Vivāh ant tak sthāī banā rahe – iskī kunjī kyā hai?



Praśn: Vivāh ant tak sthāī banā rahe – iskī kunjī kyā hai?

Uttar:
Prerit Paulus kahtā hai ki patnī apane pati ke sāth jab tak vah jīvit hai "bandhī" huī hai (Romiyon 7:2). Siddhānt yahān par yah hai ki vivāh kā bandhan ṭūṭane se pahale pati yā patnī kisī ek kī mṛtyu honī chāhie. Yah Parmeśvar kī āgyā hai, parntu hamāre ādhunik samāj men vivāh 51 pratiśat samay Talāk men hī sāmapāt ho jāte hain. Iskā arth yah hai ki lagabhag ādhe joḍae jo yah śapath lete hain ki "jab tak mṛtyu hame alag na kare" is śapatha ko toḍa dete hain.

Ek vaivāhik joḍae ko yah suniśchit karnā hai ki kyā unakā vivāh sthāī rūp se ant tak banā rahegā? Prathan aur antim mahatvpūrṇ viṣy Parmeśvar aur uske vachan kī āgyā ko pālan karnā kā hai. Yah ek aisā siddhānt hai jise vivāh se pahale hī lāgū kiyā jān chāhie. Parmeśvar kahtā hai, "Yadi do manuṣy parspar sahmat na hon; to kyā ve ek sang chal sakenge?" (Aamos 3:3). Nayā-janm pāe hue viśvāsiyon ke lie, iskā arth kisī bhī aise sāthī ke sāth nikaṭatā ke sambandh men ārambh karnā nahī hai jo ki viśvāsī nahīn hai. "Aviśvāsiyon ke sāth asamān jue men na juto, kyonki dhārmiktā aur adharm kā kyā mel-jola? Yā jyoti aur andhakār kī kyā sangti?" (2 Kurinthiyon 6:14). Yadi keval isī ek siddhānt kā anusraṇ kar liyā jāe, to yah bahut se vivāhon men bād men hone vāle bahut adhik dil ke dard aur dukhon se bachā sakatā hai.

Ek aur siddhānt jo ki ek vivāh ko lambe samay tak bachāe rakhane men surakṣā pradān kartā hai vah yah hai ki pati ke paas Parmeśvar ka prem hona chāhie aur apanī patnī ko apane śarīr kī tarah prem, ādar aur surakṣā pradān karnī chāhie (Iphisiyon 5:25-31). Ek milatā julatā huā siddhānt yah hai ki patnī ko Parmeśvar kī āgyā kā pālan karnā chāhie aur apane pati ke adhīn jaise "Prabhu ke adhīn hote hain" vaise rahanā chāhie (Iphisiyon 5:22). Ek purūṣ aur strī ke madhy men vivāh Masīh aur Kalīsiyā ke madhy ke sambandh kā chitr hai. Masīh ne svayaṃ ko Kalīsiyā ko de diyā aur vah apanī "dulhan" ko prem kartā, ādar aur surakṣā detā hai (Prakāśitvāky 19:7-9).

Jab Parmeśvar Havvā ko pahale vivāh men Adam ke pāas lekr āyā, to vah uske "māss aur haḍḍī" se milakar banī huī thī (Utpatti 2:21) aur ve "ek tan" ho gae (Utpatti 2:23-24). Ek tan hone kā arth śarīrik ektā se baḍhkar hai. Iskā arth man aur prāṇ ko āaps men milate hue ek ikāī men nirmit honā. Ye sambandh kāmuk yā bhāvnātmak ākarṣaṇ se kahīn pare kā hai aur ātmik "ektā" ke lok men chlā jātā hai jo keval tab hī prāpt ho sakatī hai jab dono sāthī svayaṃ ko Parmeśvar aur ek dūsare ko samarpit kar dete hain. Yah sambandh "main aur mere" ke ūpar nahīn hai apitu "ham aur hamāre" ke ūpar kendrit hai. Yah vivāh ke sthāī bane rahane ke rahasyon men se ek hai. Ek vivāh ko mṛtyu tak sthāī bane rahanā kuch aisā hai jismen dono sāthiyon ko prāthamiktā nirmit karnī paḍatī hain. Parmeśvar ke sāth apane ūrdhvādhar sambandh ko ṭhos banānā ek lambī dūrī kī or chalate hue yah suniśchit karnā hai ki pati aur patnī ke madhy kā samatal sambandh lambe samay ke lie sthāī hai, aur islie Parmeśvar ko sammān dene vālā hai.



Hindī ya Roman-Nagari ke mukhya pṛṣṭha par vāpsa jāie



Vivāh ant tak sthāī banā rahe – iskī kunjī kyā hai?