Any bhāṣāon men bolane kā kyā arth hai?



Praśn: Any bhāṣāon men bolane kā kyā arth hai?

Uttar:
Any bhāṣāon men bolane kī pahalī ghaṭanā Prerito Ke Kām 2:1-4 men Pintekust ke din ghaṭit huī. Prerita bhīd ke sāth susamāchār, unase unakī bhāṣā men bāte karke bānṭ rahe the; "Ham apanī-apanī bhāṣā men un se Parameśvar ke bade-bade kāmo kī charchā sunate hain!" (Prerito Ke Kām 2:11). Yahān par bhāṣāon ke lie jis Yūnānī śabd kā anuvād kiyā hai usakā arth "anybhāṣā" se hai. Isaliye anybhāṣā kā varadān ek vyakti dvārā ek aisī bhāṣā men bol kar kisī dūsare vyakti kī ātmik sevā karnā jo usī bhāṣā ko bolatā hai. 1Kurinthiyon adhyāya 12-14 ke anusār, Paulus ātmik varadāno kī charchā karte hue kahatā hai ki, "Isaliye he bhāiyo, yadi main tumhāre pās ākar any bhāṣāon men bāte karūn, aur prakāś yā gyān yā Bhaviṣydvāṇī yā upadeś kī bāte tum se na kahūn, to mujhe se tumhe kyā lābh hogā?" (1Kurinthiyon 14:6). Prerit Paulus ke anusār, aur Prerito Ke Kām men varṇan kī gaī bhāṣā se sahamt hokar, any bhāṣā men bolanā us vyakti ke lie mūlyavān hai jo Parameśvar kā sandeś apanī hī bhāṣā men sunatā hai, parantu any sabhon ke lie yah tab tak mahatvhīn hai jab tak ki isakā anuvād na kiyā jāe.

Anybhāṣā ke varadān ko prāpt karne vālā vyakti (1Kurinthiyon 12:30) yah samajh sakatā hai ki anybhāṣā ko bolane vālā vyakti kyā kah rahā hai yadyapi vah nahī jāntā ki kaun sī bhāṣā bolī jā rahī hai. Anybhāṣā kā anuvād karne vālā vyakti phir anybhāṣā ke sandeś ko pratyek ke lie preṣit kartā hai, jisase sabhī samajh sakate hain. "Isa kāraṇ jo any bhāṣā bole, vah prārthanā kare ki usakā anuvād bhī kar sake." (1Kurinthiyon 14:13). Paulus kā anybhāṣā ke sambandh men niṣkarṣ jinakā anuvād nahī kiyā jātā bahut adhik śaktiśālī hai: "Parantu kalīsiyā men any bhāṣā men dasa hajār bāte kahane se mujhe aur bhī acchā jān padtā hai, ki dūsaron ko sikhāne ke lie buddhi se pānch hī bāte kahūn" (1Kurinthiyon 14:19).

Kyā anybhāṣā men bolane kā varadān āaj bhī astitv men hai? 1Kurinthiyon 13:8 anybhāṣā ke varadān ke samāpt hone kā ullekh kartī hai, yadyapi yah 1 Kurinthiyon 13:10 men "sarvasiddh" ke āne ke sāth ise sambaddh kartī hai. Kuch log vāky men Yūnānī kriyāon kī bhinntā jo ki Bhaviṣydvāṇiyon aur gyān ke "miṭane" aur anybhāṣā kī madhy men ki yah "miṭa jāengī" ko "sarvasiddh" ke āgman se pahale hī anybhāṣā ke rūkane ke pramāṇ ke rūp men sanket dete hain. Jabki yah sambhav hai, parantu yah Pavitrśāstr men spaṣṭ nahī kiyā gayā hai. Kuch log Yaśāyāh 28:11 aur Yoel 2:28-29 jaise sandarbho kī or pramāṇ ke rūp men sanket dete hain ki anybhāṣā men bolanā Parameśvar ke āne vāle nyāy kā ek chinh thā. 1 Kurinthiyon 14:22 anybhāṣā ko "aviśvāsiyo ke lie chinh" ke rūp men varṇan kartā hai.

