Praśn
Nayā janm prāpt masīhī kā kyā arth hotā hai?
Uttar
Nayā-janm prāpt masīhī kā kyā artha hotā hai? Bāibal me Yūhannā 3:1-21 ek utkṛṣṭa saṃdarbha hai jo is praśn kā uttar detā hai. Prabhu Yīśu Masīh Nīkudemus nām ke ek pramukh phārasī aur yahūdiyon kī mahāsabhā (yahūdiyon kī śāsakīya saṃsthā) ke sadasya, se bāt kar rahā hai. Nīkudemus rāt ke samay Yīśu ke pās kuch praśnon ko pūchane ke lie āyā thā.
Jab Yīśu Nīkudemus se bāten kar rahā thā, to usne kahā "…main tujh se sach-sach kahatā hūn; yadi koī nae sire se na janme to Parameśvar kā rājy dekh nahīn sakatā." Nīkudemus ne us se kahā, "manuṣy jab būḍhaā ho gayā to kaise janm le sakatā hai? kyā vah apanī mātā ke garbh men dūsarī bār praveś karake janm le sakatā hai? Yīśu ne uttara diyā, "main tujh se sach-sacha kahatā hūn; jab tak koī manuṣy jal aur ātmā se na janme to vah Parameśvar ke rājya men praveś nahīn kar sakatā. kyonki jo śarīr se janmā hai vah śarīr hai; aur jo ātmā se janmā hai, vah ātmā hai. Achambhā na kar ki maine tujh se kahā, "tujhe nae sire se janm lenā avaśya hai" (Yūhannā 3:3-7).
Is vākyānśa "nae sire se janm lenā" kā śābdika arth "ūpar se janm lenā" hai. Nīkudemus ke pās ek vāstavik āvaśyakatā thī. Usko apane hṛday ko parivartit karane kī – ek ātmik rūpāntaraṇ kī āvaśyakatā thī. Nayā janm, nae sire se janm lenā, Parameśvar kā ek aisā kāry hai jisake dvārā anant jīvan ek vyakti ko pradān kiyā jātā hai jo viśvās karatā hai (2 kurinthus 5:17; Tītus 3:5; 1Patras 1:3; 1Yūhannā 2:29; 3:9; 4:7; 5:1-4, 18). 1Yūhannā 1:12, 13 yah sanket detā hai ki "nayā janm" lene ke vichār men Masīh ke nām me viśvās ke mādhyam se "Parameśvar kī santān" ban jānā bhī nihit hai.
Ek tarkasangat praśn yah uṭhatā hai ki, "ek vyakti ko nae sire se janm lene kī kyā āvaśyakatā hai?" Sant Paulus Iphisus 2:1 me kahatā hai, "aur usne tumhen bhī jilāyā, jo apane aparādhoṇ aur pāpoṇ ke kāraṇ mare hue the" (BSI - Hindī, Roman Script – CL Nayā Niyām). Rom ke nivāsiyon ko usne likhā ki, "isalie ki sab ne pāp kiyā hai aur Parameśvar kī mahimā se rahit hain." (Romiyon 3:23). Pāpī ātmik rūp se "mare" hue hain; jab ve Masīh me viśvās ke dvārā ātmik jīvan ko prāpt karate hain, to Bāibal isakī samānatā nae sire se janm ke sātha karatī hai. keval vahī jinakā nayā janm ho gayā hai, unhīn ke pāp kṣamā kie gae hain aur unakā Parameśvar ke sātha sambandh hai.
Aisā kaise ho sakatā hai? Iphisus 2:8, 9 vyakt karatā hai ki, "kyoṃki viśvās ke dvārā anugrah hī se tumhārā uddhār huā hai - aur yah tumhārī or se nahīn, varan Parameśvar kā dān hai - aur na karmon ke kāraṇ, aisā na ho ki koī ghamaṇḍ kare." Jab koī 'bach' jātā hai, to uskā nayā janm ho gayā, ātmik rūp se vah navīkṛt ho gayā, aur ab vah nae janm ke adhikār ke kāraṇ Parameśvar kī santān hai. Yīśu me viśvās karanā, usme jisane pāp ke daṇḍ kī kīmat chukāī jab vah krūs par marā, kā hī arth "nayā janm" hai. "Isalie, yadi koī Masīh me hai, to vah naī sṛṣṭi hai: purānī bāten bīt gaī, dekho, sab naī ho gaī!" (2 kurinthus 5:17).
Yadi āpne kabhī Prabhu Yīśu Masīh me apane uddhārkartā ke rūp me viśvās nahīn kiyā hai, to kyā āp Pavitr Atmā kī preraṇā par dhyān denge jab vah āpke hṛday se bāten karatā hai? Apako nae sire se janm lene kī āvaśyakatā hai. kyā āja āp paśchātāp kī prārthanā karenge aur Masīh me ek naī sṛṣṭi baneṃge? "Parntu jitanon ne use grahaṇ kiyā, usne unhe Parmeśvar kī santān hone kā adhikār diyā, arthāt unhe jo uske nām par viśvās rakhate hain. Ve na to lahū se, na śarīr kī icchā se, na manuṣy kī icchā se, parntu Parmeśvar se utpann hue hain" (Yūhannā 1:12-13).
Yadi āp Yīśu Masīh ko apanā uddhārkartā ke rūp me grahaṇ karane kī icchā rakhate hain aur nae sire se janm lenā cāhate hain, to yahān par ek saral prārthanā hai. Smaraṇ rakhen, yah prārthanā yā any koī prārthanā kahane se āp bachāe nahīn jā sakate hain. Keval Masīh par viśvās rakhane se hī āp apane pāpoṇ se bach sakate hain. Yah prārthanā to keval Parmeśvar me apanā viśvās vyakt karane tathā āpke liye uddhār upalabdh karāne ke lie usko dhanyvād dene kā ek tarīkā mātr hai." He Parmeśvar, main jānatā hūm̐ ki mainne āp ke viruddh pāp kiyā hai, aur main sajā pāne ke yogy hūm̐. Parntu Yīśu Masīh ne us sajā ko uṭhā liyā jo mujhe milanī thī tāki usme viśvās karane ke dvārā mujhe kṣamā prāpt ho sake. Main uddhār ke lie apane viśvās ko āp me rakhatā hūm̐. Apke āścharyajanak anugrah tathā kṣamā ke liye – jo ki anant jīvan kā varadān hai, main āpkā dhanyvād karatā hūm̐! Aamīn!
Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.
English
Nayā janm prāpt masīhī kā kyā arth hotā hai?
