Praśn
Bāibal vivāh ke bāre men kyā kahtī hai?
Uttar
Vivāh kā nirmāṇ Utpatti 2:23-24 men varṇit kiyā gayā hai: "Tab Adam ne kahā, 'aba yah merī haḍḍiyon men kī haḍḍī aur mere māss men kā māss hai; islie iskā nām "nārī" hogā kyonki yah nar men se nikālī gaī hai.' is kāraṇ purūṣ apane mātā-pitā ko choḍkar apanī patnī se milā rahegā, aur ve ek tan bane rahenge." Parmeśvar ne purūṣ aur strī kī rachanā ek dūsare ke pūrak hone ke lie kī thī. Vivāh men Parmeśvar ne is sacchāī ko "pūrā" kiyā ki "Adam kā akelā rahanā acchā nahīn" (Utpatti 2:18).
Sabd "sahāyak" Utpatti 2:20 men Havvā ko varṇan karne ke lie upayog kiyā gayā hai jiskā arth "gherā ḍālnā, surakṣā pradān karnā yā sahāyatā denā" ādi hotā hai. Havvā kī rachanā Adam ke "ādhe hisse" ke rūp men uske sāth uskī sahāyatā karne aur uske sahāyak ke rūp men khaḍae hone ke lie kī gaī thī. Ek purūṣ aur strī, jab vivāh kar lete hain to "ek tan" ho jāte hain. Ye ektā śārīrik yaunik antarngtā ke ek hone men pūrī tarah prakaṭ hotī hai. Nayā Niyam is ektā ke sambandh men ek chetāvanī ko joḍatā hai. "Atah ab ve do nahīn, parntu ek tan hain. Islie jise Parmeśvar ne joḍaā hai, use manuṣy alag na kare" (Mattī 19:6).
Prerit Paulus ke dvārā kaī patriyān likhī gaī hain jinamen vah vivāh ke lie aur kaise vaivāhik sambandh men viśvāsiyon ko kāryrat hone kā ullekh kartā hai. Inamen se ek sandarbh 1 Kurinthiyon adhyāy 7 hai aur ek any sandarbh Iphisiyon 5:22-23 hai. Jab inakā ikṭṭhā adhyayan kiyā jātā hai, to ye do sandarbh un Bāibal ādhārit siddhānto ko pradān karte hain jo Parmeśvar-ko-prasann karne vāle vaivāhik sambandh ke ḍhaānche ko nirmit karte hain.
Iphisiyon kā sandarbh viśeṣkar in vachano men ek saphal Bāibal ādhārit vivāh ke lie bahut hī adhik gaharāī rakhatā hai. "He patniyon, apane apane pati ke aise adhīn raho jaise Prabhu ke. Kyonki pati patnī kā sir hai jaise ki Masīh Kalīsiyā kā sir hai aur svayaṃ hī deh kā uddhārkartā hai" (Iphisiyon 5:22-23). "He patiyon, apanī apanī patnī se prem rakho jaisā Masīh ne bhī Kalīsiyā se prem karke apane āap ko uske lie de diyā" (Iphisiyon 5:25). "Isī prakār uchit hai ki pati apanī apanī patnī se apanī deh ke samān prem rakhe. Jo apanī patnī se prem rakhatā hai, vah apane āap se prem rakhatā hai. Kyonki kisī ne kabhī apane śarīr se bair nahī rakhā varan uskā pālan poṣaṇ kartā hai, jaisā Masīh bhī Kalīsiyā ke sāth kartā hai (Iphisiyon 5:28-29). "Is kāraṇ manuṣy apane mātā pitā ko choḍkar apanī patnī se milā rahegā aur ve dono ek tana honge" (Iphisiyon 5:31).
Jab ek viśvāsī pati aur patnī Parmeśvar ke siddhānto ke ūpar kāry karte hain, to pariṇām ek Bāibal ādhārit vivāh men nikaltā hai. Ek Bāibal ādhārit vivāh aisā vivāh hotā hai jo pati aur patnī dono ke sir ke rūp men Masīh ke sāth santulit hotā hai. Bāibal ādhārit vivāh kī vichārdhārā do alag alag manuṣyon men ektā kī hai jo ki Masīh kī uskī Kalīsiyā ke sāth ektā ke chitr ko dikhātī hai.
English
Bāibal vivāh ke bāre men kyā kahtī hai?