Is dalīl ke anusār, anybhāṣā kā varadān Yahūdiyo ke lie ek chetāvanī thā ki Parameśvar Isrāel ko daṇḍit karne vālā hai kyonki usane Yīśu Masīh ko Masīh maāane se inkār kar diyā thā. Isalie 70 īsvī san men, romī logo ke dvārā Yarūśalem ke vināś ke dvārā Parameśvar ne Isrāel ko daṇḍit kiyā aur isake bād anybhāṣā ab aur apane lakṣyit uddeśy ke lie upayog nahī kī jātī hain. Yadyapi yah dṛṣṭikoṇ sambhav hai, anybhāṣāon ke prāthamik uddeśy kī pūrṇtā āvaśyak rūp se isake rūkane kī māng nahī kartā hai. Pavitrśāstr niṣkarṣ rūp se kabhī bhī is bāt par jor nahī detā hai ki anybhāṣā men bolane kā varadān miṭ gayā arthāt band ho gayā hai.

Thīk isī samay, yadi anybhāṣā men bolane kā varadān āaj ke samay men kalīsiyā men sakriy hotā, to yah Pavitrśāstr kī sahamti ke dvārā pūrā kiyā jātā. Vah ek vāstavik aur buddhimaānī vālī bhāṣā hogī (1 Kurinthiyon 14:10). Vah ek dūsarī bhāṣā bolane vāle vyakti ke sāth Parameśvar kā vachan bāṭane ke uddeśy kī prāpti ke lie hogā (Prerito Ke Kām 2:6-12). Vah us āgiyā men sahamti ke sāth hogī jo Parameśvar ne prerit Paulus ke dvārā dī thī, "yadi any bhāṣā men bāte karnī ho, to do yā bahut hon to tīn jan bārī-bārī se bole, aur ek vyakti anuvād kare. Parantu yadi anuvād karne vālā na ho, to any bhāṣā bolane vālā kalīsiyā men śānt rahe, aur apane man se, aur Parameśvar se bāte kare" (1Kurinthiyon 14:27-28). Vah 1Kurinthiyon 14:33 ke anusār bhī hogī, "kyonki Parameśvar gadbadī kā nahī, parantu śānti kā Parameśvar hai, jaisā pavitr logo kī sab kalīsiyāon men hai."

Parameśvar niśchit rūp se ek vyakti ko any bhāṣā bolane kā varadān de sakatā hai jisase ki vah dūsarī bhāṣā bolane vāle vyakti ke sāth bātchīt karne ke yogy ho sake. Pavitr Atmā ātmik varadāno ko bāṭane men samprabhu hai (1 Kurinthiyon 12:11). Kalpanā karen ki Miśanarī log kitanā jyādā phaladāī ho jāenge yadi unhen bhāṣā sīkhne ke lie skūl na jānā pade, aur ve ekdam se logo se unakī apanī bhāṣā men bolane men samarth ho jāenge. Yadyapi Parameśvar aisā kartā huā jān nahī paḍatā. Aaj ke samay men anybhāṣāen us rūp men nahī pragaṭ ho rahī hain jaise ki Nae Niyam ke samay men thī, isa saty ke bād bhī ki vah bahut adhik upayogī hotī. Viśvāsiyo kī ek viśāl sankhyā any bhāṣā ko bolane ke varadān ke abhyās kā dāvā kartī hai parantu ve aisā Pavitrśāstr kī sahamti ke sāth nahī karte jaisā ki pahale ullekh kiyā jā chukā hai. Ye tathy ek niṣkarṣ kī or le jāte hain ki any bhāṣāon kā varadān samāpt arthāt miṭ chukā hai yā phir āaj ke samay men kalīsiyā ke prati Parameśvar kī yojanā men bahut hī nimn star par hai.



Hindī ya Roman-Nagari ke mukhya pṛṣṭha par vāpsa jāie



Any bhāṣāon men bolane kā kyā arth hai?