Praśn
Kyā Parmeśvar kā astitv hai? Kyā Parmeśvar ke astitv kā koī pramāṇ hai?
Uttar
Parmeśvar kā astitv pramāṇit yā asvīkṛt nahīn kiyā jā sakatā hai. Bāibal bhī yah kahtī hai ki hame viśvās ke dvārā is tathy ko svīkār karnā cāhiye ki Parmeśvar kā astitv hai, "Aur viśvās binā use prasann karnā anahonā hai, kyonki Parmeśvar ke pāas āne vāle ko viśvās karnā cāhiye, ki vah hai, aur apane khojanevālon ko pratiphal detā hai" (Ibrāniyon 11:6). Yadi Parmeśvar kī aisī icchā thī, to vah bas yūn hī prakaṭ ho jātā aur sāre sanār ko pramāṇit kar detā ki uskā astitv hai. Parntu yadi vah aisā kartā, to phir viśvās kī koī āvaśyaktā na rahatī. "Yīśu ne us se kahā, 'tū ne mujhe dekhā hai, islie viśvās kiyā hai; dhany hain ve jinhon ne binā dekhe viśvās kiyā'" (Yūhannā 20:29).
Iskā yah arth nahīn hai ki, Parmeśvar ke astitv kā koī pramāṇ hī nahīn hai. Bāibal ghoṣaṇā kartī hai ki, "Aakāś īśvar kī mahimā kā varṇan kar rahā hai; aur ākāśmaṇḍal uskī hastaklā ko pragaṭ kar rahā hai. Din se din bāten kartā hai, aur rāt ko rāt gyan sikhātī hai. Na to koī bolī hai aur na koī bhāṣā jahāan uskā śabd sunāī nahīn detā hai. Uskā svar sārī pṛthvī par gūnj gayā hai, aur uske vachan jagat kī chor tak pahunch gae hain" (Bhajan Sanhitā 19:1-4). Tāron kī or dekhakar, is brahmāṇḍ kī viśāltā ko samajhte hue, prakṛti ke āścharyon par dhyān dete hue, sūryāst kī sundaratā ko dekhate hue - yah sārī vastuen ek Sṛṣṭikartā Parmeśvar kī or sanket kartī hain. Yadi yah kāphī nahīn hai, to hamāre svayaṃ ke hṛdayo men bhī Parmeśvar ke lie ek pramāṇ hai. Sabhopadeśak 3:11 hame kahtā hai ki, "… Usne manuṣyon ke man men anādi-anantkāl kā gyan utpann kiyā hai." Hamāre apane andar kī gaharāī men aisī koī pahachān hai ki is jīvan se pare bhī kuch hai aur is sanār se pare bhī koī hai. Ham is gyan ko bauddhik rūp se jhuṭhalā sakate hain, parntu ham men aur hamāre chāron or Parmeśvar kī upasthiti phir bhī spaṣṭ rūp se banī huī hai. In sabke bād bhī, Bāibal hame chetāvanī detī hai ki kuch log phir bhī Parmeśvar ke astitv ke hone ko asvīkār karenge, "Mūrkh ne apane man men kahā hai, 'ki koī Parmeśvar hai hī nahīn'" (Bhajan Sanhitā 14:1). kyonki aba tak ke itihās men, sabhī sanskṛtiyon men, sabhī sabhyatāo men, sabhī mahādvīpoṃ men adhikānś logon kā bahumat kisī prakār se Parmeśvar ke astitv men viśvās rakhate hain, to is viśvās kā kāraṇ kuch (yā koī) to hogā.
Parmeśvar ke astitv ke lie Bāibal ādhārit dalīlo ke atirikt, yahān par tārkik dalīl bhī hai. Pahalī, dalīl Tatvmīmāṃsātmak hai. Tatvvigyānī dalīl kā sarvādhik charchit rūp ādhārbhūt rūp se is vichārdhārā kā upayog kartī hai ki Parmeśvar ko hī Parmeśvar ke astitv kā pramāṇ denā chāhie. Vah Parmeśvar kī is paribhāṣā se ārambh hotā hai ki vah, "Itanā badā hai ki usse bade kī kalpanā hī nahīn kī jā sakatī hai."
Phir yah bahas uṭh khaḍī hotī hai ki astitv men honā hī astitv men na hone se adhik badā hai, aur islie sabse bade kalpanīy prāṇī ko astitv men honā chāhie. Yadi Parmeśvar kā astitv nahīn hai, to Parmeśvar sabse badā kalpanīy prāṇī nahīn ho sakatā hai aur yah bāat Parmeśvar kī paribhāṣā kā hī khaṇḍan kar degī.
Dūsarī dalīl Soddeśyavādī hai. Soddeśyavādī dalīl yah ghoṣaṇā kartī hai ki kyonki brahmāṇḍ ek aisā āścharyjanak khāke ko pradarśit kartā hai, is lie vahāan par koī īśvarīya khākākār honā hī chāhie. Udāharṇ ke rūp men, yadi dhartī viśeṣkar sūrya se kuch sau mīl pāas yā dūr hotī, to vah jīvan kī us prakār se sahāyatā karne yogy nahīn hotī jitanī vah āj ke samay men kartā hai. Yadi hamāre vātāvaraṇ men vidyamān tatv yahān tak ki mātr kuch hī pratiśat bhinn hote, to pṛthvī par lagabhag sāre jīvit prāṇī hī mar jāenge. Ek ekl proṭīn ke aṇu ke sanyog se banane kī saṃbhāvnāen 10243 men se 1 hī hotī hai (iskā arth hai ki 10 ke bād 243 śūnyon kā ānā). Ek ekl kośikā lākhon aṇuon se mila kar banī hotī hai.
