Praśn
Uddhār kā Romiyon mārg kauna sā hai?
Uttar
Uddhār ke Romiyon mārg tarīke me uddhār ke śubh sandeś ko Bāibal kī Romiyon nāmka pustak me se saṃdarbhon kā upayog karke vyākhyā karnā hai. Yah ek saral parntu phir bhī hame uddhār kī kyon āvaśyakatā hai, kaise Parmeśvar ne uddhār kā prabndh kiyā, kaise ham uddhār ko prāpt kar sakate hain, aur uddhār ke kyā pariṇām hain, ko samajhne ke lie śaktiśālī tarīkā hai.
Uddhār ke lie Romiyon mārg kī pahalī āyat Romiyon 3:23 hai, "Islie ki sab ne pāp kiyā hai aur Parmeśvar kī mahimā se rahit hain." Ham sabne pāp kiyā hai. Ham sabne aise kārya kiye hain jisse Parmeśvar aprasann hotā hai. Aisā koī bhī nahīn hai jo nirdoṣa ho. Romiyon 3:10-18 hamāre jīvan me pāp kis prakāra dikhatā hai kā ek vistṛta citra detā hai. Uddhār ke lie Romiyon mārg kā dūsarā Pavitrśāstrīya sandarbh, Romiyon 6:23 hai, jo hame pāp ke pariṇāmo ke viṣay me śikṣā detā hai, "Kyonki pāp kī majdūrī to mṛtyu hai, parntu Parmeśvar kā varadān hamāre Prabhu Yīśu Masīh me anant jīvan hai." Apane pāpoṇ ke lie jis sajā ko hamne kamāyā hai vah mṛtyu hai. Keval śārīrik mṛtyu ko hī nahīn, varan anantkāl kī mṛtyu ko bhī!
Uddhār ke lie Romiyon mārg kī tīsarī āyat vahān se ārambh hotī hai jahān par Romiyon 6:23 samāpt hotā hai, "Parntu Parmeśvar kā varadān hamāre Prabhu Yīśu Masīh me anant jīvan hai." Romiyon 5:8 yah ghoṣaṇā kartā hai ki, "Parntu Parmeśvar ham par apane prem kī bhalāī is rīti se prakaṭ kartā hai ki jab ham pāpī hī the tabhī Masīh hamāre liye marā." Yīśu Masīh hamāre liye mara gayā! Yīśu kī mṛtyu ne hamāre pāpoṇ kī kīmat chukā dī. Yīśu kā jī uṭhanā yah pramāṇit kartā hai ki Parmeśvar ne Yīśu kī mṛtyu ko hamāre pāpoṇ ke dām ko adā kie jāne ke rūp me svīkār kar liyā.
Uddhār ke lie Romiyon mārg kā chauthā padāv Romiyon 10:9 hai, "Ki yadi tū apane munh se Yīśu ko Prabhu jānkar angīkār kare aur apane man se viśvās kare, ki Parmeśvar ne use mare huon me se jilāyā, to tū niśchay uddhār pāegā." Kyonki Yīśu kī mṛtyu hamāre badale me huī, islie bas keval hame usme viśvās, hamāre pāpoṇ ke kāraṇ adā kie hue dām ke rūp me uskī mṛtyu par bharosā karte hue karnā hai - aur ham uddhār pā jāenge! Romiyon 10:13 ise phir se kahatā hai, "kyonki, jo koī Prabhu kā nām legā, vah uddhār pāyegā." Yīśu hamāre pāpoṇ kī sajā kī kīmat ko chukāne aur hamko anantkāl kī mṛtyu se bachāne ke liye mara gayā. Uddhār, pāpoṇ kī kṣamā, har us ke lie upalabdh hai jo Yīśu Masīh ko apanā Prabhu aur uddhārkartā mānate hue bharosā rakhegā.
Uddhār ke lie Romiyon mārg kā antim pahalū uddhār ke pariṇāmo se hai. Romiyon 5:1 me yah sundar saṃdeś hai ki, "Ata jab ham viśvās se dharmī ṭhahare, to apane Prabhu Yīśu Masīh ke dvārā Parmeśvar ke sāth mela rakhen." Yīśu Masīh ke dvārā hamārā Parmeśvar ke sāth śānti kā sambandh ho sakatā hai. Romiyon 8:1 hame śikṣā detā hai ki, "Ata ab jo Masīh Yīśu me hain, una par daṇḍ kī āgya nahīn." Hamāre sthān par Yīśu kī mṛtyu ke kāraṇ, hame kabhī bhī hamāre pāpoṇ ke lie sajā nahīn dī jāegī. Ant me, hamāre pās Parmeśvar kī yah bahumūlya pratigayā Romiyon 8:38-39 se hai, "kyonki main niśchay jāntā hūn ki na mṛtyu, na jīvan, na svargdūt, na pradhānatāe, na vartamān, na bhaviṣy, na sāmarthy, na ūnchāī, na gaharāī aur na koī aur sṛṣṭi hame Parmeśvar ke prem se jo hamāre Prabhu Yīśu Masīh me hai, alaga kar sakegī."
Kyā āp uddhār ke lie Romiyon mārg ke ūpar chalanā chāhate hain. Yadi aisā hai to, yahān par dī gaī ek saral prārthanā ko Parmeśvar se kar sakate hain. Is prārthanā ko karnā Parmeśvar ko yah kahane kā ek tarīkā hai ki āp āpke uddhār ke lie Yīśu Masīh ke ūpar nirbhar ho rahe hain. Sabd svayaṃ me āpko bachā nahīn sakate hain. Keval Yīśu me viśvās hī āpko uddhār pradān kar sakatā hai! "He, Parmeśvar, main jāntā hūn ki main ne āp ke viruddh pāp kiyā hai, aur main sajā kā pātr hūn. Parntu Yīśu Masīh ne us sajā ko svayaṃ par le liyā jiskā pātr main thā tāki usme viśvās karne ke dvārā main kṣamā kiyā jā sakūn. Main uddhār ke lie āp me apanā viśvās rakhtā hūn. Aapke adbhut anugrah tathā kṣamā – jo anant jīvan kā upahār hai, ke lie main āpkā dhanyvād kartā hūn! Aamīn."
Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.
English
Uddhār kā Romiyon mārg kauna sā hai?
