Praśn
Bāibal Sṛṣṭivād banām Vikāsvād ke bāre men kyā kahtī hai?
Uttar
Sṛṣṭivād banām Vikāsvād ke vivād ke ūpar ek vaigñānik tark ko prastut karnā yahān is praśn ke uttar kā uddeśy nahīn hai. Kyonki Sṛṣṭivād aur/yā iske virūddh Vikāsvād ke vaigñānik tarko men, ham jor dekr yah siphāriś karte hain ki Ansarars in Jainesis enḍ Insṭīṭīyūṭ Phar Krieśtian Risrcha arthāt Utpatti men die hue uttaron aur Sṛṣṭivād anusndhān kī sansthān kī Vaibasāiṭ men die hue uttaron ko dekhā jāe. Is lekh kā uddeśy yah vivaraṇ denā nahīn hai ki kyon, Bāibal ke anusār, Sṛṣṭivād banām Vikāsvād vād vivād ke astitv men hai. Romiyon 1:25 ghoṣaṇā kartā hai, "Kyonki unhonne Parmeśvar kī sacchāī ko badalkar jhūṭh banā ḍālā aur sṛṣṭi kī upāasnā aur sevā kī hai, na ki us sṛjanahār kī jo sadā dhany hai. Aamīn."
Is vivād kā mukhy tathy yah hai ki vaijñānikon kā viśāl bahumat jo Vikāsvād men viśvās kartā hai nāstik Agjeyavādī hain. Yahān par kuch aise bhī hain jo kisī tarah ke īśvavaravādī Vikāsvād ko thāme rahate hain aur kuch any aise hain jo Parmeśvar ke Dvaitavādī dṛṣṭikoṇ (Parmeśvar astitv men hai parntu vah is sanār men kāryrat nahīn hai, aur sab kuch prākṛtik prakriyā ke sāth nikal kar ā rahā hai). Yahān par kuch aise hain jo īmānadārī aur viśvāsyogytā ke sāth ānkaḍao ko dekhate hain aur tab is niṣkarṣ tak pahunchte hain ki Vikāsvād ānkaḍaon ke sāth sahī tarah se ākār men ātā hai. Parntu, yah vaigñāniko ke bahut hī kam pratiśat ko prastut kartā hai jo is tarah ke Vikāsvād kī vakālt karte hain. Vikāsvād men viśvās rakhane vāle vaigñāniko kā ek viśāl bahumat yah māntā hai ki jīvan pūrī tarah se binā kisī ucchattam astitv ke hastakṣep ke dvārā vikasit huā hai. Vikāsvād apanī paribhāṣā ke anurūp Prākṛtikvādī Vigyan hai.
Yadi Nāstikvād ko saty honā hai, to yahān par koī na koī – ek Sṛṣṭikartā ko choḍ kar vaikalpik vivaraṇ honā chāhie – ki kaise bramhāṇḍ aur jīvan astitv men āyā. Hāalāki Vikāsvād ke kuch any ḍhārnow men viśvās Chārlsa Dārvin se bhī pahale se pāyā jātā hai, vah pahalā aisā vyakti huā jisne Vikāsvād kī prakriyā ke lie ek saty jaise dikhāī dene vāle namūne - prākṛtik chunāv ko vikasit kiyā. Dārvin ek bār svayaṃ ko Masīhī hone kī pahachān kartā thā parntu kuch trāsadiy ke kāraṇ jo uske jīvan men ghaṭit huī, usne bād men Masīhī viśvās aur Parmeśvar ke astitv ke hone ko tyāg diyā. Vikāsvād kī khoj ek nāstik ne kī thī. Dārvina kā lakṣy Parmeśvar ke astitv ko asvīkār karne kā nahīn thā, parntu yah to uske Vikāsvād ke siddhānt ke kaī pariṇāmoṃ men se ek hai. Vikāsvād ne Nāstikvād ko ek aur yogytā pradān kī hai. Vikāsvādī vaigñānik is bāat ko svīkār karne men hicakicāte hain ki unakā lakṣy jīvan ke udbhav ke lie vaikalpik vivaraṇ denā kā hai, pariṇām svarūp ve Nāstikvād ko nīv pradān karte hain, parntu Bāibal ke anusār, yahī bilkul ṭhīk hai ki kyon Vikāsvād kā siddhānt astitv men hai.
Bāibal hame batātī hai, "Mūrkh ne apane man men kahā hai ki, 'Koī Parmeśvar hai hī nahīn'" (Bhajan Sanhitā 14:1; 53:1). Bāibal sāth hī yah bhī ghoṣaṇā kartī hai ki logon ke pāas Sṛṣṭikartā Parmeśvar men viśvās na karne ke lie koī bahānā nahīn hai. "Uske anadekhe guṇ - arthāt uskī sanātan sāmarthy aur Parmeśvartv - jagat kī Utpatti se dekhane men āte hain, yahān tak ki ve nirūttar hain" (Romiyon 1:20). Bāibal ke anusār, jo koī bhī Parmeśvar ke astitv ko asvīkār kartā hai vah ek mūrkh hai. Tab, phir kyon, bahut se log, jinamen Masīhī viśvāsī bhī sammilit hain, is bāat ko svīkār karne kī icchā rakhate hain ki vikāsvādī vaigñānik Vigyan ādhārit ānkaḍon ke niṣpakṣ vyākhyākār hain? Bāibal ke anusār, ve mūrkh hain! Mūrkhtā kā arth buddhi kī kamī kā honā nahīn hai. Adhikānś vikāsvādī vaigñānik pratibhāśālī tarīke se gyanvān hain. Mūrkhtā buddhi ko uchit tarīke se lāgū na karne kī yogytā kā sanket detī hai. Nītivachan 1:7 hame kahtā hai "Yahovā kā bhay mānanā buddhi kā mūl hai, buddhi aur śikṣā ko mūḍh hī log tuccha jānte hain."
