Main Talāk le chukā hūn. Kyā main Bāibal ke anusār Punarvivāh kar sakatā hūn?



Praśn: Main Talāk le chukā hūn. Kyā main Bāibal ke anusār Punarvivāh kar sakatā hūn?

Uttar:
Ham aksar is prakār ke praśn prāpt karte hain "Main Talāk is aur us kāraṇ se le chukā hūn. Kyā main phir se Punarvivāh kar sakatā hūn?" "Maine do bār Talāk liyā hai – pahalī bār mere jīvan sāthī ke vyabhichār karne ke kāraṇ, dūsarī bār asamāntā ke lie. Main ek purūṣ se sambandh banāne ke lie mulākāt kar rahī hūn jisne tīn bāaR Talāk liyā hai – pahalī bār asamāntā ke kāraṇ, dūsarī bār uskī taraph se vyabhichār ho gayā thā, tīsarī bār uskī patnī kī taraph se vyabhichār ho gayā thā. kyā ham ek dūsare ke sāth vivāh kar sakate hain?" Is tarah ke praśno kā uttar denā atyant kaṭhin hotā hai kyonki Bāibal itanā jyādā gaharāī se Talāk ke bād Punarvivāh ke lie bhinn ghaṭanāon kā vistṛt vivaraṇ nahīn detī hai.

Jis bāat ko ham niśchit rūp se jān sakate hain, vah yah hai ki yah ek vaivāhik joḍae ke lie yah Parmeśvar kī yojanā hai ki vah jab tak dono jīvan sāthī jīvit hain tab tak sthāī vaivāhik sambandh men bane rahen (Utpatti 2:24; Mattī 19:6). Talāk ke bād Punarvivāh ke lie dī gaī keval ek hī viśeṣ chūṭ vyabhichār ke kāraṇ dī gaī hai (Mattī 19:9), aur yahān tak iske ūpar bhī viśvāsiyon me vād vivād ho rahā hai. Ek aur saṃbhāvnā tyāg die jāne kī hai – jab ek aviśvāsī jīvan sāthī ek viśvāsī jīvan sāthī ko choḍ detā hai (1 Kurinthiyon 7:12-15). Yadyapi, ye sandarbh viśeṣ rūp se Punarvivāh ko sambodhit nahīn kartā hai, keval vaivāhik bandhan men bādhya rūp se bane rahanā chāhie. Aisā bhī jān paḍtā hai ki śārīrik, yaunika, yā gaṃbhīr bhāvnātmak durvyavahār bhī Talāk ke lie paryāpt kāraṇ aur saṃbhāvit Punarvivāh ke kāraṇ ho sakate hain. Hāalāki, Bāibal iske bāre me viśeṣ rūp se śikṣā nahīn detī hai.

Ham do bāten niśchit rūp se jānte hain. Parmeśvar Talāk se ghṛṇā kartā hai (Malākī 2:16), aur Parmeśvar dayālū aur chhamā karne vālā hai. Pratyek Talāk pāap kā pariṇām hai, chāhe vah ek jīvan sāthī kī or se yā dūsare kī or se hī kyon na liyā gayā ho. Kyā Parmeśvar Talāk ko chhamā kartā hai? Jī hāan, bilkul kartā hai! Talāk kisī bhī any pāap se chhamā kie jāne men kam nahīn hai. Sabhī pāpon kī chhamā Yīśu Masīh men viśvās ke dvārā upalabdh hai (Mattī 26:28; Iphisiyon 1:7). Yadi Parmeśvar Talāk ke pāap ko chhamā kartā hai, to iskā arth yah nahīn hai ki āap Punarvivāh karne ke lie svatantar hain? Aisā karnā jarūrī nahīn hai. Kaī bār Parmeśvar uske logon ko akelā rahane ke lie bulātā hai (1 Kurinthiyon 7:7-8). Akele rahane ko ek śrāap yā sajā ke rūp men nahīn dekhā jān chāhie, apitu ise pūrī hiṛday se Parmeśvar kī sevā karne ke ek avasar ke rūp men dekhā jān chāhie (1 Kurinthiyon 7:32-36). Hāalāki, Parmeśvar kā vachan hame batātā hai ki, kāmātur rahane se vivāh kar lenā bhalā hai (1 Kurinthiyon 7:9). Sāyad yah kaī bār Talāk ke bād Punarvivāh ke ūpar bhī lāgū hotā hai.

Islie, kyā āapko Punarvivāh kar lenā chāhie yā kar sakate hain? Ham is praśn kā uttar nahīn de sakate hain. Akhirkār, yah āapke, āapke saṃbhāvit jīvan sāthī, aur sabse mahatvpūrṇ Parmeśvar ke madhy kī bāat hai. Ham keval ek hī parāmarś āapko denge ki āap is sambandh men Parmeśvar se buddhi kī māng karen ki vah āapse kyā chāhatā hai (Yākūb 1:5). Khule man se prārthanā karen aur īmānadārī se Prabhu se mānge ki vah apanī icchāo ko āapke hiṛday men le āe (Bhajan Sanhitā 37:4). Prabhu kī icchā kī khoj karen (Nītivachan 3:5-6) aur uske mārgdarśan men chale.



Hindī ya Roman-Nagari ke mukhya pṛṣṭha par vāpsa jāie



Main Talāk le chukā hūn. Kyā main Bāibal ke anusār Punarvivāh kar sakatā hūn?