Vidhivat Dharm Vigyan kyā hai?



Praśn: Vidhivat Dharm Vigyan kyā hai?

Uttar:
Vidhivat prakriyā" kisī aisī bāat kī or sanket kartī hai jismen ek paddhati men kuch bāton ko rakh diyā jātā hai. Islie, Vidhivat Dharm Vigyan, Dharm Vigyan kī paddhatiyon men vah ikāī hai jo vibhinn ṣetro kī vyākhyā kartī hai. Udāharṇ ke lie, Bāibal kī bahut sī pustake svargadūto ke bāre men sūchnā detī hain. Parantu koī bhī ek pustak svargadūto ke bāre men sabhī jānkāriyo ko nahīn de detī hain. Vidhivat Dharm Vigyan svargadūto ke bāre men in sabhī sūchnāo ko Bāibal kī pustakoṃ men se ektr kartā hai aur in śikṣāon ko śreṇībaddh ādhārit paddhatiyon men sangṭhit kar detā hai.

Uchit Dharm Vigyan Parameśvar pitā kā adhyayan karnā hai. Khriṣṭ Vigyan Putr Parameśvar, arthāt Yīśu Masīh kā adhyayan karnā hai. Pavitr Atmā sambandhī Dharm Vigyan Parameśvar Pavitr Atmā kā adhyayan karnā hai. Bāibal sambandhī Dharm Vigyan Bāibal kā adhyayan karnā hai. Mokṣa sambandhī Dharm Vigyan uddhār kā adhyayan karnā hai. Kalīsiyā sambandhī Dharm Vigyan Kalīsiyā kā adhyayan karnā hai. Yugānt Dharm Vigyan ant ke samay kā adhyayan karnā hai. Svargadūto ke sambandh men Dharm Vigyan svargadūto kā adhyayan hai. Masīhī duṣṭātmā sambandhī Dharm Vigyan Masīhī dṛṣṭikoṇ se duṣṭātmāon kā adhyayan karnā hai. Masīhī Nṛ Vigyan Masīhī dṛṣṭikoṇ se manuṣy kā adhyayan karnā hai. Pāap sambandhī Dharm Vigyan pāap kā adhyayan karnā hai. Vidhivat Dharm Vigyan Bāibal ko ek sangṭhit tarīke se samajhne men hamārī sahāyatā karne ke lie ek mahatvapūrṇ aujār hai.

Vidhivat Dharm Vigyan ke atirikt, any aur bhī tarīke hain jismen Dharm Vigyan ko vibhājit kiyā jā sakatā hai. Bāibal ādhārit Dharm Vigyan Bāibal kī kisī ek niśchit pustak (yā pustako) kā adhyayan karnā aur Dharm Vigyan ke vibhinn pahalūon ke ūpar jor denā jiske ūpar yah dhyān kendrit kartī hain. Udāharṇ ke lie, Yūhannā kā susmāchār bahut adhik khriṣṭīya gyan ke ūpar ādhārit hai kyonki yah bahut hī Masīh ke īśvartva ke ūpar dhyān kendrit kartā hai (Yahūnnā 1:1, 14; 8:58; 10:30; 20:28). Aitihāsik Dharm Vigyan dharm siddhānto aur yah kaise Masīhī Kalīsiyā men sadiyo ke madhyhān vikasit huī hain kā adhyayan hai – udāharṇ ke lie, kalvin kā Dharm Vigyan aur yugāvādī Dharm Vigyan. Samakālīn Dharm Vigyan dharm siddhānto kā aisā adhyayan hai jo ki abhī hāl hī ke varṣo men dhyān men āe hain yā vikasit hue hain. Yah bāat koī arth nahīn rakhati hai ki Dharm Vigyan ke kis tarīke kā adhyayan kiyā jāe, mahatvapūrṇ yah hai ki Dharm Vigyan kā adhyayan kiyā jāe.



Hindī ya Roman-Nagari ke mukhya pṛṣṭha par vāpsa jāie



Vidhivat Dharm Vigyan kyā hai?