kyā vāstav men Yīśu kā astitv thā? kyā Yīśu Masīh kā koī aitihāsik pramāṇ hai?



Praśn: kyā vāstav men Yīśu kā astitv thā? kyā Yīśu Masīh kā koī aitihāsik pramāṇ hai?

Uttar:
viśeṣ rūp se, jab yah praśn pūchā jātā hai, tab jo vyakti is praśn ko pūcha rahā hotā hai vah ise ‘‘Bāibal ke bāhar se’’ pūcha rahā hotā hai. Ham is vichār kā anumodan nahīn karte hain ki Bāibal ko Yīśu ke astitv ke lie pramāṇ kā srot nahīn mānā jā sakatā hai. Naye Niyam men Yīśu Masīh ke lie saikaḍaon sandarbho kā ullekh hai. Yahān aise bhī log hain jo susmāchār kī pustako ke lekhan kī tithi kā nirdhārṇ Yīśu kī mṛtyu ke 100 se adhik sālon ke bād dūsarī śatābdī men karte hain. Prāchīn pramāṇo ke sambandhon men, yadi aisī bāat bhī hotī (jiskā ham sakhtī se virodh karte hain), to ve lekh jo ghaṭanā ke ghaṭit hone ke 200 sālon se kam samay ke hain, jyādā viśvasanīy pramāṇ māne jāte. Iske atirikt, vidvāno (Masīhīyo aur gair-Masīhīyo) kā ek viśāl bahumat yah anumodit karenge ki Paulus kī patriyām̐ (yā unamen se kuch) sacchāī men Yīśu Masīh kī mṛtyu ke 40 sālon se bhī kam samay ke bād Paulus dvārā pahalī śatābdī ke madhy men likhī gaī thī. Prāchīn pāṇḍulipiya pramāṇo ke sandarbho men, yah pahalī śatābdī men Isrāel men Yīśu nāmk vyakti ke astitv kā asādhārṇ śaktiśālī pramāṇ hai.

Yah bhī jānnā ati mahatvapūrṇ hai ki 70 īsvī san men, Romiyon ne Yarūśalem ke ūpar Akramaṇ kiyā thā aur vahāan rahanevāle logon kā sanhār karte hue adhiktar Isrāel ko nāś kar diyā thā. Sampūrṇ śahar ko pūrī tarah se jalākar khatm kar diyā gayā thā. Phir bhī, hame āścharychakit nahīn honā chāhie, ki Yīśu ke astitv ke adhiktar pramāṇo ko nāś kar diyā gayā ho. Bahut se Yīśu ke pratyakṣ gavāha bhī māre gae honge. In tathyo ne sambhavt jīvit pratyakṣ gavāhon kī gavāhī kī sankhyā ko sīmit kar diyā hogā.

Is bāat par dhyān dete hue ki Yīśu kī sevakāī tulanātmak rūp se adhiktar romī sāmrājy ke mahatvahīn ṣetr ke ek choṭe se kone tak sīmit thī, taubhī Yīśu ke bāre men chakit karne vālī baḍī mātrā men sūchnā gair-Masīhī aitihāsik sroton ke dvārā prāpt kī jā sakatī hai. Yīśu ke kuch adhik mahatvapūrṇ aitihāsik pramāṇ nīche die gae hain:

Pahalī śatābdī kā romī Tesiṭas, jise prāchīn duniyā ke itihāskāro men se ek sabse jyādā saṭīk itihāskār mānā jātā hai, ne andhaviśvāsī ‘‘Masīhiyon’’ (khristus se, jo ki Yīśu ke lie Leṭīn śabd hai) kā ullekh kiyā, jinhon ne Tibariyus ke rājy men Pentiyus Pīlātus ke hāthon dukh uṭhāyā thā. Samrāṭ Heḍrīyan ke mukhy sachiv Suyaṭonīyas ne likhā ki khristus (yā Masīh) nām kā ek vyakti pahalī śatābdī men rahatā thā (Anāls 15:44).

