Praśn
Kyā striyān Pāsṭar/prachārk ho sakti hain? Bāibal striyon ke sevakāī men hone ke bāre men kyā kahatī hai?
Uttar
Sāyad āaj ke samay men isase jyādā jośīle vād-vivād ke alāvā aur koī viṣay nahī hain jitanā ki striyon ke Pāsṭar/prachārkon ke rūp men karne kā viṣay hai. Pariṇāmsvarūp, yah bahut mahatvpūrṇ hain ki ham is viṣay ko puruṣ banām Striyon ke rūp men na dekhe. Aisī striyān hain jo yah maāntī hain ki striyon ko pāsṭaro arthāt pādariyo ke rūp men nahī karnī chāhie aur Bāibal striyon ke sevakāī karne par pratibandh lagātī hai, aur aise purūṣ hain jo maānte hain ki striyān prachārko ke rūp men kam kar sakatī hai aur sevakāī ke liye striyon par koī pratibandh nahī hai. Yah kisī śreṣṭhatā yā bhedabhāv kā viṣay nahī hai. Yah Bāibal kī vyākhyā kā viṣay hai.
Parameśvar kā vachan ghoṣaṇā kartā hai ki, "Striyon ko cupachāap pūrī adhīntā se sīkhnā chāhiye. Main kahatā hūm̐ ki na upadeś kare, aur na puruṣ par āgiyā chalāye, parantu cupachāap rahe" (1Tīmuthiyus 2:11-12). Kalīsiyā men, Parameśvar striyon aur puruṣon ko bhinn-bhinn bhūmikāyen sauṃpatā hai. Yah manuṣy kī rachanā ke tarīke aur pāp ke sansār men praveś karne ke tarīke kā pariṇām hai (1Tīmuthiyus 2:13-14). Parameśvar, Prerit Paulus ke lekhon ke dvārā, striyon ko puruṣon ke ūpar ātmik śikṣā dene ke adhikār ke ūpar pratibandh lagātā hai. Yah striyon ko puruṣon ke ūpar Pāsṭar hone kī karne se manā kartā hai, jisamen ki niśchit rūp se prachār karne se lekra śikṣā dene aur ātmik adhikār rakhanā sammilit hain.
Striyon kā pāsṭarīy sevakāī men hone ke dṛṣṭikoṇ ke ūpar kaī āapttiyām̐ miltī hain. Ek sāmabāy āaptti yah hai ki Paulus ne striyon ke ūpar śikṣā dene par pratibandh isalie lagāyā, kyonki pahalī sadī men, striyān viśeṣ rūp se aśikṣit thīṃ. Yadyapi 1 Tīmuthiyus 2:11-14 kahīn bhī śaikṣik star kā ullekh nahī kartā hai. Agar sevakāī ke liye śikṣā hī yogytā hotī, to Yīśu ke Adhiktar śiṣya is yogy nahī hote. Ek dūsarī sāmanāy āaptti yah hai ki Paulus ne keval Iphisiyo kī striyon ko śikṣā dene se manā kiyā thā (1Tīmuthiyus kā patr, Tīmuthisus ko likhā gayā thā jo ki Iphisus kī kalīsiyā kā Pāsṭar thā). Iphisus kā nagar apane Aratimis Devī ke mandir ke liye jānā jātā thā, aur striyān mūrtipūjā kī is śākhā men adhikārī thīn– isalie vichārdhārā yah pāī jātī hai ki, Paulus keval Iphisiyo ke mūrtipūjako ke striyon kī aguvāī vālī prathā ke virūddh pratibandh lagā rahā thā, aur kalīsiyā ko bhinn hone kī āvaśyaktā thī. Parantu phir bhī, 1 Tīmuthisus kī pustak kahīn par bhī Aratimis kā ullekh nahī kartī hai, nahī Paulus Aratimis ke upāskon kī maānk prathā ko 1 Tīmuthisus 2:11-12 men pratibandh kā kāraṇ batātā hai.
