīśu men uske viśvās kī samajh spaṣṭ thī (Mattī 8:5-13). Yīśu ne uske vyavasāy kī nindā nahīn kī. Nae Niyam men kaī sūbedāro ke bāre men ullekh kiyā gayā hai jinakī praśansā Masīhiyon, Parmeśvar-se-ḍarne vāle, aur sadcharitr logon ke rūp men kī gaī hai (Mattī 8:5; 27:54; Marakus 15:39-45; Lūkā 7:2; 23:47; Preriton ke kām 10:1; 21:32; 28:16).

Sthān aur padaviyān parivartit ho sakatī hain, parntu hamārī saśastr senāo ko utanā hī mūly diyā jān chāhie jitanā Bāibal men sūbedāro ko diyā gayā hai. Ek sainik kā pad bahut hī jyādā sammānjanak hai. Udāharṇ ke lie, Paulus ek Masīhī viśvāsī Ipaphrudītus kā vivaraṇ "sangī yoddhā ke rūp me kartā hai (Philippiyon 2:25). Sāth hī Bāibal Prabhu men śaktiśālī hone ke lie Parmeśvar ke sāre hathiyāro ko apane ūpar ḍāl lene ke lie sainy śabdāvaliyo kā upayog kartī hai (Iphisiyon 6:12-20), jismen ek sainik ke sāre hathiyār – ṭop, ḍhāl aur talavār sammilit hai.

Hāan, yah ṭhīk hai ki Bāibal senā men sevā karne ke bāre men saṃbodhit pratyakṣ aur apratyakṣ kartī hai. Masīhī purūṣ aur striyā jo apane deś kī sevā apane charitr, maryādā aur sammān ke sāth karte hain, ko āśvāsn diyā gayā hai ki jis nāgrik sevā ko ve karte hain, use hamāre Prabhutā sampann Parmeśvar ke dvārā chhamā kiyā gayā hai aur sammān diyā gayā hai. Ve jo sasammān senā men sevā karte hain, hamāre sammān aur kṛtagyatā ko pāne ke lāyak hain.



Hindī ya Roman-Nagari ke mukhya pṛṣṭha par vāpsa jāie



Bāibal ek viśvāsī ke bāre men kyā kahtī hai jo Sainy Sevā men kāryrat hai?