Praśn
Ek Masīhī kauna hai?
Uttar
Ek śabdkoṣ me ek Masīhī ke bāre me paribhāṣā kuch is tarah kī hogī, "Ek vyakti jo Yīśu par Masīh ke rūp me yā Yīśu kī śikṣā par ādhārit dharm me viśvās karne kā angīkār kartā hai." Jabki bahuta se śabdokoṣon kī paribhāṣāon kī tarah yah samajhne ke lie, ek acchā ārambhika bindu hai, parntu ek Masīhī kauna hotā hai, ke arth ke prati Bāibal ke satyoṃ ke dvārā batalāī jā rahī Vāstavikatāon se bahuta pīche raha jātā hai. Naye Niyam me "Masīhī" śabd kā prayog Tīn bāra huā hai (Preriton ke kām 11:26; Preriton ke kām 26:28; 1Patras 4:16). Yīśu Masīh ke anuyāyī sabse pahale Antākiyā me Masīhī kahalāye (Preriton ke kām 11:26) kyonki unakā āhcaraṇ, gatividhiyān, aur bhāṣā Masīh jaisī hī thī. Sabd "Masīhī" kā śābdik arth, "Masīh ke dal ke sadasya" yā "Masīh kā ek anuyāyī" hone se hai.
Durbhāgya se samay ke bītane ke sāth hī, "Masīhī" śabd ne kāphī had tak apanī viśeṣatā ko kho diyā hai aur ise aksar us vyakti ke liye upayog kiyā jātā hai jo dhārmik ho yā jiske pās uccha naitik mūlya ho parntu vah Yīśu Masīh kā ek sacchā anuyāyī ho bhī sakatā hai aur nahīn bhī ho sakatā hai. Bahuta se log jo Yīśu Masīh par viśvās tathā bharosā nahīn karte hain svayaṃ ko keval islie Masīhī mānate hain kyonki ve Girajāghar jāte hain yā phir ve ek "īsāī" deś me rahate hain. Parntu Girajāghar jāne se, apane se kam bhāgyaśālī logon kī sevā karne se, yā ek acchā vyakti bannā āpko Masīhī nahīn banā detā hai. Jaisā ki ek susmāchār-prachāraka ne ek bāra kahā thā, "Girajāghar jānā kisī ko Masīhī nahīn banātā jaisā ki ek marammat kī jāne vālī dukān me jākar ek vyakti svachalit motor nahīn ban jātā." Ek kalīsiyā kā sadasy honā, niyamit rūp se sabhāon me sammilit honā aur kalīsiyā ke kāmon ke liye dān denā āpko Masīhī nahīn banā detā hai.
Bāibal hame śikṣā detī hai ki hamāre bhale kārya hame Parmeśvar ke sāmane grahaṇyogy nahīn banā sakate hain. Tītus 3:5 hame batātī hai ki, "Usne hamārā uddhār kiyā; aur yah dharm ke kāmon ke kāraṇ nahīn, jo ham ne āp kiye, par apanī dayā ke anusār nae janm ke snān aur Pavitr Atmā ke hame nayā banāne ke dvārā huā." Isliye, ek Masīhī vahī hai jo Parmeśvar dvārā nayā janm pāyā huā hai (Yūhannā 3:3; Yūhannā 3:7; 1Patras 3:23) aur jisne apane viśvās aur bharosā ko Yīśu Masīh me rakhā hai. Iphisus 2:8 hame batātī hai ki, "...viśvās ke dvārā anugrah hī se tumhārā uddhār huā hai - aur yah tumhārī or se nahīn, varan Parmeśvar kā dān hai."
Ek sacchā Masīhī vah vyakti hai jisne apane viśvās aur bharose ko keval Yīśu Masīh ke vyaktitv aur kāry me hī, jisme krūs ke ūpar uskī mṛtyu me āpke pāpoṇ kī kīmat ko chukā denā aur uskā tīsare din jī uṭhanā sammilit hai, rakhā ho. Yūhannā 1:12 hame batātā hai, "Parntu jitanon ne use grahaṇ kiyā, usne unhe Parmeśvar kī santān hone kā adhikār diyā, arthāt unhe jo uske nām par viśvās rakhte hain." Ek sacchā Masīhī sachmuch me Parmeśvar kī santān hai, Parmeśvar ke sacche parivār kā sadasy, aur vah jise Yīśu Masīh me nayā jīvan diyā gayā hai.
Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.
English
Ek Masīhī kauna hai?
