Aapke lie vyaktigat uddhārkartā ke rūp me Yīśu ko svīkār karne kā kyā arth hai?



Praśn: Aapke lie vyaktigat uddhārkartā ke rūp me Yīśu ko svīkār karne kā kyā arth hai?

Uttar:
Kyā āpne kabhī Yīśu Masīh ko apane vyaktigat uddhārkartā ke rūp me svīkār kiyā hai? Is praśn ko ṭhīk tarah se samajhne ke lie pahale āpko "Yīśu Masīh", "vyaktigat" aur "uddhārkartā" jaise śabdon ke bāre me uchit samajh honī chāhie.

Yīśu Masīh kauna hai? Bahuta se log Yīśu Masīh ko ek acche manuṣy, ek mahān śikṣak, yā yahān tak ki Parmeśvar ke ek bhaviṣyadvaktā ke rūp me svīkār karenge. Ye bāten Yīśu ke viṣay me niśchit rūp se satya hain, parntu ye pūrī tarah se yah paribhāṣā nahīn dete hain ki vah vāstav me kauna hai. Bāibal hame batātī hai ki Yīśu śarīr me Parmeśvar hai, Parmeśvar manuṣy ke rūp me hai (dekhen Yūhannā 1:1,14). Parmeśvar pṛthvī par hame śikṣā dene, changā karne, hame sudhārne, kṣamā karne – aur hamāre lie marane ke lie āyā! Yīśu Masīh Parmeśvar, sṛṣṭikartā aur Prabhutāsampann Prabhu hai. kyā āpne is Yīśu ko svīkār kiyā hai?

Ek uddhārkartā kauna hotā hai aur hame ek uddhārkartā kī kyon āvaśyakatā hai? Bāibal hame batātī hai ki ham sabne pāp kiyā hai; ham sabne bure kāryon ko kiyā hai (Romiyon 3:10-18). Apane pāpoṇ ke pariṇāmsvarūp, ham Parmeśvar ke krodh tathā nyāya ke pātr hain. Ek asīmita aur sanātan Parmeśvar ke viruddh pāp karne ke lie ekmātr uchit sajā asīmit daṇḍ hai (Romiyon 6:23; Prakāśan 20:1-15). Isīlie hame uddhārkartā kī āvaśyakatā hai!

Yīśu Masīh pṛthvī par āyā aur usne hamāre sthān par mṛtyu ko le liyā. Yīśu kī mṛtyu hamāre pāpoṇ ke lie asīmita kīmat ko chukānā thā (2Kurinthus 5:21). Yīśu ne hamāre pāpoṇ ke daṇḍ kī kīmat chukāne ke lie mṛtyu ko prāpt kiyā (Romiyon 5:8). Yīśu ne kīmat chukāī jisse ki hame na chukānā pade. Yīśu kī mṛtyu me se punarutthān ne yah pramāṇit kar diyā ki uskī mṛtyu hamāre pāpoṇ kā jurmānā adā karne ke lie paryāpt thī. Yahī kāraṇ hai ki Yīśu hī ek aur keval ekmātr uddhārkartā hai (Yūhannā 15:6 Preriton ke kām 4:12)! kyā āp Yīśu par apane uddhārkartā ke rūp me bharosā kar rahe hain?

Kyā Yīśu āpkā "vyaktigat" uddhārkartā hai? Bahuta se log masīhiyat ko Giraje me jānā, rīti-rivājon ko pūrā karnā aur/yā kuch niśchit pāpoṇ ko na karne ke rūp me dekhate hain. Yah masīhiyat nahīn hai. Sacchī masīhiyat Yīśu Masīh ke sāth vyaktigat sambandhon kā honā hai. Yīśu ko apane vyaktigat uddhārkartā ke rūp me svīkār karne kā arth usme apane svayaṃ ke vyaktigat viśvās aur bharose ko rakh denā hai. Koī bhī dūsaroṃ ke viśvās se uddhār nahīn pā sakatā hai. Koī bhī niśchit kāryon ko karne ke dvārā kṣamā nahīn pā sakatā hai. Uddhār prāpti ke lie ekmātr mārg yah hai ki āp vyaktigat rūp se Yīśu ko apanā uddhārkartā, uskī mṛtyu ko apane pāpoṇ kī kīmat ko chukāe jāne ke rūp me bharosā karke aur uske punarutthān ko anant jīvan ke lie apanī niśchaytā ke rūp me mānakar svīkār kare (Yūhannā 3:16). kyā Yīśu vyaktigat rūp se āpkā uddhārkartā hai?

Yadi āp Yīśu Masīh ko apanā uddhārkartā ke rūp me grahaṇ karnā chāhate hain, to Parmeśvar se nimnalikhit śabd kahen. Smaraṇ rakhen, is prārthanā yā koī any prārthanā kā bolanā āpko nahīn bachā sakatā hai. Keval Yīśu Masīh aur krūs ke ūpar uske dvārā samāpt kie hue kārya me viśvās hī hai jo āpko pāp se bachā sakatā hai. Yah prārthanā usme apane viśvās ko vyakt karne aur āpke lie uddhār kā prabndh karne ke lie dhanyvād dene kā ek tarīkā mātr hai. "He, Parmeśvar, main jāntā hūm̐ ki main ne āp ke viruddh pāp kiyā hai, aur main sajā kā pātr hūm̐. Parntu Yīśu Masīh ne us sajā ko svayaṃ par le liyā jiskā pātr main thā tāki usme viśvās karne ke dvārā main kṣamā kiyā jā sakūn. Main uddhār ke lie āpme apane viśvās ko rakhtā hūm̐. Aapke adbhut anugrah tathā kṣamā – jo anant jīvan kā upahār hai, ke lie main āpkā dhanyvād kartā hūm̐! Aamīn."

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.



Hindī ya Roman-Nagari ke mukhya pṛṣṭha par vāpsa jāie



Aapke lie vyaktigat uddhārkartā ke rūp me Yīśu ko svīkār karne kā kyā arth hai?