Ek tīsarī sāmanāy āaptti yah hai ki Paulus keval pati aur patniyon ko hī saṃbodhit kar rahā thā, puruṣon aur striyon ko sāmanāy rūp men nahī. 1Tīmuthiyus 2 men "pati" aur "patniyon" ke lie āe hue Yūnānī śabd ko āsānī se inake lie saṃbodhit kar sakate hain. Parantu phir bhī, un śabdo kā mūlbhūt arth vyāapk rūp men bahut adhik hai. Isase bhī āge, yahī Yūnānī śabd pad 8-10 men prayog kie gae hain. Kyā keval patiyon ko hī hāthon ko uṭhākar binā krodh aur vivād ke prārthanā karne ko kahā gayā hai (pad 8)? Kyā keval patniyon ko hī suhāvane vastron ke sāth, bhale kāmo ke dvārā, Parameśvar kī bhakti karnī chāhie (pad 9-10)? Niśchit hī nahī. Pad 8-10 spaṣṭ rūp se sāmanāy purūṣo aur striyon ko saṃbodhit kartā hai, keval pati aur patniyon ko hī nahī. Pad 11-14 ke sandarbh men aisā kuch nahī hai jo ki keval pati aur patniyon kī or hī sanket kare.
Striyon kī pāsṭarīy sevakāī ke sambandh men isa vyākhyā ke ūpar ek aur bhī āaptti hai viśeṣkar un mahilāon ke prati jinhone Bāibal men aguvāī ke pad ko saṃbhālā thā, viśeṣkar Purāne Niyam men Mariyam, Daborā, Huldā. Yah saty hai ki ina striyon ko Parameśvar ne usake lie viśeṣ kāry karne ke lie chunā thā aur ve viśvās, utsāh, aur, hān, aguvāī kā namūnā ṭhaharatī hain. Parantu phir bhī, purāne Niyam kī striyon kā adhikār kalīsiyā ke pāsṭaron ke viṣay ke lie prāsaṃgik nahī hai. Nae Niyam ke patron men Parameśvar ke logo – arthāt kalīsiyā, Masīh kī deh ke lie nayā udāharaṇ hai – aur is udāharaṇ men kalīsiyā ke adhikāriyon kā viśeṣ ḍhānchā sammilit hai, yah Isrāel kī jāti yā purāne Niyam kī kisī any sattā ke lie nahī hai.
Aisī hī dalīle Nae Niyam men Priskillā aur Phībe ke lie upayog kie gae hain. Prerito Ke Kām kī pustak adhyāya 18 men Priskillā aur Akvilā ko Masīh ke viśvāsyogy sevakon ke rūp men prastut kiyā gayā hai. Priskillā kā nām pahale liyā gayā hai, saṃbhavataḥ yah sanket karte hue ki vah sevakāī men apane pati se adhik mahatv rakhatī thī. Kyā Priskillā aur usake pati ne Yīśu Masīh ke susamāchār ko Apullos ko sunāyā thā? Hān, unhone apane ghar men use "Parameśvar kā mārg usako aur bhī ṭhīk ṭhīk batāyā" (Prerito Ke Kām 18:26). Kyā Bāibal kabhī aisā kahatī hai ki Priskillā ne ek kalīsiyā men Pāsṭar kā kāry kiyā thā yā sārvajanik rūp se śikṣā dī thī yā santon kī kisī ek maṇḍalī kī ātmik aguvā banī thī? Nahī, jahān tak ham jānte hain, Priskillā 1 Tīmuthiyus 2:11-14 ke virodhābhās men kisī tarah kī sevakāī men sakriy rūp se sammilit nahī thī.
Romiyon 16:1 men, jabki Phībe ko kalīsiyā men "ḍīkan" (yā sevikā) kah kar pukārā gayā hai aur Paulus ke dvārā usakī ucch anuśansā kī gaī hai. Parantu Priskillā ke sāth, Pavitrśāstr kā aisā koī bhī pad sanket nahī detā hai ki Phībe purūṣon kī kalīsiyā men ek Pāsṭar yā ek śikṣikā thī. "śikṣā dene men samarth" honā ek yogytā hai jo prāchīno ko dī jātī hai, ḍīkano ko nahī (1Tīmuthiyus 3:1; tītusa 1:6-9).
1 Tīmuthiyus 2:11-14 kā ḍhānchā is kāraṇ ko pūrṇtayā spaṣṭ kartā hai ki kyo striyān pūrṇ rūp se kalīsiyā kī Pāsṭar nahī ho sakatī hain. Pad 13 "kyonki" śabd se śurū hotā hai aur us "kāraṇ" ko batātā hai jo ki Paulus ne apane kathan men pad 11-12 men kahā hai. Striyān kyo upadeś na de aur purūṣon para āgiyā na chalāyen? Kyonki "Adam pahale, usake bād Havvā banāī gaī; aur Adam na bahakāyā gayā, par Havva bahakāne men āne ke kāraṇ aparādhinī huī" (pada 13-14). Parameśvar ne pahale Adam ko banāyā aur phir Havvā ko banāyā, ki vah Adam kī "sahāyak" ho. Sṛṣṭi kā is kram ke maānvjāti ke parivār ke ūpar aur kalīsiyā men bhī pūre sansār para lāgū hotā hai (Iphisiyo 5:22-23).
