Pāpī kī prārthanā kyā hai?



Praśn: Pāpī kī prārthanā kyā hai?

Uttar:
Pāpī kī prārthanā ek aisī prārthanā hai jise ek vyakti Parmeśvar se tab kartā hai jab vah yah samajh jātā hai ki vah ek pāpī hai aur use ek uddhārkartā kī āvaśyakatā hai. Pāpī kī prārthanā ko kahane mātr se yah svayaṃ me kuch prāpt nahīn kar sakatī hai. Ek sacche pāpī kī prārthanā uske adharm ke bāre me aur apane uddhār kī āvaśyakatā ke lie ek vyakti kyā jāntā, samajhtā aur viśvās kartā hai, ko hī keval prastut kartī hai.

Pāpī kī prārthanā kā pratham pahalū yah samajhnā hai ki ham sabhī pāpī hain. Romiyon 3:10 ghoṣaṇā kartī hai ki, "Jaisā likhā hai, koī dharmī nahīn, ek bhī nahīn." Bāibal yah spaṣṭ kartī hai ki ham sabne pāp kiyā hai. Ham sabhī pāpiyon ko Parmeśvar kī or se dayā tathā kṣamā kī āvaśyakatā hai (Tītus 3:5-7). Apane pāp ke kāraṇ, ham anantkāl ke daṇḍ ke pātr hain (Mattī 25:46). Pāpī kī prārthanā nyāy ke sthān par anugrah ke lie ek yāchanā hai. Yah krodh ke sthān par dayā kā nivedan hai.

Pāpī kī prārthanā kā dvitīya pahalū yah jānnā hai ki Parmeśvar ne hamārī khoī huī aur pāppūrṇ sthiti ke upachār ke lie kyā kiyā hai. Parmeśvar ne deh ko dhāraṇ kiyā aur Yīśu Masīh ke vyaktitv me mānav prāṇī ban gayā (Yūhannā 1:1;14). Yīśu ne hame Parmeśvar ke bāre me satya kī śikṣā dī aur pūrṇ rūp se dharmī aur pāp rahit jīvan yāpn kiyā (Yūhannā 8:46; 2 Kurinthus 5:21). Yīśu tab hamāre sthān par krūs ke ūpar, us daṇḍ ko uṭhāte hue mara gayā jiske ham pātr the (Romiyon 5:8). Pāp, mṛtyu tathā narak ke ūpar vijay ko pramāṇit karte hue Yīśu mṛtakoṃ me se jī uṭhā. In sab ke kāraṇ, ham apane sāre pāpoṇ kī kṣamā aur svarg me ek anantkālīn nivāsa kī pratigayā ko prāpt kar sakate hain – yadi ham apanā viśvās keval Yīśu Masīh me rakh dete hain. Hame iske lie keval yah karnā hai ki ham ye viśvās kare ki vah hamāre sthān par mar gayā aur mṛtakon me se jī uṭhā (Romiyon 10:9-10). Ham keval anugrah se, keval viśvās ke dvārā, keval Yīśu Masīh me hī uddhār ko prāpt kar sakate hain. Iphisus 2:8 ghoṣaṇā kartī hai, "Kyonki viśvās ke dvārā anugrah hī se tumhārā uddhār huā hai - aur yah tumhārī or se nahīn, varan Parmeśvar kā dān hai.

Pāpī kī prārthanā ko karnā Parmeśvar ko yah ghoṣaṇā karne kā ek saral tarīkā hai ki āp āpke uddhār ke lie Yīśu Masīh ke ūpar nirbhar ho rahe hain. Yahān par aise koī "chamatkārik" śabd nahīn hai jinkā pariṇām uddhār hai. Keval Yīśu kī mṛtyu tathā jī uṭhane me viśvās hī hai jo hamko uddhār de sakatā hai. Yadi āp yah samajhte hain ki āp ek pāpī hain aur āpko Yīśu Masīh ke dvārā uddhār kī āvaśyakatā hai, to yahān par ek pāpī kī prārthanā dī gaī hai jise āp Parmeśvar se kar sakate hain: "He, Parmeśvar, main jāntā hūn ki main ek pāpī hūn. Main jāntā hūn ki main mere pāpoṇ ke pariṇāmo ko pāne kā pātr hūn. Parntu phir bhī, main Yīśu Masīh me ek uddhārkartā ke rūp me bharosā kar rahā hūn. Main viśvās kartā hūn ki uskī mṛtyu aur jī uṭhane ne mere lie kṣamā kā prabndh kar diyā hai. Main Yīśu, aur keval Yīśu me hī use apanā vyaktigat Prabhu aur uddhārkartā ke rūp me mānate hue bharosā kartā hūn. He Prabhu, merā uddhār karne aur mujhe kṣamā karne ke lie āpkā dhanyvād! Aamīn!"

Jo kuch āpne yahān paḍhaā hai kyā uske kāraṇ āpne Masīh ke pīche chalane ke lie nirṇay liyā hai? Yadi aisā hai to kṛpyā nīche die hue "mainne āja Yīśu ko svīkār kar liyā hai" vāle baṭan ko dabāiye.



Hindī ya Roman-Nagari ke mukhya pṛṣṭha par vāpsa jāie



Pāpī kī prārthanā kyā hai?