kyā Sarvanāśvād Bāibal ādhārit hai?



Praśn: kyā Sarvanāśvād Bāibal ādhārit hai?

Uttar:
Sarvanāśvād ek aisī mānyatā hai ki aviśvāsī nark kī pīḍaā ko anantkāl ke lie anubhav nahīn karegen, apitu iskī apekṣā mṛtyu ke paśchāt "sāpst" ho jāegen. Kaīyon ke lie, log anantkāl ke lie nark kī pīḍaā ko anubhav karegen, ke vichār ke ḍar ke kāraṇ Sarvanāśvād ek ākarṣak mānyatā hai. Jabki Pavitr Sāstr ke kuch aise sandarbh hain jo Sarvanāśvād ke lie dalīl dene kā āśa dete hain, jo ki ek aisā vyāapk dṛṣṭikoṇ jiske anusār Bāibal duṣṭo kī manjila yā gantvya ke bāre men prakaṭ is tathy men kartī hai ki nark men sajā anantkāl ke lie hai. Sarvanāśvād men mānyatā ek yā jyādā dharm siddhānto kī galat samajh kā anusraṇ karne ke pariṇāmsvarūp ātī hai: 1) Pāap ke pariṇām, 2) Parmeśvar kā nyāy, 3) Nark kī prakṛti.

Nark kī prakṛti ke sambandh men, Sarvanāśvādī āg kī jhīl ke arth ke bāre men galat samajh rakhate hain. Spaṣṭ hai, ki yadi manuṣy ko jalate hue lāve kī jhīl men ḍāl diyā jāe, to vah turant pūrī tarah se bhasm ho jāegā. Parntu phir bhī, āg kī jhīl dono arthāt ek śarīrik aur laukik ṣetr hai. Yah kevalmātr ek śarīrik deh hī nahīn hai jise āg kī jhīl men ḍālā jāegā; yah manuṣy kā śarīr, prāṇ aur Atmā hai. Ek ātmik svabhāv bhautik āg se bhasm nahīn ho sakatā hai. Aisā jān paḍtā hai ki uddhār na pāe hue ṭhīk vaise hī jaise uddhār pāe hue ek aise śarīr ke sāth men jī uṭhegen jo ki anantkāl ke lie taiyār hogā (Prakāśitvāky 20:13; Prariton ke kām 24:15). Ye śarīr anantkāl ke gantvya ko pāne ke lie taiyār kie gae hain.

Anantkāl ek aur aisā pahalū hai jise Sarvanāśvādī pūrī tarah se samajhne men viphal ho jāte hain. Sarvanāśvādī ṭhīk kahte hain kyonki Yūnānī śabd āīyoniyon, jise aksar "anantkāl" ke lie anuvād kiyā jātā hai, apanī paribhāṣā ke anusār "anantkāl" kā arth nahīn detā hai. Yah viśeṣ rūp se ek aise "Yug" yā "īyona" arthāt samay kī ek viśeṣ avadhi kī or sanket detā hai. Parntu phir bhī, yah spaṣṭ hai ki Nae Niyam men, āīyoniyon ko kaī bār samay kī anantkāl kī lambāī ke lie sanket dene ke lie upayog kiyā gayā hai. Prakāśitvāky 20:10 Saitān, paśu aur jhūṭhe bhaviṣydvaktā ke bāre men bolatā hai jise "din aur rāt sadaiv yugānuyug" pīḍaā men taḍapate rahane ke lie āg kī jhīl men ḍāl diyā gayā hai. Yah spaṣṭ hai ki ye tīno vahāan par āg kī jhīl men ḍāl die jāne ke bād bhī "sāpst" nahīn hue hain. kyon uddhār na pāe huon kā gantvya inamen se kisī se bhinn hogā (Prakāśitvāky 20:14-15)? Mattī 25:46 nark ke anantkāl ke hone ke lie sabse adhik viśvanīy pramāṇ hai, "Aur ve [uddhār na pāe hue] anant daṇḍ bhogenge parntu dharmī anant jīvan men praveś karenge." Is vachan men, usī Yūnānī śabd kā upayog huā jo ki duṣṭo aur dharmiyon ke gantvya kī or sanket kartā hai. Yadi duṣṭo ko keval ek "Yug" ke lie hī pīḍaā sahan karnī hai, tab to dharmī keval svarg men ek "Yug" ke lie hī jīvan kā anubhav karenge. Yadi viśvāsī svarg men sadaivkāl ke lie rahenge, to aviśvāsī bhī nark men sadaivkāl ke lie rahenge.

