Uddhār ke lie kyā kadam hain?



Praśn: Uddhār ke lie kyā kadam hain?

Uttar:
Bahut se log "uddhār ke lie kadamo" kī or dekha rahe hain. Logon ko ek nirdeś hastapustikā men die hue pānch kadamo ke vichār pasand āte hain, yadi inakā pālan kiyā jātā, to iskā pariṇām uddhār prāpti hogā. Iskā ek udāharṇ Islām ke pānch dharm siddhānt hain. Islām ke anusār, yadi in pānch dharm siddhānto kī āgyāpālan kī jāe, to uddhār kī gāranṭī milatī hai. Kyonki uddhār ke lie kadam-dar-kadam āge baḍhane ke vichār kī prakriyā bahut adhik lubhāvnī hai, bahut se log Masīhī samāj men uddhār ko kadam-dar-kadam āge baḍhane ke vichār kī prakriyā men lāte hue prastut karne kī galatī karte hain. Roman kaithālik mat men Sānt Sanskār die hue hain. Bhinn Masīhī sampradāy Bapatisme, sārvajanik angīkarṇ, pāap se phirne, any bhāṣā men bolane ādi ko ismen mukti ko prāpt karne ke kadamo ke rūp men joḍa dete hain. Parntu Bāibal uddhār prāpti ke lie keval ek hī kadam ko prastut kartī hai. Jab philippī kī kaid ke darogā ne Paulus se pūchā ki, "Uddhār pāne ke lie main kyā karūn?" Paulus ne uttar diyā thā ki, "Prabhu Yīśu Masīh par viśvās kar to tū bachāyā jāegā" (Preriton ke kām 16:31).

Yīśu Masīh men uske apanā uddhārkartā mānate hue viśvās karnā hī uddhār ke lie keval ek "kadam" hai. Bāibal kā sandeś pūrī tarah se spaṣṭ hai. Ham sabne Parmeśvar ke virūddh pāap kiyā hai (Romiyon 3:23). Hamāre pāpon ke kāraṇ, ham anantkāl ke lie Parmeśvar se dūr ho jāne ke yogy hain (Romiyon 6:23). Hamāre lie uske prem ke kāraṇ (Yūhannā 3:16), Parmeśvar ne manuṣy kā rūp dhārṇ kiyā aur hamāre sthān par marate hue, us daṇḍ ko apane ūpar le liyā jiske paātr ham the (Romiyon 5:8; 2 Kurinthiyon 5:21). Parmeśvar un sabhī ko jo Yīśu ko apanā uddhārkartā, anugrah se viśvās ke dvārā svīkār karte hain svarg men anant jīvan aur pāpon kī chhamā ko pradān karne kī pratigyā kartā hai (Yūhannā 1:12; 3:16; 5:24; Preriton kā kām 16:31).

Uddhār prāpti ke lie koī niśchit kadamo ko uṭhā lene se uddhār kī prāpti nahīn ho jātī hai. Hāan, Masīhiyon ko Bapatismā lenā chāhie. Hāan, Masīhiyon ko Masīh ko apane uddhārkartā ke rūp men svīkār karne ke lie sārvajanik rūp se svīkār karnā chāhie. Hāan, Masīhiyon ko pāap se phirnā chāhie. Hāan Masīhiyon ko apane jīvan ko Parmeśvar kī āgyāpālan ke lie samarpit karnā chāhie. Parntu phir bhī, yah uddhār prāpti ke lie kadam nahīn hain. Ye to uddhār ke pariṇām hain. Hamāre pāpon ke kāraṇ, ham kisī bhī tarah se uddhār ko prāpt nahīn kar sakate hain. Ham 1000 kadamo ke pīche chal sakate hain, aur yah phir bhī paryāpt na ho. Is lie hī Yīśu hamāre sthān par hamāre lie mar gayā. Ham pūrī tarah se hamāre pāpon kā daṇḍ ko adā karne ke lie yā svayaṃ ko pāap se sāph karne ke lie aksakṣam hain. Keval Parmeśvar hī hamāre lie uddhār ko pūrā kar sakatā hai aur usne aisā kiyā bhī hai. Parmeśvar ne svayaṃ "kadamo" ko pūrā kiyā hai aur is tarah se har usko uddhār pradān kartā hai, jo usse ise prāpt karte hain.

Pāpon se uddhār aur chhamā ke lie kadamo ke ūpar chalanā nahīn hotā hai. Yah Masīh ko apane uddhārkartā ke rūp men svīkār karne aur jo kuch usne hamāre lie kiyā hai uskī pahachān ke bāre men hain. Parmeśvar hamse keval ek hī kadam ko māng kartā hai – Yīśu Masīh ko apane uddhārrtā ke rūp men svīkār karnā aur uddhār ke mārg ke lie keval usī hī ke ūpar bharosā karnā. Yahī hai jo Masīhī viśvās ko is sanār ke any sabhī dharmo se bhinn kar detā hai, jinamen pratyek ke pāas uddhār kī prāpti ke lie kadamo ko lene kī sūchī dī gaī hai. Masīhī viśvās yah pahachān kartā hai ki Parmeśvar ne pahale se hī sabhī kadamo ko pūrā kar diyā hai aur keval vah hame ise prāpt karne ke lie usmen viśvās karne ke lie bulāhaṭ detā hai.

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.



Hindī ya Roman-Nagari ke mukhya pṛṣṭha par vāpsa jāie



Uddhār ke lie kyā kadam hain?