Kyon Yahūdī aur Arab/Muslim ek dūsare se ghṛṇā karte hain?



Praśn: Kyon Yahūdī aur Arab/Muslim ek dūsare se ghṛṇā karte hain?

Uttar:
Sabse pahale, samajhne ke lie yah bāat mahatvpūrṇ hai ki Arab men rahane vāle sāre log Muslim nahīn hai aur na hī sāre Muslim Arab hain. Jabki Arabo kī bahusankhyak Ginatī Muslim hai, parntu phir bhī vahāan par bahut se gair-Muslim Arab bhī hain. Iske atirikt, viśeṣ rūp se gair-Arab Muslim logon ke bahut se ṣetr hain jaise Inḍoneśiyā aur Maleśiyā jismen apekṣākṛta kam Arab Muslim hain. Dūsarā, yah smaraṇ rakhanā mahatvpūrṇ hai ki sabhī Arab Yahūdiyon se ghṛṇā nahīn karte hain, na hī sabhī Muslim yahudiyon se ghṛṇā karte hain, aur na hī sabhī Yahūdī Arabo aur Muslimāno se ghṛṇā karte hain. Hame rūḍhaivādī banane se bachane ke lie sāvadhān rahanā chāhie. Parntu phir bhī, sāmāny rūp men bolanā, Arabo aur Muslimāno men Yahūdiyon ke prati nāapsndagī aur aviśvās hai, aur aisā hī ulṭā bhī hai.

Yadi is śatrutā kā koī Bāibal ādhārit spaṣṭ vivaraṇ hai to yah hame Abrāham ke samay kī or chlā jātā hai. Yahūdī Abrāham ke putr Ishāk kī santān hain. Arab Abrāham ke putr Iśmāel kī santān hai. Iśmāel kā ek gulām strī se putr ke rūp men utpann honā (Utpatti 16:1-16) aur Ishāk kā pratigyā kie hue putr ke rūp men utpann honā jo ki Abrāham kī āśiṣo kā vāris banegā (Utpatti 21:1-3), spaṣṭ hai ki dono putron ke madhy men kuch na kuch śatrutā utpann hogī. Pariṇāmsvarūp Iśmāel ke dvārā Ishāk kā majāk uḍaānā (Utpatti 21:9), Sārā kā Hājirā aur Iśmāel ko nikāl kar dūr bheja dene (Utpatti 21:11-21) kī bāat karnā. Ho sakatā hai ki, isne Iśmāel ke hiṛday men Ishāk ke virūddh aur bhī jyādā tiraskār ko bhar diyā hogā. Ek Svargdūt ne hājirā se bhaviṣydvāṇī kī ki Iśmāel "apane bhāī-bandhuon ke madhy śatrutā se rahegā" (Utpatti 16:11-12).

Islām dharm, jismen bahusnkhyak Arab anuyāyī hain, ne is śatrutā ko bahut jyādā gaharā kar liyā hai. Kuraān men kuch sīmā tak Muslamāno ke sambandh men die hue nirdeśo men virodhābhās hai. Ek samay yah Muslimo ko nirdeś detā hai ki ve Yahūdiyon ke sāth apane bhāī jaisā vyavahār karen aur dūsare samay yah Muslimāno ko un Yahūdiyon ke ūpar akramaṇ karne kā ādeś detā hai jo Islām ko svīkār karne se inkār kar dete hain. Islām sāth hī ek aur sangharṣ kā parichay karātī hai ki Abrāham kā kaun sā putr vāstav men pratigyā kā putr thā. Ibrānī Pavitr Sāstr kahtā hai ki yah Ishāk thā. Kuraān kahtī hai ki yah Iśmāel thā. Kuraān śikṣā detī hai ki yah Iśmāel thā na ki Ishāk (Utpatti adhyāy 22 virodhābhās men) jise Abrāham lagabhag Yahovā ko balidān men chaḍhaāne vālā thā. Yah vivād ki kaun pratigyā kī santān thā, āj ke samay kī śatrutā men yogadān detā hai.

Parntu phir bhī, Ishāk aur Iśmāel ke madhy kaḍvāhaṭ kī prāchīn jaḍ āj ke samay ke yahdiyon aur Arab ke madhy kī sārī śatrutā kā vivaraṇ nahīn detī hai. Sacchāī to yah hai, ki Madhy Pūrv ke hajāro varṣo ke itihās men, Yahūdī aur Arab ek dūsare ke sāth śānti aur udāsīnatā ke sāth rahe hain. Is śatrutā kā prāthamik kāraṇ āj kā ādhunik ghaṭanākram hai. Dvitīy Viśva Yuddh ke paśchāt, Suyakt Rāṣṭr ne Yahūdī logon ko Isrāel ke lie bhūmi kā ek ṭukaḍaā de diyā thā, aur yah jamīn mūl rūp se Arabo (Philīstīn) kā nivās sthān thī. Adhiktar Arabo ne Isrāel ke rāṣṭr ko is jamīn ko basane ke lie purajor virodh kiyā. Arab deś ektr ho gae aur unhonne Isrāel ko is jamīn men se bhagā dene ke lie uske ūpar akramaṇ kar diyā, parntu ve hār gae the. Tab se lekr ab tak, Isrāel aur Arab paḍosiyon ke madhy men bahut adhik śatrutā pāī jātī hai. Isrāel ek choṭe se jamīn ke ṭukaḍae ke ūpar apane se bahut jyādā baḍae vistṛt Arab rāṣṭron ke madhy men ghirā huā hai jaise Jorḍana, Sīriyā, Saūdī Arab, Irāk aur Misr. yah hamārā dṛṣṭikoṇ hai ki, Bāibal par ādhārit hokar bolanā, Isrāel ko ek rāṣṭr ke rūp men apanī jamīn ke ūpar basane kā adhikār hai jise Parmeśvar ne Abrāham ke pote Yākūb ke vaśaj ko dī thī. Thīk usī samay, ham dṛḍhtā se viśvās karte hain ki Isrāel ko śānti kī sthāapnā karnī chāhie aur apane Arab paḍosiyon ke prati sammān dikhānā chāhie. Bhajan Sanhitā 122:6 ghoṣaṇā kartā hai, "Yarūśalem kī śānti kā varadān māngo: tere prem kuśal se rahen."



Hindī ya Roman-Nagari ke mukhya pṛṣṭha par vāpsa jāie



Kyon Yahūdī aur Arab/Muslim ek dūsare se ghṛṇā karte hain?