Yah sacchāī ki Havvā bahakāī gaī thī, ko bhī ek kāraṇ ke rūp men 1 Tīmuthiyus 2:14 men liyā jātā hai ki striyon ko pāsṭaron yā puruṣon ke ūpar ātmik niyaṃtraṇ rakhane ke rūp men nahī karnī chāhie. Isakā arth yah nahī hai ki striyān bahut hī bholī-bhālī hotī hain yā ve purūṣon kī apekṣā āsānī se bahakāve men ā jātī hain. Yadi striyān āsānī se bahakāve men ā jātī hain, to unhen bālako ko śikṣā dene kī anumati kyo dī jātī hai (jo āsānī se bahakāe jā sakate hain) aur any striyon ko (jo ki kalpanānusār adhik āsānī se bahakāī jā sakatī hai)? Pavitrśāstr keval yah kahatā hai ki striyon ko upadeś dene yā puruṣon ke ūpar ātmik niyaṃtraṇ rakhane ke liye manā kiyā gayā hai kyonki Havvā bahakāī gaī thī. Parameśvar ne puruṣon ko kalīsiyā men upadeś dene ke prāthamik adhikār die hain.
Striyān pahunāī, dayā, śikṣaṇ, susamāchār prachār aur sahāyatā ke varadāno men śreṣṭh hotī hain. Ek kalīsiyā kī Adhiktar sevakāī striyon par nirbhar hotī hai. Kalīsiyā kī striya sārvajanik prārthanāon yā Bhaviṣydvāṇī karne (1Kurinthiyon 11:5) ke liye pratibandhit nahī hai, keval puruṣon ke ūpar ātmik upadeś dene ke adhikār ke lie pratibandhit hain. Bāibal men kahīn bhī striyon ko Pavitr Atmā ke varadāno kā abhyās karne ke lie nahī rokatī (1Kurinthiyon adhyāya 12). Striyon ko bhī, puruṣo jitanā, anyo kī karne ke liye aur Atmā ke phala ko (Galātiyon 5:22-23) pradarśit karne ke lie aur khoe huon ko susamāchār kī udaghoṣaṇā karne ke liye bulāyā gayā hai (Mattī 28:18-20; Prerito Ke Kām 1:8; 1Pataras 3:15).
Parameśvar ne yah niyukt kiyā hai ki keval puruṣ hī kalīsiyā men ātmik śikṣā ke adhikār ke pado ko saṃbhāleṃge. Aisā isaliye nahī hai ki puruṣ āvaśyak rūp se uttam śikṣak hote hain yā striyān nimn star kī yā kam buddhimaān (jab ki aisā nahī hai) hotī hai. yah keval ek sādhārṇ tarīkā hai jise Parameśvar ne kalīsiyā kā kāry karne ke liye banāyā hai. Puruṣo ko apane jīvan men aur apane śabdo ke dvārā - ātmik mārgdarśan men ek udāharaṇ banānā hai. Striyon ko ek kam adhikāro vālī bhūmikā ko saṃbhālanā hai. Striyon ko any striyon ko śikṣā dene ke liye protsāhit kiyā jātā hai (Tītus 2:3-5). Bāibal striyon ko bālako ko śikṣā dene par bhī pratibandh nahī lagātī. Keval ek hī kāry jisake liye striyon ko pratibandhit kiyā gayā hai vah śikṣā dene yā puruṣon ke ūpar ātmik adhikār rakhane kā hai. Yah striyon ko purūṣo ke ūpar Pāsṭar ke kāry se manā kartī hai. Yah kisī bhī tarah se striyon ko kam mahatv kā nahī batātā parantu unhen Parameśvar kī yojanā aur usake varadāno ke anusār sevakāī par dhyān kendrit karne ke lie sahamti pradān kartā hai.
Kyā striyān Pāsṭar/prachārk ho sakti hain? Bāibal striyon ke sevakāī men hone ke bāre men kyā kahatī hai?
