Acche mātā-pitā hone ke bāre men Bāibal kyā kahtī hai?



Praśn: Acche mātā-pitā hone ke bāre men Bāibal kyā kahtī hai?

Uttar:
Baccho kā pālan-poṣaṇ karnā kaṭhin aur chunutī bharā huā kāry ho sakatā hai, parntu ṭhīk usī samay yah sabse adhik puraskār dene vālā aur kie jāne vāle kisī bhī kāry se adhik bharpūrī ko dene vālā ho sakatā hai. Bāibal ke pāas is viṣy ke ūpar kahne ke lie bahut kuch hai ki kis tarīke se ham saphaltāpūrvk apane baccho kā Parmeśvar ke purūṣon aur strīyon hone ke rūp men pālan poṣaṇ kar sakate hain.

Prem se bhare hue Parmeśvar ke sāth aur dharmī jīvan yāapn karne ke dvārā svayaṃ ko uske ādaśon ke prati samarpit karte hue, hame hamāre baccho ke sambandh men ṭhīk vaisā hī karne ke lie Vyavasthā Vivaraṇ 6:7-9 ke ādeś ke prati dhyān dene kī āvaśyaktā hai. Yah sandarbh is tarah ke nirdeś ke chalate rahane vāle svabhāv ke ūpar jor detā hai. Ise har samay – ghar men, saḍak ke ūpar, rāt men aur subah ke samay kiyā jāna chāhie. Bāibal kī sacchāī hamāre gharo kī nīv honī chāhie. In ādeśo ke siddhānto kā anusraṇ karte hue, hame apane baccho ko śikṣā dete hain ki Parmeśvar kī arādhanā nirantar honī chāhie, keval Ravivār kī subah yā rāt kī prārthanāo tak sīmit nahīn honā chāhie.

Hāalāki hamāre bacche sīdhī śikṣā ke dvārā bahut kuch kar sīkhate hain, ve hame dekhane ke dvārā bahut jyādā sīkhate hain. Is lie hī hame har kāry ko karne ke lie sāvadhān rahanā chāhie. Hame sabse pahale Parmeśvar-dvārā dī huī bhūmikāon ke bāre men jānkārī honī chāhie. Patiyon aur patniyon men parspar sammān honā chāhie aur unhen ek dūsare ke adhīn honā chāhie (Iphisiyon 5:21). Thīk usī samay, Parmeśvar ādeś ke kram ko banāe rakhane ke lie adhikār kram ko sthāpit kiyā hai. "Parntu main chāhatā hūn ki tum yah jān lo ki har ek purūṣ kā sir Masīh hai aur strī kā sir purūṣ hai, aur Masīh kā sir Parmeśvar hai" (1 Kurinthiyon 11:3). Ham jānte hain ki Masīh Parmeśvar se kam nahīn hai, ṭhīk vaise hī patnī pati se kam nahīn hai. Parmeśvar ise svīkār kartā hai, parntu phir bhī, adhikār ke prati adhīntā ke binā, yahān par koī ādeś arthāt kram hī nahīn hogā. Pati kī jimmedārī gharāne kā sir hone ke nāte apanī patnī ko prem karne kī hai ṭhīk vaise hī jaise vah apane śarīr ko prem kartā hai, vaise hī jaise balidānātmak tarīka se Masīh ne apanī Kalīsiyā ko prem kartā hai (Iphisiyon 5:25-29).

Is prem se bhare hue netṛtv ke prati pratikriyā svarūp, ek patnī ko apane pati ke adhikār ke adhīn hone men koī kaṭhinatā nahīn hotī hai (Iphisiyon 5:24; Kulussiyon 3:18). Uskī maulik jimmedārī apane pati ko prem kare aur uskā sammān kare, buddhimān aur Pavitrtā men jīvan vyatīt karte hue, apane ghar kī dekhabhāl kare (Tītus 2:4-5). Striyon men purūṣon kī apekṣā pālan-poṣaṇ karne kā adhik svabhāvik guṇ hotā hai kyonki unhen maulik rūp se apane baccho kī dekhabhāl karne ke lie hī sṛjā gayā hai.

Anuśāsan aur nirdeś baccho ke pālan-poṣaṇ karne ke angbhūt hisse hain. Nītivachan 13:24 kahtā hai, "Jo beṭe par chaḍaī nahīn chlātā vah uskā bairī hai, parntu jo us se prem rakhatā hai, vah yatn se use śikṣā detā hai." Ve bacche jo anuśāsanhīn gharo men baḍae hote hain svayaṃ ko phāltū aur ayogy samajhte hain. Unamen diśā-nirdeś aur ātma-sayam kī kamī hotī hai, aur jaise jaise ve baḍae hote jāte hain ve vidrohī ban jāte hain aur kisī bhī tarah ke adhikār ke prati unamen yā to thoḍaā yā phir kisī bhī tarah kā sammān nahīn hotā hai, jismen Parmeśvar bhī sammilit hai. "Jab tak āśā hai to apane putr ko tāḍanā kar, jān būjhakar usko mār na ḍāl" (Nītivachan 19:18). Thīk usī samay, anuśāsan ko prem ke sāth santulit honā chāhie, anythā bacche gussā karte hue, hatāśā, aur vidrohī hokar baḍhae honge (Kulussiyon 3:21). Parmeśvar svīkār kartā hai ki anuśāsan dard se bharā huā hotā hai jab ise kiyā jā rahā ho (Ibrāniyon 12:11), parntu ise prem se bhare hue nirdeś ke sāth kiyā jān chāhie, yah ullekhnīya rūp se bacche ke lie lābhkārī hotā hai. "He bacchevālon , apane baccho ko ris na dilāo, parntu Prabhu kī śikṣā aur chetāvanī dete hue unakā pālan poṣaṇ karo" (Iphisiyon 6:4).

Baccho ko Kalīsiyā ke parivār aur sevakāī men sammilit karnā ati mahatvpūrṇ hai jab ve yuvā ho rahe hote hain. Bāibal-men-viśvās karne vālī Kalīsiyā men nirantar hissā len (Ibrāniyon 10:25), unhen dekhane den ki āap Bāibal ko paḍh rahe hain, aur sāth hī unake sāth iskā adhyayan karen. Unake sāth unake chāro aur ke sanār ko jab ve dekhate hain to uskī charchā karen, aur unhen Parmeśvar kī mahimā ke bāre men pratidin ke jīvan ke dvārā śikṣā den. "Laḍake ko usī mārg kī śikṣā de jis par use chalanā chāhie, aur vah buḍhaāpe men bhī usse na haṭegā" (Nītivachan 22:6). Ek acche mātā-pitā arthāt abhibhāvk hone ke nāte baccho kā pālan-poṣaṇ is tarīke se karnā chāhie jo āapke namūne kā anusraṇ Prabhu kī arādhanā aur āgyāpālan karte hue karen.



Hindī ya Roman-Nagari ke mukhya pṛṣṭha par vāpsa jāie



Acche mātā-pitā hone ke bāre men Bāibal kyā kahtī hai?