Saludsod
Anya kadi ti Cristianismo ken anya kadi ti pammati dagiti Cristiano?
Sungbat
Kunkuna iti 1 Taga-Corinto 15:1-4 “Kakabsat, kayatko nga ipalagip kadakayo ti Naimbag a Damag nga inkasabak kadakayo, nga inawatyo ket pagbatayan a sititibker ti pammatiyo. Dayta ti ebanghelio nga inkaskasabak kadakayo. Isalakannakayo no salimetmetanyo—malaksid no barengbareng ti panamatiyo. Inyawatko kadakayo ti kangrunaan nga inawatko: a natay ni Cristo gapu kadagiti basoltayo, kas nailanad iti Nasantoan a Surat; a naitanem ket napagungar iti maikatlo nga aldaw, kas nailanad iti Nasantoan a Surat.”
Dayta ti pammati dagiti Cristiano. Naidumduma ti Cristianismo kadagiti amin a relihiyon agsipud ta ti mensahe iti Cristianismo ket nangruna nga ipatpateg ti relasyon ngem iti ritwal nga pangrelihiyon. Saan ketdi nga paadipen kadagiti listaan dagiti rumbeng ken saan a rumbeng nga aramiden, Ti panggep iti maysa a Cristiano ket patanoren ti asideg nga relasyon iti Dios Ama. Nagbalin a posible daytoy a relasyon gapu iti inaramid ni Jesu-Cristo ken ti ministeryo iti Santo nga Espiritu iti biag iti maysa a Cristiano.
Mamati dagiti Cristiano nga iti Biblia ket sinang-awan ti anges iti Dios ket awan ti biddutna ket ti isursuro iti Biblia ket ti maudi ken naananay. (2 Timoteo 3:16; 2 Pedro 1:20-21) Mamati dagiti Cristiano iti maymaysa a Dios iti tallo a persona, Ti Dios Ama, Anak (Jesu-Cristo) ken ti Santo nga Espiritu.
Mamati dagiti Cristiano nga pinarsua iti Dios ti tao tapno maaddaan iti relasyon Kenkuana, ngem naisina ti tao iti Dios gapu iti basol. (Taga-Roma 5:12; Taga-Roma 3:23) Isursuro iti Cristianismo nga nagbalin a tao ti Apotayo a Jesu-Cristo ditoy lubong, ket Isu pudno a Dios ken Pudno a Tao, (Taga-Filipos 2:6-11) ket natay idiay krus. Mamati pay dagiti Cristiano nga kalpasan iti pannakatayna idiay krus, naitanem ni Jesus, nagungar ket adda ita iti makannawan iti Dios Ama ket agtultuloy nga mangibabaet gapu kadagiti namati. (Hebreo 7:25) Ipalpaltiing iti Cristianismo nga makaanay ti ipapatay ni Jesus idiay krus tapno mabayadan ti basol iti sangkalubongan. Daytoy pay ti nangisubli iti nadadael a relasyon ti tao iti Dios (Hebreo 9:11-14; Hebreo 10:10; Taga-Roma 6:23; Taga-Roma 5:8).
Tapno maisalakan ti maysa a tao, masapul nga ikabilna nga sibubukel ti panamatina iti nalpas nga aramid ni Jesus nga pannakaisalakan idiay krus. Siasinoman a mamati ken agtalek nga natay ni Jesus kas kasukatna idiay krus ket maisalakan, agsipud ta binayadanen ni Jesus ti dusa kadagiti basolna. Awan mabalinan iti siasinoman tapno panggedanna iti pannakaisalakanna. Awan ti siasinoman a maibilang nga naimbag. Awan met uray maysa, nga gapu iti bukodna a regta ket nagbalin a makagapu tapno maayayo ti Dios kenkuana agsipud ta datayo amin ket nagbasol. (Isaias 64:6-7; Isaias 53:6) Maikadua, awanen ti rumbeng nga aramiden pay,agsipud ta inaramid amin ni Jesus ti aramid nga pannangisalakan. Idi adda iti krus ni Jesus kinunana “Natungpalen” (Juan 19:30).
Agsipud ta awan ti naaramid ti siasinoman tapno magun-ud iti pannakaisalakan, awan met ti kabaelan ti siasinoman tapno maipukaw iti pannakaisalakanna, No nagtaud iti puso ti panangawat ken panangikabil iti naananay a panagtalek iti inaramid ni Jesus idiay krus. Rebbeng tayo a lagipen nga iti aramid a pannangisalakan ket nai-lippasen ni Jesus.
Ti pannakaisalakan ket saan a nakadepende iti tao nga immawat iti daytoy. Kunkuna iti Juan 10:27-29 “Denggen dagiti karnerok ti timekko. Ammok ida, ket surotendak. Ikkak ida iti biag nga agnanayon, ket pulos a didanto matay. Awan ti makarabsut kadakuada kaniak. Natantan-ok ti inted kaniak ni Amak ngem dagiti isuamin, ket awan ti makarabsut kadakuada iti panangaywan ti Ama.”
Mabalin a panunuten ti maysa a tao nga gapu ta isu ket naisalakanen, maaramidna aminen a kayatna nga aramiden agsipud ta ammona nga saanen nga mapukaw iti pannakaisalakanna. Ngem iti pannakaisalakan ket saan a pammalubos tapno aramidentayo amin nga kayattayo nga aramiden. Ti pannakaisalakan ket pannakawayawaya iti dati nga managbasol nga aramidtayo ken pannakawayawaya nga itultuloy iti umisu nga relasyontayo iti Dios. Ti pannakaisalakan ket isu mismo ti panglaban iti Cristiano iti basol. Ngem bayat a dagiti namati ket agbibiag pay laeng ditoy lubong, agtultuloy iti pannakibakal da iti basol. Ti panagbiag iti tao iti basol ket lapped iti pannakikaduana iti Dios. Ket bayat nga ti maysa a namati ket agtultuloy nga agar-aramid iti basol, saanna a malak-am ti ited iti pannakikaduana iti Dios. Kabayatan, mabalin a mapagballaigian ti maysa a Cristiano ti basolna babaen iti panagadal ken panangaramid iti panagbiagna iti Sao iti Dios (Ti Biblia), ti panagtulok iti Santo nga Espiritu ken babaen iti panagtulnog iti panangsursuro ken panangidalanna iti inaldaw a panagbiagna.
Kabayatan iti adu a relihiyon ti agisursuro nga iti tao ket rumbeng nga agtulnog kadagiti maikari ken saan a maikari nga aramiden tapno maisalakan, ti Cristianismo met ket agisursuro nga ti pannakaadda iti relasyon iti Dios ti dalan iti pannakaisalakan. Ti Cristianismo ket ti pammati nga ni Jesus ket natay idiay krus tapno mabayadan dagiti basol, Isu ket nagungar ken agsubli manen iti maysa nga aldaw. Dagiti basoltayo ket binayadanen ni Jesus, gapu iti daytoy ket makadinnatayon iti Dios idiay langit. Mabalin mo iti mailap-aw iti managbasol a kasasaad ken magna iti kinalinteg gapu iti panagtulnog iti Dios. Dayta ti pudpudno a Cristianismo.
English
Anya kadi ti Cristianismo ken anya kadi ti pammati dagiti Cristiano?
