Saludsod
Anya kadi ti kinuna ti Biblia maipapan iti panagbalin a bakla? Ti panagbalin a bakla kadi ket basol?
Sungbat
Masansan nga kunkunaen kadatayo ti Biblia nga ti aramid a bakla ket basol (Genesis 19:1-13; Levitico 18:22; Taga-Roma 1:26-27; 1 Taga-Corinto 6:9). Naisalumina nga isursuro ti Taga-Roma 1:26-27 nga ti panagbalin a bakla ket nagbanagan ti panangumsi ken panagsukirda iti Dios. No ti maysa a tao ket agtultuloy nga agar-aramid ti basol ken agtultuloy nga saan a mamati, kunkunaen ti Biblia kadatayo nga “inted ida ti Dios” iti dakdakkel a basol tapno maiparang kadakuada ti kinaawan ti maayna ken kinaawan ti namnama ti biag nga naisina iti Dios. Impaltiing iti 1 Taga-Corinto 6:9 nga ti bakla ket awan ti bingayna idiay pagarian ti Dios. Saan a pinarsua ti Dios ti tao nga agkalikagum iti padana a lalaki wenno padana babae. Kunkunaen kadatayo ti Biblia nga agbalbalin a bakla ti maysa a tao gapu iti basol (Taga-Roma 1:24-27), ken gapu ta daytoy ket bukodda a pagayatan. Ti maysa a tao mabalin a maipasngay nga dakdakkel iti posibilidad nga agbalin a bakla kapada dagiti tao a maipasngay nga adda dakkel nga posibilidad nga agaramid ti kinadawel ken sabali pay a basol. Ngem saan a daytoy ti makagapu para iti tao nga ipangruna a suruten dagiti managbasol a panagkalikagum ngem paiturayan iti moralidad. No ti maysa a tao ket naipasngay nga dakdakkel ti posibilidad nga nalaka nga agpungtot, umisu kadi nga isu ket paadipen ken agtulnog iti nakuna a panagkalikagum? Ti sungbat ket saan! Pada met daytoy ti panagbalin a bakla. Nupay kasta, Saan a kunkunaen ti Biblia nga ti panagbalin a bakla ti “kadaklan” a basol kaparis ti sabali a basol. Ti amin a basol ket guraen ti Dios, bassit man wenno dakkel. Ti kinabakla ket maysa laeng kadagiti adu a basol nga nakasurat idiay 1 Taga-Corinto 6:9-10 nga agkunkuna a daytoy ti maysa kadagiti maigapu tapno ti maysa a tao ket saan a mairaman idiay pagarian ti Dios.
Kinuna pay iti Biblia, ti pammakawan ti Dios ket mabalin a mapadasan ti maysa a bakla, Kasla ti panagbalinmet daytoy a mapadasan dagiti pumatpatay ti tao, agrukrukbab kadagiti dios-diosan, agtatakaw ken sabali pay. Nagkari met ti Dios ti pigsa tapno abakentayo ti basol, karamanen ti panagbalin a bakla, ken ti daytoy a kari nga pigsa ket para iti amin nga mamati kenni Jesu-Cristo para iti pannakaisalakanda (1 Taga-Corinto 6:11; 2 Taga-Corinto 5:17).
English
Anya kadi ti kinuna ti Biblia maipapan iti panagbalin a bakla? Ti panagbalin a bakla kadi ket basol?
