Praśn
Vivāh se pahale/vivāhpūrv yaun sambandhke bāre men Bāibal kyā kahatī hai?
Uttar
Bāibal men aise koī Yūnānī yā Ibrānī śabd kā upayog nahī huā jo ki niśchit rūp se vivāh se pahale yaun sambandh kī or sanket kartā ho. Bāibal binā kisī vivād ke vyabhichār aur yaun anaitiktā kī nindā kartī hai, parantu kyā vivāh se pahale yaun ko yaun anaitiktā samajhā jānā chāhie? 1 Kurinthiyon 7:2 ke anusār, "hān" isakā spaṣṭ uttar hai: "Parantu vyabhichār ke ḍar se har ek purūṣ kī patnī, aur har ek strī kā pati ho." Is pad men, Paulus kahatā hai ki vivāh yaun anaitiktā ke lie "nidān" hai. 1 Kurinthiyon 7:2 men āvaśyak rūp se yah kahā jā rahā hai ki, kyonki logo ko svayaṃ par ātmasaṃyam nahī hai aur bahut se log vivāh se bāhar anaitik yaun men sammilit hain, isalie logo ko vivāh kar lenā chāhie. Tab ve apanī icchāon ko naitik tarīke se pūrā kar sakate hain.
Kyonki 1 Kurinthiyon 7:2 spaṣṭ rūp se yaun anaitiktā kī paribhāṣā men vivāh se pahale ke yaun sambandh ko sammilit kartī hai, Bāibal ke ve sāre vachan jo yaun anaitiktā ko pāppūrṇ maānte hue nindā karte hain vivāh se pahale yaun ko pāppūrṇ maānte hue nindā karte hain. Vivāh se pahale yaun Bāibal kī yaun anaitiktā kī paribhāṣā men sammilit hai. Pavitrśāstr ke aise bahut se vachan hain jo vivāh se pahale yaun sambandh ko pāp hone kī ghoṣaṇā karte hain (Prerito Ke Kām 15:20; 1Kurinthiyon 5:1; 6:13, 18; 10:8; 2 Kurinthiyon 12:21; Galātiyon 5:19; Iphisiyo 5:3; Kulussiyo 3:5; 1Thissalunīkiyo 4:3; Yahūdā 7). Bāibal vivāh se pahale pūrṇ ātmasaṃyam ko protsāhit kartī hai. Ek pati aur patnī ke bīch yaun sambandho kā hī vah prakār hai jo Parameśvar ko manjūr kartā hai (Ibrāniyo 13:4).
Adhiktar ham yaun sambandho men "manabahalāv" ke pahalū kī or isake any pahalū – prajanan arthāt santānotpatti ko pahachāne binā dhyān kendrit karte hain. Yaun sambandh vivāh ke dāyare ke bhītar ānanddāyak hote hain. Parameśvar ne ise isī tarah se banāyā hai. Parameśvar chāhatā hai ki purūṣ aur strī vivāh kī sīmāo men rahakar yaun kriyāo kā ānand leṃ. Sreṣṭhagīt aur Bāibal ke kaī any sandarbh (jaise ki Nīti Vachan 5:19) yaun ke ānand kā spaṣṭ vivaraṇ dete hain. Tathāpi, ek dampatti ko samajhanā chāhie ki Parameśvar kī manśā yaun sambandho men santānotpatti bhī sammilit kartī hai. Isa kāraṇ, ek joḍae kā vivāh se pahale yaun sambandh sthāpit karnā doguṇe rūp se galat huā –ve us ānand ko le rahe hain jo unake lie nahī ṭhaharāyā gayā hai, aur ve ek manuṣy ke jīvan ko pārivārik ḍhānche jise Parameśvar ne pratyek bacche ke lie nirdhārit kiyā hai, ke bāhar janm dene ke khatare ko mol le rahe hain.
Jabki vyāvahārikatā sahī yā galat hone kā nirdhāraṇ nahī kartī hai, yadi vivāh se pahale yaun sambandho ke ūpar Bāibal ke sandeś kā pālan kiyā jāe, to yaun kriyāon dvārā hone vālī bīmāriyon men bahut kamī ā jāegī, kam kunvārī mātāyen hongī, kam anachāhe garbh ṭhaharenge, kam garbhpāt ādi honge aur bahut kam aise bacche honge jinake dono mātāpitā unake sāth nahī hain. Atma-saṃyam hī Parameśvar kī ekmātra nīti hai jab vivāh se pahale yaun sambandho kī bāt ātī hai. Atmasaṃyam jīvano ko bachātā hai, śiśuon kī rakṣā kartā hai, yaun sambandho ko uchit mūly detā, aur sabse mahatvpūrṇ rūp se Parameśvar ko sammaān detā hai.
Vivāh se pahale/vivāhpūrv yaun sambandhke bāre men Bāibal kyā kahatī hai?
