Saludsod
Anya kadi ti kunkunaen ti Biblia maipapan iti panangted ti apagkapullo dagiti Cristiano?
Sungbat
Ti panangted ti apagkapullo ket maysa a pagsasaritaan para kadagiti Cristiano ken adu dagiti marigatan nga suruten daytoy. Iti sumagmamano nga Iglesia, inyunay-unay ti panangted ti apagkapullo. Adu met dagiti Cristiano ti saan nga agtultulnog iti isursuro ti Biblia maipapan iti panangted ti sagut para iti Apo. Ti panangted ti sagut ken apagkapullo ket rumbeng nga ited nga addaan ti ragsak ken panagdayaw iti Dios. Ti nakaladladingit, saanen a kastoy ti kasasaad dagiti Iglesia ita. Ti panangted ti apagkapullo ket kapanunutan a naggapu iti Daan a Tulag. Ti apagkapullo ket dawdawaten ti linteg no dinno ti amin nga Israelita ket kasapulan a mangted ti sangapulo a porsiento ti amin nga sapulda wenno tagikua iti Tabernaculo wenno Templo (Levitico 27:30; Dagiti Numero 18:26; Deuteronomio 14:24; 2 Cronicas 31:5).
Maawatan dagiti dadduma nga ti panangted ti apagkapullo iti Daan a Tulag ket maysa a pamuspusan ti panagbayad ti buwis tapno ma maited dagiti kasapulan dagiti saserdote ken Levita iti urnos a daton. Saan met a makita wenno ipinagbilin iti Baro a Tulag nga kasapulan a sumurot dagiti Cristiano iti maitunos iti linteg nga urnos ti panangted ti apagkapullo. Kinuna ni Pablo nga dagiti namati ket rumbeng nga mangilasin ti paset dagiti sapulda a kas saranay iti aramid ti Iglesia (1 Corinto 16:1-2). Saan nga intuding ti Baro a Tulag ti apag-isu nga porsiento ti sapul nga rumbeng nga ilasin, saan ketdi kunkunaenna laeng daytoy ti “dagup a kabaelan” (1Corinto 16:2). Innala ti Iglesia nga Cristiano ti numero nga sangapulo a porsiento manipud iti nakasurat nga maika-sangapulo iti Daan a Tulag ken inasikaso nga inaramid daytoy a kas “irecomendar a kababaan” a sagut iti Iglesia dagiti Cristiano. Nupay kasta, saan a rumbeng nga maysa laeng nga pagrebbengen ti panangted ti apagkapullo. Rumbeng nga mangted dagiti Cristiano ti maiyannatup iti kabaelanda wenno “dagup a kabaelan.” Ti kayat a sawen, ti maysa a Cristiano ket mabalin a mangted ti dakdakkel pay ngem iti apagkapullo, ket no daddumamet ket makaited isuna ti basbassit ngem iti apagkapullo.
Amin ket naka base iti kabaelan ti maysa a Cristiano ken kadagiti kasapulan ti Iglesia. Amin dagiti Cristiano ket rumbeng nga agkararag nga agtaud iti puso ken biruken ti pagayatan ti Dios no isu ket makikadua iti panangted ti apagkapullo wenno adadu pay ngem iti daytoy wenno no mano ti dagup ti itedna para iti aramid ti Apo (Santiago 1:5). “Ngarud, mangted koma ti tunggal maysa kas agubbog iti pusona. Saan koma a nasakit ti nakemna wenno mapilpilit, ta ayaten ti Dios ti mangted a siraragsak” (2 Corinto 9:7).
English
Anya kadi ti kunkunaen ti Biblia maipapan iti panangted ti apagkapullo dagiti Cristiano?
