Kyā ek Masīhī viśvāsī ke lie aviśvāsī ke sāth prem sambandh banāne ke lie mulākaāte yā vivāh karnā sahī hai?



Praśn: Kyā ek Masīhī viśvāsī ke lie aviśvāsī ke sāth prem sambandh banāne ke lie mulākaāte yā vivāh karnā sahī hai?

Uttar:
Ek Masīhī viśvāsī ke lie, ek gair-Masīhī ke sāth prem sambandh banāne ke lie mulākaāte karnā buddhimān nahīn hai, aur vivāh karnā ek vikalp nahīn hai. Dūsarā Kurinthiyon 6:14 hame kahtā hai ki aviśvāsiyon ke sāth "asamān jue" men na juto. Jo chitr diyā gayā hai vah do asamān bailon ke ek hī jue men jutane kā hai. Bhār ko ikṭṭhā mil kar khīcane kī apekṣā, ve ek dūsare ke virūddh men kāry karenge. Jabki yah sandarbh viśeṣ rūp se vivāh kā ullekh nahīn kartā hai, parntu niśchit rūp se iskā upayog vivāh ke ūpar hotā hai. Sandarbh men āge kahā gayā hai ki Masīh kā baliyāl (Saitān) ke sāth kyā lagāv. Ek viśvāsī aur aviśvāsī ke vivāh ke madhy men kisī tarah kā koī ātmik lagāv nahīn ho sakatā hai. Paulus viśvāsī ko smaraṇ dilāne ke lie kahtā chlā jātā hai ki ve Pavitr Atmā ke nivās sthān hain, jo unake hṛdayo men uddhār ke lie vās kartā hai (2 Kurinthiyon 6:15-17). Isī kāraṇ, unhen sanār se alag honā hai – sanār men rahate hue parntu sanār ke nahī – aur is jīvan men koī bhī sambandh –vivāh ke ghaniṣṭh sambandh se jyādā mahatvpūrṇ nahīn hai.

Bāibal yah bhī kahtī hai ki, "Dhokhā na khānā: 'burī sangti acche charitr ko bigāḍa detī hai'" (1 Kurinthiyon 15:33). Aviśvāsī ke sāth kisī bhī tarah kā ghaniṣṭh sambandh tejī se kisī aur bāat men parivartit ho sakatā hai jo ki Masīh ke sāth āapke jīvan men rūkāvaṭ kā kāraṇ ban sakatā hai. Hame uddhār na pāe huon ko Susmāchār sunāne ke lie bulāyā gayā hai, na ki uske sāth ghaniṣṭh sambandh banāne ke lie. Aviśvāsiyon ke sāth acchī Mitrtā kā nirmāṇ karne men kuch bhī galat nahīn hai, parntu yah keval utanī hī honī chāhie jitanā uchit ho. Yadi āap sambandh banāne ke lie kisī ek aviśvāsī ke sāth mulākaāte kar rahe hain, tab īmānadārī se āapkī prāthamiktā kyā hogī, romānss arthāt premlīlā yā Masīh ke lie Atmā ko jītanā? Yadi āapne ek aviśvāsī ke sāth vivāh kiyā hai, to āap dono kaise apane vivāh men ātmik ghaniṣṭhtā kī kaṭāī karenge? Kaise ek acche vivāh kā nirmāṇ hotā hai aur kaise ise banāe rakhā jātā hai yadi āap brahmāṇḍ ke sabse mahatvpūrṇ viṣy – Prabhu Yīśu Masīh ke ūpar asahmat hain?



Hindī ya Roman-Nagari ke mukhya pṛṣṭha par vāpsa jāie



Kyā ek Masīhī viśvāsī ke lie aviśvāsī ke sāth prem sambandh banāne ke lie mulākaāte yā vivāh karnā sahī hai?