Vikāsvādī vaigñānik Sṛṣṭivād kā majāk uḍaāte hain aur/yā buddhimānī se rachī huī rūprekhā ko Vigyan rahit aur vaigñānik jāncho ko yogy nahīn mānate hain. Kisī bhī bāat ko "Vigyan" mānane ke lie, ve bahas karte hain ki, ise parīṣksaṇ aur jānch ke adhīn hone ke yogy honā chāhie; ise "prākṛtik" honā jarūrī hai. Sṛṣṭivād apanī paribhāṣā ke anurūp "alaukik" hai. Parmeśvar aur alaukiktā kā parīṣksaṇ aur jānch nahīn kiyā jā sakatā hai (islie is dalīl kā koī arth nahīn hai); is kāraṇ Sṛṣṭivād aur/yā buddhimānī se rachī huī rūprekhā ko Vigyan mānā hī nahīn jātā hai. Ismen koī sandeh nahīn hai, ki Vikāsvād kā bhī parīṣksaṇ yā jānch nahīn kiyā jā sakatī hai, parntu vikāsvādiyon ke lie yah bahasa kā viṣy nahīn hai. Pariṇāmsvarūp, sāre ke sāre ānkaḍae pūrvdhārṇā, pūrvanumānit, aur pahale se hī-svīkār kie hue Vikāsvād ke siddhānt kī chalanī men se, binā kisī vaikalpik vivaraṇo ko dhyān men rakhate hue hokar jāte hai.
Parntu phir bhī, bramhāṇḍ kā udgam aur jīvan ke udgam ko jānchā yā inakā parīṣksaṇ nahīn kiyā jā sakatā hai. Dono arthāt Sṛṣṭivād aur Vikāsvād udgam ke sambandh men viśvās-ādhārit paddhatiyān hain. Kisī ko bhī jānchā nahīn jā sakatā hai kyonki ham arabo (yā hajāro) varṣ pīche bramhāṇḍ yā bramhāṇḍ men jīvan ke hone kī bāat kā parīṣksaṇ karne ke lie nahīn jā sakate hain. Vikāsvādī vaigñānik Sṛṣṭivād ke siddhānt ko in kāraṇo se inkār kar dete hain ki yah unako jabradastī Vikāsvād ke sidānta ko bhī udgamo ke Vigyan ādhārit vivaraṇo ko bhī mānane se bhī inkār kar degā. Vikāsvād, kam se kam udgamo ke sambandh men, "Vigyan" kī paribhāṣā men sahī ākār men nahīn ātā hai jitanā kī Sṛṣṭivād kā siddhānt ātā hai. Vikāsvād hī saṃbhavt udgamo kā keval ek aisā vivaraṇ hai jiskī jānch kī jā sakatī hai; islie yahī udgamo kā keval ek aisā siddhānt hai jise "Vigyan ādhārit" mānā jā sakatā hai. Yah to mūrkhtā hai! Vaigñānik jo Vikāsvād kī vakālt karte hain udgamo ke ek sahī pratīt hone vāle siddhānt ko iske guṇo ke ādhār par iskī īmānadārī se cānch kie binā hī ise asvīkār kar rahe hain, kyonki yah "Vigyan" ke lie unakī atarkika sankīrṇ paribhāṣā ke anurūp nahīn hai.
Yadi Sṛṣṭivād saty hai, tab vahāan par ek Sṛṣṭikartā hai jiske prati ham uttardāyī hain. Vikāsvād Nāstikvād ko yogytā pradān kartā hai. Vikāsvād Nāstiko ko is bāat kā vivaraṇ dene ke lie ādhār pradān kartā hai ki kaise jīvan binā Parmeśvar ke astitv men hai. Vikāsvās ek Parmeśvar ke hone kī āvaśyaktā kā inkār kartā hai jo ki is bramhāṇḍ men kāryrat hai. Vikāsvād Nāstikvād ke dharm ke lie "sṛṣṭi kā siddhānt" hai. Bāibal ke anusār, chunāv spaṣṭ hai. Ham hamāre sarvasāmarthī aur sarvagyāni Parmeśvar ke śabdo me viśvās kar sakate hain, yā ham mūrkhon kī atārkik "Vigyan ādhārit" pakṣpātī vivaraṇo ke ūpar viśvās kar sakate hain.
English
Bāibal Sṛṣṭivād banām Vikāsvād ke bāre men kyā kahtī hai?
