Praśn
Yahovā Viṭanesas yā Yahovā ke Gavāh kaun log hain aur ve kyā viśvās karte hain?
Uttar
Aaj jis saṃpradāy ko Yahovā Viṭanesas yā Yahovā ke Gavāh ke nām se jānte hai vah Pensilveniyā men 1870 men ek Bāibal adhyayan kakṣā men Chārls Tej Rassel ke dvārā ārambh huā jisne apane is samūh kā nām "Hajaār varṣ bhor kā Bāibal adhyayan" rakhā. Chārls Tej Rassel ne pustako kī ek śrṛkhanlā ko ārambh kiyā jise usne "Hajār varṣ kī bhor" kah kar pukārā jo ki uskī mṛtyu se pahale chah khanḍon tak baḍh gayā thā aur ismen āj ke samay Yahovā Viṭanesas mat ke anuyāyīyon dvārā pālan kie jāne vāle adhikttar Dharm Vigyan pāyā jātā hai. 1916 men Rassel kī mṛtyu kī bād, Nyāydhīś Je. Eph. Rūdaraphorḍ, jo ki Rassel ke Mitr aur uttarādhikārī the, ne "Hajār varṣ kī bhor" pustak śrṛkhaṃlā ke Sātve aur antim khanḍa kī rachanā "Sāpst huā Rahasy" nām se 1917 men kī. Vachṭāvar Bāibal aur Trekṭ Sosāiṭī 1886 men sthāpit kī gaī thī aur śīghr hī ek aisā mādhyam ban gaī jiske dvārā "Hajār varṣ kī bhor" pustak kā vitaraṇ andolan ke rūp men any logon men apanī vichārdhārā ko rakhane ke lie ke lie ārambh ho gayā. Is samūh kā nām 1931 tak "Rasselavādiyon" ke nām se jān jātā thā, parntu sangṭhan men vibhājna hone ke paśchāt, iskā punah nāmākarṇa "Yahovā Viṭanesas" yā Yahovā ke Gavāh diyā gayā. Jis samūh se yah vibhājit huā thā vah "Bāibal ke Vidyārthī" ke nām se jāna gayā hai.
Yahovā Viṭanesas kyā viśvās karte hain? Masīh ke īśvartv, Uddhār, Triektv, Pavitr Atmā, aur Prayāśchit jaise viṣyo ke ūpar unake dharm siddhāntik dṛṣṭikoṇo kī nikaṭ jānch sandeh se pare yah dikhātī hai ki ve in viṣyo ke ūpar pramāṇik Masīhī dṛṣṭikoṇo ko thāme hue nahīn hain. Yahovā Viṭanesas viśvās karte hain ki Yīśu Mīkāīl pradhān Svargdūt, sabse uccha sṛjā huā prāṇī hai. Yah Pavitr Sāstr ke kaī vachano ke virodh men he jo spaṣṭ rūp se yah ghoṣaṇā karte hain ki Yīśu Parmeśvar hai (Yūhannā 1:1,14, 8:58, 10:30). Yahovā Viṭanesas viśvās karte hain ki uddhār viśvās, bhale kāryo aur āgyāpālan ke sanyojan ke dvārā prāpt kiyā jā sakatā hai. Yah Pavitr Sāstr ke asankhy vachano ke virodh men hai jo yah ghoṣaṇā karte hain ki uddhār viśvās ke dvārā anugrah se prāpt kiyā jātā hai (Yūhannā 3:16; Iphisiyon 2:8-9; Tītus 3:5). Yahovā Viṭanesas triektv kā inkār karte hue, yah viśvās karte hain ki Yīśu ek sṛjā huā prāṇī thā aur Pavitr Atmā āvaśyak rūp se Parmeśvar kī nirjīv sāmarthy hai. Yahovā Viṭanesas Masīh ke pratisthāpit prāyaśchit kī vichārdhārā ko inkār kar dete hain aur iskī apekṣā phirutī yā chuṭakāre ke siddhānt ko mānate hain, jiske anusār Yīśu kī mṛtyu Adam ke pāap ke lie phirutī kī adāyagī thī.
Kaise Yahovā Viṭanesasavādī in Bāibal virūddh dharm siddhānto ko nyāyochit ṭhaharāte hain? Sarvapratham, ve dāvā karte hain ki Kalīsiyā ne sadiyo ke bītane ke sāth hī Bāibal ko bhraṣṭ kar diyā hai; is kāraṇ, unhonne Bāibal kā punah anuvād kiyā hai jise ve Nya Varlḍ Anuvād kah kar pukārate hain. Vachṭāvar Bāibal aur Trekṭ Sosāiṭī ne Bāibal ke mūlpāṭh men apane jhūṭhe dharm siddhānto ko, Bāibal jo vāstav men śikṣā detī hai, ke ūpar ādhārit hone kī apekṣā apane dharm siddhānto ke ādhār par inhen sahī ākār dene ke lie badalāv kar diyā hai. Jaise jaise Yahovā Viṭanesasavādī Pavitr śāstr men se adhik se adhik unake dharm siddhānto ke virodhābhās men naī khojon ko prāpt karte jāte hain jiske pariṇāmsvarūp, Nya Varlḍ Anuvād ke anaginat sanskarṇ āe hain.
Vachṭāvar apanī mānyatāon aur dharm siddhānto ko maulik rūp se aur Chārls Tej Rassel, Nyāydhīś Joseph Phreṃnkalin Rūdaraphorḍ, aur unake uttarādhikārīyon kī śikṣāon ke ūpar ādhārit aur vistārit karte hain. Vachṭāvar Bāibal aur Trekṭ Sosāiṭī kī kārykāriṇī apane sampradāy men ekmātr akelī aisī saṃsthā hai, jo yah Pavitr Sāstr ko anuvād karne ke adhikār kā dāvā kartī hai. Dūsare śabdo men, jo kuch Pavitr Sāstr ke kisī bhī sandarbh ke viṣy men kārykāriṇī kahtī hai, unhen antim śabd mānā jātā hain, aur vyaktigat soch ko dṛḍhtā se hatotsāhit kiyā jātā hai. Yah Timuthiyus (aur isī ke sāth hamāre lie bhī) ko dī huī Paulus kī pratyakṣ chetāvanī ke virodh men hai ki svayaṃ ko Parmeśvar ke grahṇyogy aur aisā kām karnevālā ṭhaharāne vāle hone ke prayatn karen, jo lajjit na hone pāe aur jo saty ke vachan ko ṭhīk rīti se kām se lāte ho. Yah chetāvanī, 2 Timuthiyus 2:15 men pāī jātī hai, Parmeśvar ke or se uskī harek santān ke lie ek spaṣṭ nirdeś hai ki ve Birīyā ke viśvāsiyon ke jaise bane, jo Pavitr Sāstr men se pratidin yah dekhane ke lie khoj kiyā karte the ki jo kuch unhen vachan men se sikhāyā jā rahā hai vah iske anusār hai yā nahīn.
Sāyad hī aisā koī dhārmik samūh hogā jo ki Yahovā Viṭanesasavādiyon se adhik apane sandeś kā prachār karne men viśvāsyogy ho. Durbhāgya se, unakā sandeś vikṛtiyon, dhokhe aur jhūṭhe dharm siddhānton se pūrṇ hai. Hamārī prārthanā yah hai ki Parmeśvar Yahovā Viṭanesasavādiyon kī ānkhon ko saty ke Susmāchār aur Parmeśvar ke vachan kī sacchī śikṣā ke lie khola de.
English
Yahovā Viṭanesas yā Yahovā ke Gavāh kaun log hain aur ve kyā viśvās karte hain?