Parmeśvar ke astitv ke viṣy men jo tīsarī tārkik dalīl hai vah brahmāṇḍ sambandhit dalīl hai. Har pariṇām ke pīche koī ek kāraṇ honā chāhie. Yah brahmāṇḍ aur ismen kī har vastu ek pariṇām hai. Koī na koī aisī vastu honī hī chāhie jiske kāraṇ har vastu astitv men āī. Aakhirkār, koī vastu "kāraṇ-Rahit" bhī honī chāhie tāki any sab vastuon ke astitv men āne kā kāraṇ bane. Vah "kāraṇ-Rahit" vastu hī Parmeśvar hai.
Chauthī dalīl naitik dalīl ke rūp se jānī jātī hai. Itihās men ab tak pratyek sanskṛti ke pāas kisī na kisī prakār kī vyavasthā hotī āī hai. Pratyek ke pāas sahī aur galat kā bodha hai. Hatyā, jhūṭh, chorī aur anaitiktā ko lagabhag viśvavyāpī rūp men asvīkār kiyā jātā hai. Sahī aur galat kā bodh yadi Pavitr Parmeśvar ke pāas se nahīn to phir kahāan se āyā?
In sabke bād bhī, Bāibal hame batalātī hai ki log Parmeśvar ke spaṣṭ tathā asvīkār na kie jāne vāle gyan ko asvīkār kar denge aur iske bāvajūd ek jhūṭh par viśvās karenge. Romiyon 1:25 ghoṣaṇā kartī hai ki, "Unhonne Parmeśvar kī sacchāī ko badalkar jhūṭh banā ḍālā, aur sṛṣṭi kī upāasnā aur sevā kī, na ki us sṛjanahār kī - jo sadā dhany hai. Aamīn." Bāibal yah bhī ghoṣaṇā kartī hai ki Parmeśvar par viśvās na karne ke lie logon ke pāas kisī tarah kā koī bahānā nahīn hai: "Kyonki uske anadekhe guṇ - arthāt uskī sanātan sāmarthy, aur Parmeśvartv - jagat kī sṛṣṭi ke samay se uske kāmo ke dvārā dekhane men āte hain, yahān tak ki ve nirūttar hain" (Romiyon 1:20).
Log Parmeśvar ke astitv ke dāve ko islie asvīkār kar dete hain kyonki usmen "vaigyānikatā nahīn" hai yā "Kyonki iskā koī pramāṇ nahīn hai." Sacchā kāraṇ yah hai ki ek bār log svīkār kar lete hain ki Parmeśvar hai, to unhen yah bhī svīkār karnā padegā ki vah Parmeśvar ke prati jimmedār hain aur unhen Parmeśvar se chhamā kī āvaśyaktā hai (Romiyon 3:13; 6:23). Yadi Parmeśvar kā astitv hai, to phir ham uske prati apane kāryo ke prati javābadeh hain. Agar Parmeśvar kā astitv nahīn hai, to phir ham jo chāhe vah is bāat kī parvāha na karte hue kar sakate hain ki Parmeśvar hamārā nyāy karegā. Is lie hī un logon men se bahut se jo Parmeśvar ke astitv kā inkār kar dete hain Prākṛtik Vikāsavād ke siddhānt men śakti ke sāth viśvās karte hue cipake rahate hain – yah unhen ek Sṛṣṭikartā Parmeśvar men viśvās karne ke badale men ek vikalp detā hai. Parmeśvar hai aur ākhirkār sab jānte hain ki Parmeśvar hai. Pūrṇ tathy yah hai ki kuch log uske astitv ko asiddh karne kā itanī udaṇḍtāpūrvk prayās karte hain ki yah svayaṃ men uske astitv ke hone ke prati ek dalīl ban jātā hai.
Ham kaise jānte hain ki Parmeśvar kā astitv hai? Masīhī viśvāsī hone ke nāte, ham jānte hain ki Parmeśvar kā astitv hai kyonki ham pratidin usse bāten karte hain. Ham use ūnchī āvāj men hamse bolate hue nahīn sunate hain, parntu hame uskī upasthiti kā bodha hotā hai, ham uskī aguvāī mahasūs karte hain, ham uske prem ko jānte hain, ham uske anugrah ke abhilāṣī hote hain. Hamāre jīvano men aisī ghaṭanāyeṃ ghaṭit ho chukī hain jinakī vyākhyā Parmeśvar ke atirikt aur koī nahīn de sakatā hai. Parmeśvar ne hame bahut hī adhik āścharyjanak rūp se bachāyā hai aur hamāre jīvan ko aise parivartit kiyā hai ki ham uske astitv ko pahachānne aur uskī stuti karne ke atirikt aur kuch nahīn kar sakate hain. Inamen se koī bhī dalīl apane āap men kisī ko bhī Prerit nahīn kar sakatī jo is bāat ko pahachānne se inkār karte hain jo ki pahalī se itanī spaṣṭ hain. Ant men, Parmeśvar kā astitv viśvās ke dvārā svīkār kiyā jān cāhiye (Ibrāniyon 11:6). Parmeśvar par viśvās andhere men andhī uḍaān nahīn hai; yah ek acchī-tarah se rośan kamre men surakṣit kadam hai jahāan pahale se hī adhikānś logon kā bahumat khadā huā hai.
English
Kyā Parmeśvar kā astitv hai? Kyā Parmeśvar ke astitv kā koī pramāṇ hai?
