Yīśu Masīh kaun hai?



Praśn: Yīśu Masīh kaun hai?

Uttar:
"Kyā Parmeśvar kā astitv hai?" Is praśn ke viparīt bahut kam logon ne yah praśn kiyā hai ki kyā Yīśu Masīh kā koī astitv thā. Yah sāmāny rūp se svīkār kiyā jātā hai ki Yīśu sach men ek manuṣy thā jo lagabhag 2000 varṣ pahale Isrāel kī dhartī ke ūpar chlā phirā thā. Vād-vivād tab ārambh hotā hai jab Yīśu kī pūrṇ pahachān ke viṣy par vichār hotā hai. Lagabhag har ek mukhy dharm yah śikṣā detā hai ki Yīśu ek paigambar, yā ek acchā śikṣak, yā ek dhārmik puruṣ thā. Samasyā yah hai ki, Bāibal hame batātī hai ki Yīśu ananttā se hī ek bhaviṣyvaktā, ek acche śikṣak, yā ek dhārmik puruṣ se kahīn adhik baḍhkar thā.

C S Luīs apanī pustak Miyar kriściyāniṭī (kevalmātr Masīhiyat) men yah likhate hain, "Main yahān par kisī ko bhī us vāstavik mūrkhtā pūrṇ bāat ko kahne se rokane kā prayās kar rahā hūn jise log aksar uske [Yīśu Masīh ke] bāre men kahte hain: 'Main Yīśu ko ek mahān naitik śikṣak ke rūp men svīkār karne ko taiyār hūn, parntu main uske Parmeśvar hone ke dāve ko svīkār nahīn kartā. Yah ek aisī bāat hai jo hame nahīn kahnī chāhie. Ek manuṣy jo keval ek manuṣy thā aur is prakār kī bāten kahtā thā jaisī Yīśu ne kahī ek mahān naitik śikṣak nahīn ho sakatā. Vah yā to ek pāgla vyakti hogā - us star par jaise koī vyakti kahe ki vah ek saḍaā huā aṇḍā hai - yā phir vah nark kā Saitān ho sakatā hai. Aapko apanā chunāv karnā chāhie. Yā to yah vyakti, jo Parmeśvar kā putr thā aur hai, yā phir koī pāgl yā kuch aur isse bhī jyādā burā vyakti. Aap mūrkhtā ke lie use chup karā sakate hain, us par thūk sakate hain aur ek duṣṭatmā ke rūp men use mār sakate hain; yā āap uske charaṇo men girakar use Prabhu aur Parmeśvar kah sakate hain. Parntu hame kabhī bhī kṛpā se bharī huī mūrkhtā ke sāth yah nirṇay nahīn lenā chāhie ki vah ek mahān śikṣak thā. Usne yah vikalp hamāre liye khulā nahīn chodā hai. Uskī aisī koī manśā nahīn thī."

Is lie, Yīśu apane lie kaun hone kā dāvā kiyā? Bāibal kyā kahtī hai ki vah kaun thā? Sabse pahale, Yūhannā 10:30 men Yīśu ke śabdo kī or dekhate hain, "Main aur pitā ek hain." Pahalī dṛṣṭi men, yah Parmeśvar hone ke dāve ke rūp men pratīt nahīn hotā. Parntu phir bhī, uske kathan par Yahūdiyon kī pratikriyā ko dekhen, "Yahūdiyon ne usko uttar diyā, ki bhale kām ke lie ham tujhe patharāv nahīn karte parntu Parmeśvar kī nindā karne ke kāraṇ; aur islie ki tū manuṣy hokar apane āap ko Parmeśvar banātā hai" (Yūhannā 10:33). Yahūdiyon ne Yīśu ke kathan ko Parmeśvar hone kā dāvā samajhā thā. Age āne vālī āyato men Yīśu ne Yahūdiyon ko sudhārne ke lie kabhī bhī yah nahīn kahā, "Mainne Parmeśvar hone kā dāvā nahīn kiyā thā." Yah sanket detā hai ki Yīśu yah ghoṣaṇā karte hue ki "Main aur pitā ek hain" (Yūhannā 10:30) sach men kah rahā thā ki vah Parmeśvar hai.

Yūhannā 8:58 ek aur udāharṇ hai: Yīśu ne kahā, "Main tum se sach-sach kahtā hūn ki isse pahale ki Abrāham utpann huā, Main Hūn !" Ek bār phir, pratikriyā men, Yahūdiyon ne patthar uṭhākar Yīśu ko mārne kī kośiś kī (Yūhannā 8:59). Yīśu ne apanī pahachān kī ghoṣaṇā "Main Hūn" karke dī vah Purāne Niyam men Parmeśvar ke nām ke upar sīdhī taur par lāgū hotā thā (nigarmn 3:14). Yahūdī phir se Yīśu ko kyon pattharvāh karnā chāhate the yadi usne kuch aisā nahīn kahā thā jise ve Parmeśvar kī nindā karnā samajh rahe the, arthāt, Parmeśvar hone kā dāvā?