Sarvanāśvādiyon ke dvārā nark ke anantkāl ke lie ek or se aksar kī jāne vālī āaptti yah hai ki yah Parmeśvar ke lie ananyāy pūrṇ bāat hogī ki vah aviśvāsiyon ko nark men sadaivkāl ke lie pāap kī ek sīmit mātrā ke kāraṇ ḍāl degā. Yah Parmeśvar ke lie kaise sahī hai ki ek vyakti jo ki pāap se bhare hue jīvan ko, 70-sāl tak yāapn kiyā ho, ko le aur use pūre anantkāl kī sajā de de? Uttar yah hai ki hamāre pāap ek anantkāl ke pariṇām ko lāte hain kyonki yah ek anantkālīn Parmeśvar ke virūddh men kie gae hain. Jab Rājā Dāūd ne vyabhichār aur hatyā ke pāap ko kiyā to usne aise kahā, "Main ne keval tere virūddh pāap kiyā, aur jo terī dṛṣṭi men burā hai, vahī kiyā hai..." (Bhajan Sanhitā 51:4). Dāūd ne Bataśebā aur Uriyyāha ke virūddh pāap kiyā thā; phir kaise Dāūd yah dāvā kar sakatā hai ki usne Parmeśvar ke virūddh hī keval pāap kiyā thā? Dāūd samajh gayā thā ki sabhī pāap ant men Parmeśvar ke virūddh men hain. Parmeśvar ek anantkāl aur asīmit prāṇī hai. Pariṇāmsvarūp, uske virūddh kie gae sabhī pāap ek anantkālīn sajā ko prāpt karne ke yogy hai. Ham kitanā lamben samay tak pāap karte hain, yah koī māyane nahīn rakhatā hai, apitu yah bāat māyane rakhatī hai ki Parmeśvar kā charitr jiske viruddh ham pāap karte hain.

Sarvanāśvād kā ek aur adhik vyaktigat pahalū yah vichār hai ki ham saṃbhav taur par svarg men anand ke sāth nahīn hogen yadi ham yah jānte hain ki hamāre kuch priyajan anantkāl ke lie nark kī pīḍaā men dukh uṭhā rahe hain. Parntu phir bhī, jab ham svarg men pahunchege, to hamāre pāas śikāyat karne ke lie yā udāsī bharī huī kuch bhī bāat nahīn hogī. Prakāśitvāky 21:4 kahtā hai, "Vah unakī ānkhon se sab ānsū ponch ḍālegā; aur uske bād mṛtyu na rahegī aur na śok, na vilāap, na pīḍaā rahegī pahalī bāten jātī rahī." Yadi hamāre kuch priyajan svarg men nahīn honge, to ham 100 pratiśat pūrī tarah sahmat honge ki ve vahāan se sambandhit nahīn hai aur ve apane svayaṃ ke dvārā Yīśu Masīh ko apanā uddhārkartā svīkār karne se inkār kar die jāne ke kāraṇ doṣī ṭhaharāe gae hain (Yūhannā 3:16; 14:6). Ise samajhnā kaṭhin hai, parntu ham unakī upasthiti kī kamī ke kāraṇ dukhī nahīn honge. Hamārā dhyān is bāat ke ūpar nahīn honā chāhie ham kaise svarg men hamāre priyajano ke binā ānandit honge, apitu is bāat kī or honā chāhie ki ham kaise hamāre priyajano ko Masīh men viśvās kī or sanket kar sakate hain tāki ve bhī vahāan par ho.

Nark śāyad ek prāthamik kāraṇ hai ki kyon Parmeśvar ne Yīśu Masīh ko hamāre pāpon kī sajā ke jurmāne ko adā karne ke lie bhejā. Mṛtyu ke bād "sāpst" ho jān gantvya kā vināś nahīn hai, apitu nark men anantkāl niśchit rūp se nirdhārit hai. Yīśu kī mṛtyu ek asīmit mṛtyu hai, jisne hamāre asīmit pāap ke ṛṇ ko chukā diyā hai tāki hame nark ke anantkāl kī pīḍaā ko uṭhānā na paḍae (2 Kurinthiyon 5:21). Jab ham hamāre viśvās ko usmen rakhate hain, ham bachāe, chhamā, sāph kie jāte aur svarg men anantkāl ke lie ek ghar kī pratigyā ko pāte hain. Parntu yadi ham Parmeśvar ke varadān anankāl ke jīvan ko asvīkār kar die jāte hain, ham is nirṇay ke kāraṇ anantkāl ke pariṇāmo kā sāmanā karenge.



Hindī ya Roman-Nagari ke mukhya pṛṣṭha par vāpsa jāie



kyā Sarvanāśvād Bāibal ādhārit hai?