Saludsod
Siasino ti asawa ni Cain? Ti asawa kadi ni Cain ket ti kabsatna a babae?
Sungbat
Saan a naisalumina nga impatuldo ti Biblia no siasino ti asawa ni Cain. Ti mabalin a sungbat ket, ti asawa ni Cain ket ti kabsatna a babae wenno kaanakanna a babae wenno kaanakan a babae ti kaanakanna a lalaki. Saan a kinuna ti Biblia no mano ti tawen ni Cain idi pinatayna ti kabsatna nga ni Abel (Genesis 4:8). Gapu ta padada a mannalon, malabit nga addaandan ti naan-anay a tawen ken mabalin nga addaandan ti bukodda a pamilya. Sigurado nga adun dagiti annak da Adan ken Eva malaksid da Abel ken Cain idi tiempo nga napapatay ni Cain ti kabsatna- sigurado pay a naaddaanda ti adu nga anak bayat ti panaglabas ti panawen (Genesis 5:4).
Ti kinapudno a nagbuteng ni Cain para iti bukodna a biag maigapu ta baka patayen met isuna ti sabali a tao kalpasan a patayenna ni Abel (Genesis 4:14) ket agpakpakita nga adda pay dagiti sabali nga anak wenno saan ketdi dagiti appo wenno appo iti tumeng da Adan kenni Eva kadagiti panawen idi. Ti asawa ni Cain (Genesis 4:17) ket ti anak nga babae wenno apo nga babae da Adan ken Eva. Agsipud ta da Adan ken Eva ti kaunaan a tao iti lubong, dagiti annakda ket awan ti pag-pilyan no diket aramiden nga asawa dagiti kakabsatda. Saan nga imparit ti Dios ti panagassawa dagiti agkakabsat idi saan pay a naan-anay dagiti bilang ti tao, ngem idi immadun dagiti tao , ti panagassawa ti agkakabsat ket saanen nga kasapulan (Levitico 18:6-18). Ti makagapu no apay ti relasyon a sekswal ti agkabsat ket lanang nga ti pagbanaganna ket ti panagbalin a saan a nga kadawyan dagiti annakda ket gapu ta no ti dua a tao ket agkapada ti “genes” (kaspangarigan ti agkabsat) ket maaddaan ti anak, dakkel ti posibilidad nga agbanag daytoy ti panagbalin nga saan a kadawayan dagiti annakda. No dagiti tao nga ngagapu iti nadumaduma a pamilia ket maaddaan kadagiti annak- nagdakkel ti posibilidad nga saanda a maadaan ti kurang. Ti “genetic code” dagiti tao ket narugitan iti panaglabas ti panawen agsipud ta dagiti kurang ti genes ket kimmaru nga immadu, ket naiyakar iti immuna ken aginggana iti agdama a kaputotan. Ni Adan ken Eva ket awan adu a kurang ti “genetic,”ket dayta ti nangted kadakuada ken kadagiti immuna a kaputotan ti nagpintas a kita ti salun-at no idilig kadatayo ita. No addaanman ti kurang ti “genetic” dagiti annak da Adan ken Eva, mabalin a sumagmamano laeng dagidiay. Gapu iti daytoy, natalged kadakuada ti panagasawa ti bukodda a kabsat. Mabalin a naiduma kadatayo wenno agpungtottayo no panpanunutentayo nga ti asawa ni Cain ket ti bukodna a kabsat. Ngem ti rugi, gapu ta pina-adu ti Dios ti tao manipud iti maysa a lalaki ken iti maysa a babae laeng (ni Adan ken Eva), ti maikaddua a kaputotan dagiti tao ket awan ti mabalinda a pag-pilyan no diket agasawa ti bukodda a kakabsat.
English
Siasino ti asawa ni Cain? Ti asawa kadi ni Cain ket ti kabsatna a babae?