Yūhannā 1:1 kahtā hai ki "Vachan Parmeśvar thā." Yūhannā 1:14 kahtā hai ki "Vachan dehdhārī huā." Yah spaṣṭatā se sanket detā hai ki Yīśu hī deh rūp men Parmeśvar hai. Siṣya Thomā Yīśu ke sambandh men kahtā hai ki, "He mere Prabhu, He mere Parmeśvar" (Yūhannā 20:28). Yīśu ne use nahīn sudhārā. Prerit Paulus uskā is rūp men varṇan kartā hai ki, "...apane mahān Parmeśvar aur uddhārkartā Yīśu Masīh" (Tītus 2:13). Prerit Pataras bhī aisā hī kahtā hai ki, "... hamāre Parmeśvar aur uddhārkartā Yīśu Masīh" (2Pataras 1:1). Pitā Parmeśvar bhī Yīśu kī pūrṇ pahachān kā gavāh hai, "Parntu putr se kahtā hai ki,'he Parmeśvar, terā sinhāsan yugānuyug rahegā, tere rājy kā rājdaṇḍ nyāy kā rājdaṇḍ hai.'" Purāne Niyam kī Masīh ke prati kī gaī bhaviṣydvāṇiyān uske īśvartv kī ghoṣaṇā kartī hain ki, "kyonki hamāre lie ek putr diyā gayā; aur prabhutā uske kāndhe par hogī, aur uskā nām adbhut yukti karnevālā parākramī Parmeśvar, anantkāl kā pitā, aur śānti kā rājkumār rakhā jāegā" (Yaśāyāha 9:6).

Islie hī, jaisā ki C S Luīs ne dalīl dī hai, ki Yīśu ko ek acche śikṣak ke rūp men mānanā koī vikalp nahīn hai. Yīśu ne spaṣṭ rūp se aur Parmeśvar hone ke inkār na kie jāne vāle dāvo ko kiyā hai. Yadi vah Parmeśvar nahīn hai, to phir vah jhūṭhā hai, aur islie ek paigambar; acchā śikṣak, yā dhārmik puruṣ nahīn hai. Yīśu ke śabdo kī vyākhyā karne kī kośiś karte hue, ādhunik "vidvān" yah dāvā karte hain ki "vāstavik aitihāsik Yīśu" ne un bahut sī bāton ko nahīn kahā jinhen Bāibal men usne kahā hai. Parmeśvar ke vachan ke sāth bahas karne vāle ham kaun hote hain ki Yīśu ne kyā kahā yā kyā nahīn kahā? Kaise koī ek "vidvān" jo Yīśu ke do hajār sāl bād āyā men aisā uttam bodha unakī bajāy jo uske sāth rahe, jinhon ne uskī sevā kī aur svayaṃ Yīśu se śikṣā pāī se kaise ho sakatā hai ki Yīśu ne kyā kahā yā kyā nahīn kahā (Yūhannā 14:26)?

Yīśu kī sacchī pahachān ke ūpar praśn itanā mahatvpūrṇ kyon hai? Is bāat ke kyā māyane hain ki Yīśu Parmeśvar hai yā nahīn? Iskā sabse mahatvpūrṇ kāraṇ yah hai ki Yīśu ko is lie Parmeśvar honā thā vah yah hai ki yadi Yīśu Parmeśvar nahīn hai, to uskī mṛtyu pūre sanār ke pāpon ke jurmāne kī kīmat adā karne ke liye paryāpt nahīn ho sakatī thī (1Yūhannā 2:2). Keval Parmeśvar hī aise asīmit jurmāne ko bhar sakatā hai (Romiyon 5:8; 2 Kurinthiyon 5:21). Yīśu ko Parmeśvar honā thā tāki vah hamārā karj ko adā kar sake. Yīśu ko manuṣy honā thā tāki vah mar sake. Uddhār keval Yīśu Masīh men viśvās karne par hī upalabdh hai. Yīśu kā īśvartv hī hai kyonki vahī uddhār kā ekmātr mārg hai. Yīśu kā īśvartv hī hai jis kāraṇ usne yah ghoṣaṇā kī ki, "mārg aur sacchāī aur jīvan main hī hūn. Binā mere dvārā koī pitā ke pāas nahīn pahunch sakatā" (Yūhannā 14:6).



Hindī ya Roman-Nagari ke mukhya pṛṣṭha par vāpsa jāie



Yīśu Masīh kaun hai?