Ek Masīhī viśvāsī vaivāhik joḍae ko yaun men kyā kuch nahīn/kyā kuch karne kī anumati hai?



Praśn: Ek Masīhī viśvāsī vaivāhik joḍae ko yaun men kyā kuch nahīn/kyā kuch karne kī anumati hai?

Uttar:
Bāibal kahtī hai ki "Vivāh sab men ādar kī bāat samajhī jāe, aur vivāh-bichaunā niṣkalank rahe, kyonki Parmeśvar vyabhicāriyon, aur parstrīgāmīyon kā nyāy karegā (Ibrāniyon 13:4). Pavitr Sāstr kabhī bhī nahīn kahtā hai ki ek pati yā patnī ko yaunik kriyāon men kyā kuch karne aur kyā kuch nahīn karne kī anumati hai. Patiyon aur patniyon kā nirdeś diyā gayā hai ki, "Tum ek dūsare se alag na raho; parntu keval kuch samay tak āaps kī sammati se (1 Kurinthiyon 7:5a). Yah vachan śāyad vivāh men yaun sambandhon ke ūpar siddhānt ko detā hai. Jo kuch bhī kiyā jāe, āapsī sammati se kiyā jān chāhie. Kisī ko aisā kuch karne ke lie utsāhit yā majabūr nahīn kiyā jāna chāhie ki ve kuch bāton ko karne kī kośiś kar rahe hain (udāharṇ ke lie maukhik yaun kriyā arthāt mukh maithun, yaun krīḍaā karnā ke vibhinn tarīke, yaun khilauno kā upayog ityādi), phir Bāibal koī bhī kāraṇ nahīn detī hai ki aisā kyon nahīn kiyā jā sakatā hai.

Yadyapi, yahān par kuch bāten aisī hain, jinhen yaunik kriyā ke lie ek vaivāhik joḍae ko bilkul bhī anumati nahīn dī gaī hai. Aise vyavahār jaise "jīvansāthī kī adalā-badalī karnā" yā "jīvansāthī ko sānjhā karnā/sānjhā karne vālā" yā "ek atirikt vyakti ko bāhar se lānā" (tīn logon, yā chār logon kā ikṭṭhā yaun karnā ityādi), khullam khullā vyabhichār hai (Galātiyon 5:19; Iphisiyon 5:3, Kulussiyon 3:5; 1 Thissalunīkiyon 4:3). Vyabhichār pāap hai, bhale hī āapkā jīvan sāthī iskī anumati detā, manjūr kartā, yā chāhe vah ismen sahabhāgī hī kyon na hotā hai. Aślīl sāmragī "śarīr kī abhilāṣā aur ānkhon kī abhilāṣā" kī or ākarṣit kartā hai (1 Yūhannā 2:16) aur is lie Parmeśvar ke dvārā bhī doṣī ṭhaharāyā gayā hai. Ek pati aur patnī ko aślīl sāmagrī ko apane yaun sambandh men kabhī bhī nahīn lānā chāhie. In do bāton ke atirikt, aisā kuch bhī nahīn jise Pavitr Sāstr spaṣṭ rūp se ek pati aur patnī ko manā kartā ho ki unhen āaps men kyā karnā chāhie jab tak yah āapsī sahamti se hotā hai.



Hindī ya Roman-Nagari ke mukhya pṛṣṭha par vāpsa jāie



Ek Masīhī viśvāsī vaivāhik joḍae ko yaun men kyā kuch nahīn/kyā kuch karne kī anumati hai?