Kyā Parmeśvar vāstav men hai? Main niśchit rūp se kaise jān sakatā hūn ki Parmeśvar vāstavik hai?



Praśn: Kyā Parmeśvar vāstav men hai? Main niśchit rūp se kaise jān sakatā hūn ki Parmeśvar vāstavik hai?

Uttar:
Ham jānte hain ki Parmeśvar vāstavik hai kyonki usne apane āapko ham par tīn tarīkon se prakaṭ kiyā hai: sṛṣṭi men, apane vachan men, aur apane putr Yīśu Masīh men.

Parmeśvar ke astitv kā sarvādhik maulik pramāṇ sādhārṇ rūp se vah hai jo usne banāyā hai. "Kyonki uske anadekhe guṇ - arthāt uskī sanātan sāmarthy, aur Parmeśvartv - jagat kī sṛṣṭi ke samay se uske kāmo ke dvārā dekhane men āte hain, yahān tak ki ve nirūttar hain" (Romiyon 1:20). "Aakāś īśvar kī mahimā kā varṇan kar rahā hai; aur ākāśmaṇḍal uskī hastaklā ko pragaṭ kar rahā hai" (Bhajan Sanhitā 19:1).

Yadi āapko maidān ke bīch men paḍaī huī ek kalāī ghaḍī mila jāye, to āap yah nahīn mān lenge ki vah sahasā hī "prakaṭ" ho gaī, yā vah hameśā se vahīṃ astitv men thī. ghaḍī ke ḍhāanche par ādhārit hokar, āap mān lenge ki iskā ek ḍijāinar yā khākākār thā. Parntu isse kahīn adhik sarvottam khākā aur kāryśuddhtā hamāre āsapāas ke sanār men pāī jātī hai. Hamāre samay kā māap kalāī par baṃdhī ghaḍī par ādhārit nahīn hai, balki īśvar ke hāthon men hai - pṛthvī kā nirantar gati karnā (aur sījaiyam ke 133 aṇu par - reḍiyodharmī guṇo kā honā). Brahmāṇḍ mahān ḍhāanche ko pradarśit kartā, aur yah bāat iske mahān khākākār ke hone ko siddh kartī hai.

Yadi āapko kūṭ bhāṣā kā koī saṃdeś milatā hai, to āap iske sanketo ko toḍakar paḍhane kā prayās karenge. Aapkā anumān yahī hogā ki sandeś ko bhejane vālā koī buddhimān vyakti hai; aisā jan jisne is kūṭ sanket kī rachanā kī hai. DNA arthāt anuvanśīyakīy 'kūṭ sanket' kitane jaṭil hote hain jinhen ham apane śarīr kī pratyek kośikā men dhārṇ kie rahate hain? Kyā DNA kī jaṭiltā aur uddeśy kūṭ sanket ke buddhimān lekhak hone kī dalīl nahīn dete?

Parmeśvar ne na keval ek jaṭil aur ant men āaps men tālamel ādhārit bhautik sanār banāyā, usne pratyek manuṣy ke hiṛday men anādi-anantkāl ke gyan ko bhī utpann kiyā hai (Sabhopadeśak 3:1). Mānav-jāti men ek janmjāt bodh hai ki jīvan men ānkh dvārā dekhe jāne se bhī kahīn adhik kuch hai, yah ki in sānsārik nityakarmo se bhī ūnchā koī astitv hai. Anādi- anantkāl kā hamārā gyan svayaṃ ko kam se kam do tarah se prakaṭ kartā hai : vyavasthā ko-banānā tathā ārādhanā.

Pratyek sabhyatā ne ab tak ke itihās ke daurān kuch naitik vyavasthāo ko mūly diyā hai, jo ki āścharyjanak rūp se ek sanskṛti se dūsarī sanskṛti men ek jaise hī rahe hain. Udāharṇ ke lie, prem ke ādarś ko viśvavyāpī rūp se sammān diyā jātā hai, jabki jhūṭh bolane ke kāry kī viśvavyāpī rūp se nindā kī jātī hai. Yah sāmāny naitiktā – sahī aur galat kī yah sārvabhaumik samajh - ek sarvocch naitik prāṇī ke astitv kī or sanket kartī hai jisne hame is tarah kī samajh dī hai.

