Iskā kyā arth hai ki Yīśu Parmeśvar kā putr hai?



Praśn: Iskā kyā arth hai ki Yīśu Parmeśvar kā putr hai?

Uttar:
Yīśu mānavīy pitā aur putr ke bhāv men Parmeśvar kā putr nahīn hai. Parmeśvar ne putr ko janm dene hetu vivāh nahīn kiyā aur putr utpann nahīn kiyā. Parmeśvar Mariyam ke sāth ek bacche ko utpann karne ke lie hambistar nahīn huā. Yīśu is arth se Parmeśvar kā putr hai ki vah Parmeśvar hai jo manuṣy ke rūp men pragaṭ huā (Yūhannā 1:1,14). Yīśu Parmeśvar kā putr is tarah se hai ki Mariyam men unakā garbhdhārṇ Pavitr Atmā ke dvārā huā. Lūkā 1:35 ghoṣit kartā hai ki, "Svargdūt ne usko uttar diyā, ‘Pavitr Atmā tujh par utaregā aur parmapradhān kī sāmarthy tujh par chāyā karegī; islie vah Pavitr jo utpann hone vālā hai, Parmeśvar kā putr kahlāegā.'"

Yahūdī aguvo ke sāmane apanī sunavāī ke samay, mahāyājkon ne Yīśu se māng kī thī ki, "Main tujhe jīvate Parmeśvar kī śapatha detā hūn ki yadi tū Parmeśvar kā putr Masīh hai, to ham se kah de" (Mattī 26:63). Yīśu ne usse kahā, "Tūne āap hī kah diyā. 'Varan main tum se yah bhī kahtā hūn ki aba se tum manuṣy ke putr ko sarvaśaktimān ke dāhinī or baiṭhe, aur ākāś men bādlon par āte dekhoge'" (Mattī 26:64). Yahūdī aguvo ne Yīśu par īśanindā karne kā doṣ lagāte hue pratyuttar diyā (Mattī 26:65-66). Iske bād, Yahūdiyon ne Pentiyus Pīlātus ko jor diyā ki, "Hamārī bhī vyavasthā hai aur us vyavasthā ke anusār vah māre jāne ke yogy hai, kyonki usne apane āap ko Parmeśvar kā putr banāyā" (Yūhannā 19:7). Kyon uskā Parmeśvar kā putr hone kā dāvā īśanindā mānā gayā aur mṛtyu kī sajā ke yogy thā? Yahūdī aguvo ne bilkul ṭhīk samajhā thā ki Yīśu kā ’’Parmeśvar kā putr’’ hone ke śabdo se kyā arth thā. Parmeśvar kā putr honā Parmeśvar ke tulya hone jaisā thā. Parmeśvar kā putr ‘‘Parmeśvar’’ honā thā. Parmeśvar jaise guṇo kā dāvā – sacchāī yah hai ki Parmeśvar honā thā – jo ki Yahūdī aguvo ke lie īśanindā thī; islie unhon ne Laivyavya Vasthā 24:15 ke anusār Yīśu ke lie mṛtyu kī māng kī. Ibrāniyon 1:3 spaṣṭ vyakta kartī hai, "Putr uskī mahimā kā prakāś aur uske tatv kī chāap hai."

Ek aur udāharṇ Yūhannā 17:12 men pāyā jātā hai jahāan Yahuda ko ‘‘Vināś kā putr’’ karke varṇit kiyā gayā hai. Yūhannā 6:71 hame batātā hai ki Yahuda Samaun kā putr thā. Yūhannā 17:12 kā Yahuda ko "Vināś ke putr" ke rūp men varṇit kartā hai? Sabd vināś kā arth "nāś, ujāḍa, vyarth" hotā hai. Yahuda śābdik rūp se "ujāḍa, nāś, vyarth" kā putr nahīn thā, parntu ye bāten Yahuda ke jīvan kī pahachān thī. Yahuda vināś kā pragaṭīkarṇ thā. Isī rīti se Yīśu Parmeśvar kā putr hai. Parmeśvar kā putr Parmeśvar hai. Yīśu Parmeśvar kā prakaṭ rūp hai (Yūhannā 1:1, 14).



Hindī ya Roman-Nagari ke mukhya pṛṣṭha par vāpsa jāie



Iskā kyā arth hai ki Yīśu Parmeśvar kā putr hai?