Ek bār uddhār pāyā sadā ke liye uddhār pāyā?



Praśn: Ek bār uddhār pāyā sadā ke liye uddhār pāyā?

Uttar:
Jab ek bār ek vyakti uddhār pā jātā hai to kyā use sadaiv ke liye uddhār mil gayā? Jab log Masīh ko apane uddhārkartā ke rūp men jān lete hain, to ve Parameśvar ke sāth sambandh men lāye jāte hain jo ki unake uddhār ke anantkālīn surakṣit hone kī gāranṭī arthāt niśchayatā hai. Pavitrśāstr ke anek sandarbh is sacchāī kī ghoṣaṇā karte hain. (ka) Romiyon 8:30 ghoṣaṇā kartī hai ki, "phir jinhe usane pahale se ṭhaharāyā, unhen bulāyā bhī; aur jinhe bulāyā, unhen dharmī bhī ṭhaharāyā hai; aur jinhe dharmī ṭhaharāyā hai, unhen mahimā bhī dī hai." Yah pad hame batātā hai ki jis pal se Parameśvar hame chun letā hai, to aisā hotā hai jaise ki manāo hame Svarg men usakī upasthiti men mahimā dī jā rahī ho. Aisā koī kāraṇ nahī hai jo ek din bhī viśvāsī kī mahimā hone ko rok sake, kyonki Parameśvar ne pahale se hī use Svarg men ṭhaharāyā hai. Ek bār ek vyakti ko dharmī ṭhaharā diyā, to usako uddhār kī gānranṭī mil gaī – vah utanā hī surakṣit hai jaise ki pahale se hī Svarg men mahimā pā chukā ho.

(kha) Paulus Romiyon 8:33-34 men do mahatvpūrṇ praśn pūchatā hai "Parameśvar ke chune huon par doṣ kaun lagāyegā? Parameśvar hī hai jo unako dharmī ṭhaharāne vālā hai. Phir kaun hai jo daṇḍ kī āgiyā degā? Masīh hī hai jo mar gayā varan murdo men se jī bhī uṭhā, aur Parameśvar kī dāhinī or hai, aur hamāre liye nivedan bhī kartā hai." Parameśvar ke chune hue par doṣ kaun lagāyegā? Koī bhī nahī, Kyonki Masīh hamārā adhivaktā arthāt vakīl hai. Hame kaun daṇḍ degā? Koī bhī nahī, kyonki Masīh, jo hamāre liye marā, vahī daṇḍ detā hai. Hamāre pās hamāre uddhārkartā ke rūp men adhivaktā aur nyāyī dono hai.

(ga) Viśvāsī tab nayā janm lete hain (navīkṛt kie hue) jab ve viśvās karte hain (Yūhannā 3:3; tītusa 3:5). Ek Masīhī ko apane uddhār ko khone ke liye, svayaṃ ko a-navīkṛt karnā hogā. Bāibal aisā koī pramāṇ nahī detī ki nayā janm vāaps le liyā jā sakatā hai. (ḍa) Pavitr Atmā sāre viśvāsiyo men Nivās kartā hai (Yūhannā 14:17; Romiyon 8:9) aur sāre viśvāsiyo ko Yīśu kī deh men Bapatismā detā hai (1Kurinthiyon 12:13). Ek viśvāsī ko uddhārhīn hone ke lie, use "Nivās-rahita" aur Yīśu kī deh men se alag honā padegā.

(ca) Yūhannā 3:15 kahatā hai ki jo bhī Masīh para viśvās kartā hai unhen "anant jīvan milegā." Yadi āap āaj Masīh men viśvās karke anant jīvan pā lete hain, parantu kal use kho dete hain, to phir vah kabhī bhī "anant" nahī thā. Isalie, yadi āap apane uddhār ko kho dete hain, to Bāibal men anant jīvan kī pratigya ek galatī hogī. (cha) Sabse adhik niśchayātmak dalīla ke liye, main sochtā hūm̐ ki Pavitrśāstr svayaṃ sabse acchī tarah kahatā hai, "Kyonki main niśchay jāntā hūm̐ ki na mṛtyu, na jīvan, na svargdūt, na pradhānatāen, na vartamaān, na bhaviṣy, na sāmarthy, na ūnchāī, na gaharāī, aur na koī aur sṛṣṭi, hame Parameśvar ke prem se jo hamāre prabhu Yīśu Masīh men hai, alag kar sakegī" (Romiyon 8:38-39). Smarṇ rakheṃ yah vahī Parameśvar jisane āap kā uddhār kiyā thā yah vahī Parameśvar hai jo āapko banāe rakhegā. Ek bār jab hame uddhār prāpt ho gayā to yah sadaiv ke lie ho jātā hai. Hamārā uddhār sarvādhik niśchit anantkāl ke lie surakṣit hai!



Hindī ya Roman-Nagari ke mukhya pṛṣṭha par vāpsa jāie



Ek bār uddhār pāyā sadā ke liye uddhār pāyā?