Isī tarah se, pūre sanār ke logon ne, ve chāhe kisī bhī sanskṛti ke kyon na hon, ārādhanā kī ek paddhati ko vikasit kiyā hai. Aarādhanā kā uddeśy bhinn ho sakatā hai, parntu mānav hone ke kāraṇ ek "ūcch sāmarthy" kā anubhav asvīkār nahīn kie jāne kā ek hissā hai. Aarādhanā kā hamārā yah svabhāv is tathy ke sāth mel khātā hai ki Parmeśvar ne hame "apane svarūp ke anusār utpann kiyā" (Utpatti 1:27).

Parmeśvar ne ham par apane āap ko apane vachan ke dvārā bhī prakaṭ kiyā hai. Dharm śāstra men ārambh se ant tak, Parmeśvar ke astitv ko ek svayaṃ-pramāṇit tathy ke rūp men nipaṭārā kiyā gayā hai (Utpatti 1:1; Nirgaman 3:14). Jab ek vyakti apanī ātmakathā likhatā hai, to vah apanī pustak men apane svayaṃ ke astitv ko pramāṇit karne kī kośiśa men samay vyarth nahīn kartā hai. Isī tarah, Bāibal ke jīvan-parivartan karne ke svabhāv, iskī niṣṭhā aur iske āścharykarm jo iske lekho ke sāth hī āte hain, ek najdīkī dṛṣṭi ko pāne ke adhikār ke lie paryāta honī chāhie.

Tīsarā tarīkā jismen Parmeśvar ne svayaṃ ko prakaṭ kiyā hai vah apane putr, Yīśu Masīh ke dvārā hai (Yūhannā 14:6-11). "Aadi men vachan thā, aur vachan Parmeśvar ke sāth thā aur vachan Parmeśvar thā. Vachan dehdhārī huā, aur hamāre bīch men ḍerā kiyā. Ham ne uskī aisī mahimā dekhī, jaisī pitā ke eklaute kī mahimā, jo pitā kī or se anugrah aur sacchāī se paripūrṇ hokar āyā" (Yūhannā 1:1; 14; Kulussiyon 2:9 ko bhī dekhen).

Yīśu ke adbhut jīvan men, usne sampūrṇ Purāne Niyam kī vyavasthā ko pūrṇtā se mānā aur Masīh ke sambandh men kī gaī bhaviṣyvāṇiyo ko pūrā kiyā (Mattī 5:17). Apane sandeś kī prāmāṇikatā siddh karne aur apane prabhu hone kī gavāhī ke lie usne dayā ke anaginit kāry aur sārvajanik rūp se āścharykarmo ko kiyā (Yūhannā 21:24-25). Phir, apane krūs par chadāye jāne ke tīn dina bād, vah murdo men se jī uṭhā, ek aisī sacchāī jiskī puṣṭi saikado chaśmadīd gavāho ne kī (1Kurinthiyon 15:6). Aitihāsik abhilekh is "pramāṇ" se bharā padā hai ki Yīśu kaun hai. Jaisā ki Prerit Paulus ne kahā thā, "yah ghaṭanā to kone men nahīn huī" (Preriton ke kām 26:26).

Ham yah jānte hai ki sandehī hameśā hī rahenge jinake pāas Parmeśvar ke viṣy men apane svayaṃ ke aneko vichār honge aur ve pramāṇ ko usī ke anusār padenge. Aur kuch aise bhī honge jinako kisī bhī tarah ke pramāṇ santuṣṭ nahīn kar sakate (Bhajan Sanhitā 14:1). Yah sab kuch keval viśvās ke dvārā hī ātā hai (Ibrāniyon 11:6).



Hindī ya Roman-Nagari ke mukhya pṛṣṭha par vāpsa jāie



Kyā Parmeśvar vāstav men hai? Main niśchit rūp se kaise jān sakatā hūn ki Parmeśvar vāstavik hai?