Svargadūto ke viṣay me Bāibal kyā kahtī hai?



Praśn: Svargadūto ke viṣay me Bāibal kyā kahtī hai?

Uttar:
Svargadūt vyaktigat ātmik prāṇī hote hain jinake pāas budi, bhāvanāe aur icchā hotī hai. Bhale aur bure dono prakār ke svargadūto ke sāth aisā satya hai. Svargadūt budi rakhate hain (Mattī 8:29; 2 Kurinthiyon 11:3; 1 Pataras 1:12), bhāvanāe pragaṭ karte hain (Lūkā 2:13; Yākūb 2:19; Prakaśitavāky 12:17), aur apanī icchā kā upayog karte hain (Lūkā 8:28-31; 2 Tīmuthiyus 2:26; Prakaśitavāky 6). Svargadūt ātmik prāṇī (Ibrāniyon 1:14) vāstavik bhautik śarīr se Prakaśitavākya hote hain. Hāalāki, unake pāas bhautik śarīr nahīn hote, phir bhī vah vyaktitva ko rakhate hain.

Kyonki Svargadūt sṛṣṭi kie hue prāṇī hain, islie unakā gyan sīmit hotā hai. Iskā arth yah hai ki vah sab kuch nahī jānte jaise ki Parmeśvar jāntā hai (Mattī 24:36). Aisā pratīt hotā hai ki unake pāas manuṣyon se adhik gyan hai, hāalāki, aisā tīn bāton ke kāraṇ satya bhī ho sakatā hai. Pahalā, svargadūto ko manuṣy se ūnche star kā banāyā gayā thā. Islie, vah svabhāvik taur se adhik gyan rakhate hain. Dūsarā, Svargadūt Bāibal kā aur is sanār kā adhyayan adhik gaharāī se karte hain aur usse gyan prāpt karte hain (Yākūb 2:19; Prakāśitavāky 12:12). Tīsarā, Svargadūt manuṣyon kī gātividhiyo ke lambe avalokan ke dvārā gyan prāpt karte hain. Manuṣy ke viparīt svargadūto ko bhūtakāl kā adhyayan nahīn karnā paḍtā hai; unhon ne use anubhav kiyā huā hai. Islie, ve jānte hai ki kaise dūsaro ne kisī paristhiti men vyavahār aur pratikriyā kī hai aur islie ve adhik saṭīktā ke sāth baḍī adhik sīmā men bhaviṣydvāṇī kar sakate hai ki ham kaise una jaisī hī paristhitiyon men vyavahār kar sakate hain.

Hāalāki unake pāas svavy kī icchā hai, parntu Svargadūt bhī sabhī prāṇiyo ke samān, Parmeśvar kī icchā ke adhīn hain. Parmeśvar ke dvārā bhale svargadūto ko viśvāsīyo kī sahāyatā ke lie bhejā jātā hai (Ibrāniyon 1:14). Yahān par kuch aise kāry hain jinakā varṇan Bāibal svargadūto ke sambandh men kartī hai: Ve Parmeśvar kī stuti karte hain (Bhajan Sanhitā148:1-2; Yaśāyāha 6:3). Ve Parmeśvar kī arādhanā karte hain (Ibrāniyon 1:6; Prakāśitavāky 5:8-13). Ve Parmeśvar ke kāryo se ānandit hote hain (Ayyūb 38:6-7). Ve Parmeśvar kī sevā ṭahal karte hain (Bhajan Sanhitā103:20; Prakāśitavāky 22:9). Ve Parmeśvar ke sāmane upasthit hote hain (Ayyūb 1:6;2:1). Ve Parmeśvar ke nyāy ko sanchālit kie jāne ke lie upayog kie jāte hain (Prakāśitavāky 7:1; 8:2). Ve prārthanāoṃ ke uttar lāte hain (Preriton ke kām 12:5-10). Ve logon ko Masīh ke lie jītane me sahāyatā karte hain (Preriton 8:26; 10:3). Ve Masīhiyon kī vyavasthā, kāry aur kaṣṭ ko dekhate hain (1 Kurinthiyon 4:9; 11:10; Iphisiyon3:10; 1 Pataras 1:12). Ve khatare ke samay men utsāhit karte hain (Preriton ke kām 27:23-24). Ve dharmiyoṃ kī mṛtyu ke samay unakī dekhabhāl karte hai (Lūkā 16:22).

Svargadūt manuṣyon se pūrī tarah se alag star ke prāṇī hain. Manuṣy marane ke bād Svargadūt nahīn ban jāte hain. Svargadūt bhī kabhī manuṣy nahīn banege, aur na kabhī, manuṣy the. Parmeśvar ne hī svargadūto kī sṛṣṭi kī, ṭhīk vaise hī jaise ki usne mānavjāti ko banāyā. Bāibal kahīn par bhī yah nahīn kahtī hai ki svargadūto ko manuṣy kī bhānti Parmeśvar ne apane sparūp men sṛjā hai (Utpatti 1:26). Svargadūt aise ātmik prāṇī hain jo ki kuch sīmā tak bhautik śarīro ke rūp ko le sakate hain. Manuṣy maulik rūp se bhautik prāṇī, parntu ātmik pahalu ke sāth hai. Ham sabse baḍī cīhj jo Pavitr svargadūto se sīkha sakate hain vah yah hai ki ve Parmeśvar kī ājyāon ko binā kisī praśn ke, śīghratā se pālan karnā.



Hindī ya Roman-Nagari ke mukhya pṛṣṭha par vāpsa jāie



Svargadūto ke viṣay me Bāibal kyā kahtī hai?