Saludsod
Kasano a masiguradok nga mapanak idiay Langit kalpasan iti ipapatayko?
Sungbat
Kayat ti Dios nga sigurado tayo maipapan iti daytoy a banag. Kunkuna iti 1 Juan 5:13, “Insuratko dagitoy kadakayo a mamati iti nagan ti Anak ti Dios, tapno maammoanyo nga addaankayo iti biag nga agnanayon.” No sumangoka ita iti Dios ket agsaludsod kenka, “Apay a pastrekenka idiay langit?” Mabalin a saan mo nga ammo iti isungbatmo. Rumbeng a maammoantayo nga ayayatennatayo iti Dios ket nangaramid Isuna ti pamuspusan tapno makasiguradotayo iti biag nga agnanayon iti dinnana. Kuna iti Juan 3:16, “Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.”
Apay nga saan a makapan iti tao idiay langit? Ti makagapo, amintayo ket managbasol. Nadadael iti relasyontayo iti Dios gapu iti basoltayo. Kinuna iti Taga-Roma 3:23, “Nagbasol amin a tattao ket agkurangda iti kinadayag ti Dios.” Gapu iti daytoy, saantayo a mabaelan nga isalakan iti bagitayo. Saantayo met a maisalakan gapu kadagiti naimbag nga aramidtayo. Kuna iti Taga-Efeso 2:8-9, “Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy.” Ti rumbeng laeng para kadatayo ket iti madusa idiay impiyerno. “Ta patay ti supapak ti basol.” (Taga-Roma 6:23)
Nasantuan ken nainkalitegan iti Apo isut gapuna nga dagiti basoltayo ket adda supapakna nga dusa. Ngem ayayatenna tayo met, isut gapuna nga Isu ket nangaramid iti pamuspusan tapno mapakawan dagiti basoltayo babaen kenni Jesus, “Siak ti dalan, ken ti pudno, ken ti biag; awan ti makapan iti Ama no di magna kaniak” (Juan 14:6). Natay ni Jesus idiay krus para kadatayo. Kinuna iti 1 Pedro 3:18, “Naminsan a natay ni Cristo a maipaay iti amin tapno mapakawan dagiti basbasoltayo. Natay ti nalinteg a tao gapu kadagiti nakillo tapno yasidegnakayo iti Dios. Napapatay iti bagi ngem napagungar iti espiritu.” Kuna met iti Taga-Roma 4:25, “Nayawat ni Jesus a matay gapu kadagiti basoltayo, ket napagungar tapno mapalintegtayo iti sanguanan iti Dios.”
Isunga daytoy ti sungbat iti saludsodtayo maipapan iti pannakasigurado iti ipapan idiay langit: “Mamatika ken ni Apo Jesus ket maisalakankanto” (Dagiti Aramid 16:31). “Ngem adda met dagiti immawat ken namati kenkuana, isut' gapuna nga inikkanna ida iti kalintegan nga agbalin nga annak ti Dios” (Juan 1:12). Maawatmo iti biag nga agnanayon nga awan bayadna. Daytoy ket sagut iti Dios. “Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo” (Taga-Roma 6:23). Mabalinmo iti agbiag ita iti naan-anay a panagbiag, makaay-ayo ken napnuan iti kinapateg babaen kenni Jesus (Juan 10:10). Mabalinkan nga agbiag nga agnanayon nga kadua ni Jesus idiay langit, agsipud ta imbagana , “Kalpasan ti ipapanko panangisagana iti pagyananyo, umaykayto alaen tapno addakayo met iti ayanko” (Juan 14:3).
No kayatmo nga awaten ni Jesus-Cristo a kas mangisalakanmo ken awaten iti pammakawanna, mabalinmo nga ikararag daytoy. Lagipem laeng nga daytoy a kararag ket saan a mangisalakan kenka. Ti Dios laeng ti makaisalakan kenka babaen iti Santo nga Espiritu. Ibagam kenkuana nga agtaud dita pusom, “O Dios, aminek a nagbasolak maibusor kenka ket rebbeng laeng a siak ket madusa. Ngem innala ni Jesus ti basolko ken sinagabana ti dusa nga siak ti rumbeng nga umawat. Agbabbabawi ken paglikudakon dagiti basbasolko ken agtalekak kenni Jesus maipapan iti pannakaisalakanko. Agyamanak iti nakaskasdaaw a paraburmo ken pammakawan. Agyamanak met iti biag nga agnanayon. Amen!
Gapu kadagiti nabasam ditoy, Sika aya ket agbabbabawin kadagiti basolmo ken nangaramidka iti keddeng nga ikabil ti pammati ken panagtalekmo kenni Cristo? No wen, i-klik mo ti "Inawat ko ni Cristo ita" iti kahon iti baba.
Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".
English
Kasano a masiguradok nga mapanak idiay Langit kalpasan iti ipapatayko?
