Praśn
Kyā hamāre pāas do yā tīn bhāag hain? Kyā ham śarīr, prāṇ aur ātmā hain - yā – ātmā, prāṇ-ātmā hain?
Uttar
Utpatti 1:26-27 sanket detā hai ki aisī kuch alag hī bāat hai jo ki manuṣy ko any sabhī sṛṣṭi se alag banātī hai. Manuṣy ko Parameśvar ke sāth ek sambandh rakhane kī icchā ke sāth banāyā gayā thā, aur isī kāraṇ, Parameśvar ne hame dono arthāt bhautik aur abhautik hisso ke sāth nirmit kiyā hai. Bhautik kā arth spaṣṭ hai ki jo vāstavik yā mūrt hai: arthāt śārīrik deh, haḍḍiyān, ang ādi., aur yah tab tak astitv men rahate hain jab tak vyakti jīvit rahatā hai. Amūrt pahalū vah hain jo avāstavik hain arthāt: prāṇ, ātmā, gyan, icchā, vivek ādi. Ye vyakti ke bhautik jīvan se pare astitv men hain.
Sabhī manuṣyon dono arthāt bhautik aur abhautik guṇo ke sāth nirmit hain. Yah spaṣṭ hai ki sabhī manuṣyon māss, rakt, haḍḍiyon, ango, aur kośikāon se milakar banā huā ek śarīr hai. Hāalāki, yah mānav jāti ke vāstavik guṇ hain jo aksar vād vivād kā viṣay rahe hain. Pavitr Sāstr inake bāre men kyā kahtā hai? Utpatti 2:7 kahtā hai ki manuṣy ek jīvit prāṇī ke rūp men sṛjā gayā. Ginatī16:22 Parameśvar ko "sab ātmāon kā Parameśvar" kah kar nām detā hai jo sabhī manuṣyon ke pāas men hai. Nītivachan 4:23 hame batātā hai ki, "sab se adhik apane man kī rakṣā kar, kyonki jīvan kā mūl strot vahī hai," jo yah sanket detā hai ki man manuṣy kī icchā aur bhāvanāon kā kendr hai. Preriton ke kām 23:1 kahtā hai ki, "Paulus ne mahāsabhā kī or ṭakaṭakī lagākar dekhā aur kahā, 'He bhāiyoṃ, main ne āja tak Parameśvar ke lie bilkul sacche vivek se jīvan bitāyā hai.'" Yahān Paulus vivek kī or sanket detā hai, man kā vo hissā jo sahī yā galat ke prati hame chetanā detā hai. Romiyon 12:2 kahtā hai ki, "Is sanār ke sadṛis na bano; parantu tumhāre man ke nae ho jāne se tumhārā chāl-chalan bhī badalatā jāe, jisse tum Parameśvar kī bhalī, aur bhāvatī aur siddh icchā anubhav se mālūm karte raho." Ye aur kaī asankhy vachan, manuṣy ke abhautik hisse ke kaī pahalūon kī or sanket karte hain. Ham sabhī ina dono arthāt bhautik aur abhautik guṇo men bhāgī hain.
Is tarah se, Pavitr Sāstr prāṇ aur ātmā se jyādā kī rūprekhā detā hai. Kisī tarah se, prāṇ, ātmā, hiṛday, vivek, aur man āap men sambandhit aur juḍaā huā hai. Prāṇ aur ātmā, hāalāki, niśchit rūp se manuṣy ke prāthamik abhautik pahalū hain. Parantu unamen any pahalūon ke sāth juḍae hue hone kī bhī saṃbhāvanā hai is bāat ko dhyān men rakhate hue, kyā manuṣy dvibhāgī (do bhāgon arthāt śarīr/prāṇ-ātmā men baṭā huā) hai, yā tribhāgī (tīn bhāgon arthāt śarīr/prāṇ/ātmā men baṭā huā) hai. Iske prati dharmasaiddhāntik honā asaṃbhav hai. Dono hī dṛṣṭikoṇo ke lie acchī dalīle milatī hain. Ibrāniyon 4:12 ek kunjī vachan hai: "Kyonki Parameśvar kā vachan jīvit, aur prabal aur har ek dodhārī talavār se bhī bahut chokhā hai; aur prāṇ aur ātmā ko, aur gānṭh-gānṭh aur gūde-gūde ko alag karke aār-paār chedatā hai aur man kī bhāvanāon aur vichāron ko jānchatā hai." Yah vachan hame is vād-vivād ke bāre men kam se kam do bāton ko batātā hai. Prāṇ aur ātmā ko vibhājita kiyā jā sakatā hai, aur prāṇ aur ātmā kā bhāag kuch is tarah kā hai jise keval Parameśvar hī samajh sakatā hai. Jis bāat ke prati ham niśchit nahīn hai uske ūpar dhyān kendrit karne kī apekṣā, yah uttam hogā ki ham apane dhyān ko Sṛṣṭikartā kī or lagāe, jisne hame "bhayānak aur adbhut" rīti se rachā hai (Bhajan Sanhitā139:14).
English
Kyā hamāre pāas do yā tīn bhāag hain? Kyā ham śarīr, prāṇ aur ātmā hain - yā – ātmā, prāṇ-ātmā hain?