Phalāviyus Josīphus sabse adhik vikhyāt Yahūdī itihāskār hai. Apanī pustak Purāśeṣ men Yākūb ko, ‘‘Yīśu kā bhāī, jo Masīh kahlātā hai’’ ke rūp men ullekh kartā hai. Yah ek vivādspad pad (18:3) hai jo yah kahtā hai, ‘‘Ab is samay ke madhy Yīśu, ek buddhimān manuṣy rahatā thā, yadi yah nyāyochit hai ki use ek manuṣy kah kar pukārā jāe. kyonki vah aisā vyakti thā, jisne āścharyjanaka kāry kiye....[vahī] Masīh thā...vah phir se unhen tīsare din jīvit dikhāī diyā, jaisā kī pahale se divya bhaviṣydvaktāon ne is bāat aur das hajār any adabhut bāton ko uske viṣy men batā diyā thā." ek any sanskarṇ aisā kahtā hai, ‘‘Is samay ke daurān Yīśu nām kā ek buddhimān vyakti thā. Uskā ācharaṇ acchā thā aur [vah] apanī dhārmiktā ke lie jān jātā thā. Aur bahut se log Yahūdiyon aur any deśo men se uske śiṣya ban gae the. Pīlātus ne use krūs par caḍhaāe jāne aur māre jāne ke lie aparādhī ṭhaharāyā. Parntu jo uske śiṣya bane unhon ne uskī śiṣyatā ko nahīn tyāgā thā. Unhon ne sūchit kiyā ki vah krūs ke tīn dina bād unhen dikhāī diyā aur yah ki vah jī uṭhā thā; iske anusār kadāchit yahī Masīh thā, jiske sambandh men bhaviṣydvaktāon ne batāyā thā ki vah adbhut kāry karegā.

Jūliyas Apharīkanus ne itihāskār Thālūsa ko uddhṛt karte hue andhakār kī charchā kartā hai jo Masīh ke krūs par caḍhaāye jāne ke bād āyā thā (Eksaṭenṭa Rāīṭingas, 18).

Javān Palnī ne, apane patr arthāt Laiṭarsa10:96, men ārambhik Masīhiyon kī ārādhanā karne kī parmparāo ke is tathy ko sūchit kiyā hai ki Masīhī log Yīśu kī ārādhanā īśvar ke rūp men karte the aur bahut hī adhik naitik the, aur vah prem bhoj aur prabhu bhoj ke lie ek sandarbh kā ullekh bhī sammilit kartā hai.

Bābul ke Talamūd (Sanhedarīn 439a) Yīśu ko phasah ke pūrvsandhyā ko krūs par caḍhaāye jāne kī aur Masīh ke dvārā jādū-ṭonā karne aur Yūhadiyo ko apanā dharm choḍne ke lie ukasāne ke doṣāropaṇ kī puṣṭi karte hain.

Samosāṭā kā Lūsīyan dūsarī śatābdī kā Yūnānī lekhak thā jisne yah svīkār kiyā hai ki Masīhiyon dvārā Yīśu kī ārādhanā kī jātī thī, usne nayī śikṣāon ko sikhāyā aur unake lie krūs par caḍhaāyā gayā. Usne kahā ki Yīśu kī śikṣāon men viśvāsiyon kā bhāīchārā, manparivartan kā mahatv, aur any Iśvaro ko asvīkār kie jāne kī mahatvpūrṇ śikṣā sammilit hai. Ve Masīhī jo Yīśu kī vyavasthā ke anusār jīvan yāapn karte the, svayaṃ ke lie yah viśvās karte the ki ve amar the, aur mṛtyu kī upekṣā karne, svaicchik ātma-chintan, bhautik vastuonke tyāg ke lie jāne jāte the.

Mārā Bār-Sirapīon puṣṭi kartā hai ki Yīśu ko ek buddhimān aur dhārmik vyakti samajhā jātā thā, bahuto dvārā Isrāel kā Rājā mānā jātā thā, Yūhadiyo dvārā mārā gayā, aur apane anuyāyiyo kī śikṣāon men jīvit rahā.



Hindī ya Roman-Nagari ke mukhya pṛṣṭha par vāpsa jāie



kyā vāstav men Yīśu kā astitv thā? kyā Yīśu Masīh kā koī aitihāsik pramāṇ hai?