Praśn
Apanī Mṛtyu aur Punarutthān ke madhy tīn din tak Yīśu kahān thā?
Uttar
1 Pataras 3:18-19 kahatā hai ki, "Isaliye ki Masīh ne bhī, arthāt adharmiyo ke liye dharmī ne, pāpo ke kāraṇ ek bār dukh uṭhāyā, tāki hame Parameśvar ke pās pahunchāe; vah śarīr ke bhāv se to ghāt kiyā gayā, par Atmā ke bhāv se jilāyā gayā. Usī men usane jākar kaidī Atmāon ko bhī prachār kiyā." Pad 18 men vākyānś "Atmā ke bhāv," kā nirmāṇ vākyānś "śarīr ke bhāv" ke samaān hī hai. Isaliye yah sabse acchā pratīt hotā hai ki "Atmā" śabd ko usī kṣetr se sambaddh kiyā jāye jisase śabd "śarīr" hai. Sarīr aur Atmā Masīh kā śarīr aur Atmā hai. Sabd "Atmā ke bhāv se jilāyā gayā" isī saty kī or sanket karte hain ki, Masīh ke pāpo ko apane ūpar uṭhāne aur usakī Mṛtyu ne usakī Maānvīy Atmā ko Pitā se alag kar diyā thā (Mattī 27:46).
Sarīr aur Atmā men antr hai, jaisā ki Mattī 27:41 men aur Romiyon 1:3-4 men hai, aur Yīśu ke śarīr aur Pavitr Atmā men nahī hai. Jab pāp ke liye Yīśu kā prāyaśchit pūrā ho gayā, usakī Atmā ne us sangti ko phir prāpt kar liyā jo ṭūṭ gaī thī.
1 Pataras 3:18-22 Yīśu ke dukh uṭhāne (pad 18) aur usakī mahimā (pada 22) ke bīch ek āvaśyak sambandh kā vivaraṇ detā hai. Keval Pataras hī ek niśchit sūchanā detā hai ki dono ghaṭanāo ke madhy men kyā huā thā. Pad 19 men śabd "prachār" Nae Niyam men ek sādhārṇ upayog men āne vālā śabd nahī hai jo ki susamāchār ke prachār kā varṇan kartā ho. Isakā śābdik arth kisī ek sūchanā kī udaghoṣaṇā karne se hai. Yīśu ne dukh uṭhāyā aur krūs par mar gayā, aur usakā śarīr miṛt ho gayā, aur usakī Atmā mar gaī jab use pāp banā diyā gayā thā. Parantu usakī Atmā ko jīvit kiyā gayā aur usane ise pitā ko lauṭā diyā gayā. Pataras ke anusār, apanī Mṛtyu aur apane punarūtthān ke madhy men kisī samay Yīśu ne "kaid kī huī Atmāon" men jākar viśeṣ ghoṣaṇā kī.
Pahalī bāt yah ki, Pataras logo kā ullekh 'prāṇiyo' ke rūp men "Atmāon" ke rūp men nahī kartā hai (1 Pataras 3:20). Nae Niyam men, śabd "Atmā" Svargdūto yā duṣṭatmāon ke liye prayog kiyā jātā thā, manuṣyo ke liye nahī, aur pad 22 isake arth ko apane men lie hue jān paḍatā hai. Aur isī ke sāth, ki Bāibal men kahīn bhī hamko yah nahī batāyā gayā hai ki Yīśu Narak men bhī gayā. Prerito Ke Kām 2:31 kahatā hai ki vah "adholok" (Bāibal kā Bī. Es. Aī Hindī anuvād) men gayā, parantu "adholok" Narak nahī hai. Sabd "adholok" murdo kī us asthāī jagah ke or sanket kartā hai jahān ve Punarutthān ke din kī pratīkṣā karte hain. Prakāśit Vākya 20:11-15, men Bī. Es. Aī ke Hindī ke Purāne aur Nae dono anuvādo men dono śabdo ke spaṣṭ antr ko batāyā gayā hai. Narak khoe huon ke liye ek sthāī aur nirṇāyak jagah hai. Adholok ek asthāī jagah hai.
Hamārā prabhu apanī Atmā ko pitā ke adhīn kartā huā marā, aur Mṛtyu aur Punarutthān ke madhy men kisī samay, murdo ke rājy men gayā jahān usane ātmik prāṇiyo (śāyad nīche gire hue Svargdūt; Yahūdā 6 dekhen) ko sandeś diyā jo ki kisī tarah se Nūh ke samay kī bād kī avadhi ke pahale ke samaykāl se sambandhit the. Pad 20 ise spaṣṭ kartā hai. Pataras hame yah nahī batātā ki usane in kaid kī huī Atmāon ko kyā ghoṣaṇā kī, parantu yah uddhār kā sandeś nahī ho sakatā kyonki Svargdūto kā uddhār nahī ho sakatā (Ibrāniyo 2:16). Saṃbhavatayā yah Saitān aur usake samūh ke ūpar vijay kī ghoṣaṇā thī (1Pataras 3:22; Kulussiyo 2:15). Iphisiyo 4:8-10 bhī yahī sanket detā huā jān paḍatā hai ki Masīh "Svarglok" (Lūkā 16:20; 23:43) men ūpar gayā aur apane sāth Svarg men un sab ko sāth le gayā jinhone usakī Mṛtyu se pahale us par viśvās kiyā thā. Yah sandarbh bahut adhik vivaraṇ nahī detā hai ki kyā ghaṭit huā thā, parantu adhikttar Bāibal ke vidvān is bāt par sahamt hain ki vah apane sāth bahut se bandiyo ko bāndh le gayā kā yahī kuch arth hai.
Isaliye, kul milākar, Bāibal pūrī tarah se spaṣṭ nahī kartī ki Masīh ne apanī Mṛtyu aur punarūtthān ke madhy tīn din tak kyā kiyā. Yadyapi, aisā jān paḍatā hai ki vah gire hue Svargdūto par aur/yā aviśvāsiyo par vijay kā prachār kar rahā thā. Jo ham niśchit rūp se jān sakate hain vah yah hai ki Yīśu logo ko uddhār pāne kā dūsarā avasar nahī de rahā thā. Bāibal hame batātī hai ki Mṛtyu ke bād hame nyāy kā sāmanā karnā padtā hai (Ibrāniyo 9:27), dūsare avasar kā nahī. Vahān vāstav men koī niśchit spaṣṭ uttar nahī hai ki Yīśu apanī Mṛtyu aur Punarutthān ke madhy kyā kar rahā thā. Sāyad yah un rahasyo men se ek hai jo ham tab samajhenge jab ham mahimā men pahunchenge.
Apanī Mṛtyu aur Punarutthān ke madhy tīn din tak Yīśu kahān thā?
