Praśn
Hastamaithun - kyā yah Bāibal ke anusār pāp hai?
Uttar
Bāibal Hastamaithun kā viśeṣ rūp se kahīn ullekh nahī kartī yā yah nahī kahatī hai ki kyā Hastamaithun karnā pāp hai yā nahī. Pavitrśāstr jyādātar nirantr Utpatti 38:9-10 men Onān kī kahānī kī or Hastamaithun ke sambandh men sanket kartī hai. Kuch is sandarbh kī vyākhyā yah kahate hue karte hain ki bhūmi par "apanā vīry girānā" ek pāp hai. Parantu phir bhī, yah bilkul aisā hī nahī hai jaisā ki yah sandarbh kah rahā hai. Parameśvar ne Onān ko "usake vīry ko" bhūmi par nahī girāne kī āgiyā dī thī, parantu kyonki Onān ne usake bhāī ke lie uttarādhikārī kā prabandh karne ke apane uttardāyitv ko pūrā karne se inkār kar diyā. Ek dūsarā sandarbh Mattī 5:27-30 kaī bār Hastamaithun ko ek pāp hone ke pramāṇ men upayog kiyā jātā hai. Yīśu vāsanā se bhare hue vichāro ke virūddha bolatā hai aur phir vah aisā kahatā hai, "Yadi terā dāhinā hāth tujhe ṭhokar khilāe, to usa ko kāṭakar phenk de." Jabki is sandarbh aur Hastamaithun men kaī samaātāyen hain, aisā nahī hai ki Yīśu kī or Hastamaithun kī or sanket kie jāne kī saṃbhāvnā yahān par hai.
Bāibal men kahīn bhī Hastamaithun kā spaṣṭ ullekh nahī kiyā gayā hai ki yah pāp hai, isalie yah praśn nahī uṭhatā hai ki jo kāry Hastamaithun ke lie kie jāte hain vah pāp se bhare hue hain yā nahī. Parantu Hastamaithun baḍī nikaṭatā se sadaiv vāsanā se bhare hue vichāro, yaun uttejanā, aur/yā yaun sāmagriyo ke pariṇāmsvarūp hotā hai. Yadi vāsanā ke pāp, anaitik vichār, aur yaun sāmagriyo ko tyāg diyā jāe aur un par vijay pā lī jāe, to Hastamaithun viṣay-hīn ho jāegā. Bahut se log Hastamaithun kī vāstavikatā ke sāth sangharṣ karte hain, jabki vāstavikatā men, ve bāte jo is kāry kī or le chalatī hain unakā paśchātāp bahut jyādā honā chāhie.
Bāibal men aise kuch siddhānt hain jinhe Hastamaithun ke viṣay ke ūpar lāgū kiyā jā sakatā hai. Iphisiyo 5:3 ghoṣaṇā kartā hai ki, "Tum men vyabhichār aur kisī prakār ke aśuddh kām yā lobh kī charchā tak na ho." Yah dekhanā kaṭhin hai ki kaise Hastamaithun is viśeṣ jānch ko uttīrṇ kar pātā hai. Bāibal hame śikṣā detī hai ki, "isalie tum chāhe khāo, chāhe pīo, chāhe jo kuch karo, sab kuch Parameśvar kī mahimā ke liye karo" (1Kurinthiyon 10:31). Yadi āap kisī bāt ke lie Parameśvar ko mahimā nahī de sakate hain, to āapko vah nahī karnī chāhie. Yadi ek vyakti pūrī tarah se dṛḍh nahī hai ki usakā kāry Parameśvar ko prasanna nahī karegā, tab use ise nahī karnā chāhie. "Jo kuch viśvās se nahī, vah pāp hai" (Romiyon 14:23). Isake atirikt, hame smarṇ rakhanā chāhie ki hamāre śarīro ko chuṭakārā diyā gayā hai aur ye Parameśvar sambandhit hain. "Kyā tum nahī jānte ki tumhārī deh Pavitr Atmā kā mandir hai, jo tum men basā huā hai aur tumhe Parameśvar kī or se milā hai; aur tum apane nahī ho; kyonki dām dekr mol lie gae ho, isalie apanī deh ke dvārā Parameśvar kī mahimā karo" (1 Kurinthiyon 6:19-20). Is mahān saty kā is bāt se vāstavik sambandh honā chāhiye ki ham apane śarīr ke sāth kyā karte hain. In siddhānto ke prakāś men, niṣkarṣ yah nikaltā hai ki Bāibal ke anusār Hastamaithun ek pāp hai. Spaṣṭ rūp se kahanā ki, Hastamaithun Parameśvar ko mahimā nahī detā hai; yah anaitiktā ke pragaṭīkarṇ se nahī bachātā hai, na hī yah Parameśvar kā hamārī deh par adhikār kī jānch par kharā utaratā hai.
Hastamaithun - kyā yah Bāibal ke anusār pāp hai?
