Saludsod
Anya ti kinapateg ti bunyag a Cristiano?
Sungbat
Ti buniag ti maysa kadagiti dua a bilin nga impatakder ni Cristo tapno tungpalen ti Iglesia. Sakbay nga Isu ket umuli idiay langit, kinuna ni Jesus, “Inkay ngarud kadagiti amin a tattao iti amin a lugar, ket pagbalinenyo ida nga adalak: buniaganyo ida iti nagan ti Ama, ti Anak ken ti Espiritu Santo, ken isuroyo ida nga agtungpal kadagiti amin nga imbilinko kadakayo. Laglagipenyo nga addaakto nga agnanayon kadakayo agingga iti panungpalan ti lubong” (Mateo 28:19-20). Kinuna ni Jesus iti daytoy a bilin ti pagrebbengan ti Iglesia – ti panangaramid kadagiti adalan ken ti panangbunyag kadagiti agbalin nga adalan. Rumbeng nga aramiden daytoy a banag iti amin nga pagillian “agingga iti panungpalan ti lubong.” Isut gapuna nga ti bunyag ket napateg gapu ta imbilin daytoy ni Jesu-Cristo.
Ar-aramidenen ti bunyag idi pay kapakpatakder ti Iglesia. Idi immuna a panawen, bunbunyagan dagiti Judio dagiti kayatna ti agbalin a miembro ti Judaismo a kas pagilasinan ti pananglinis kadagiti kinataoda. Inusar ni Juan Bautista ti bunyag a kas pagilasinan ti ministerio ti Apo a Jesu-Cristo. Dinawatna kadagiti tunggal tao, saan laeng kadagiti Hentil, nga agpabunyag gapu ta amin ket kasapulan nga agbabawi. Nupay kasta, ti bunyag ni Juan nga pagilasinan ti panagbabawi , ket saan a kasla ti Cristaino a bunyag pada ti makita iti libro ti Aramid 18:24-26 ken 19:1-7. Naun-uneg ti kaipapanan ken kinapateg ti bunyag a Cristiano.
Ti bunyag ket masapul nga aramiden iti nagan ti Ama, ti Anak ken ti Espiritu Santo- daytoy ti makagapu no apay nga inawagan nga bunyag a Cristiano. Babaen iti daytoy nga bilin, aw-awaten ti maysa a tao a kas miembro ti maysa nga Iglesia. Idi napadasantayo ti pannakaisalakan, “nabunyagantayo iti Espiritu” iti bagi ni Cristo nga Isu ti Iglesia. Kinuna iti 1 Corinto 12:13, “Kasta met kadatayo amin—Judio man wenno Hentil, tagabu man wenno siwawayawaya—nabuniagantayo a naikamang iti maymaysa a bagi babaen iti maymaysa nga Espiritu nga isu met laeng ti naited nga inumentayo.” Ti bunyag ket panangiladawan ti bunyag ti Espiritu.
Ti bunyag a Cristiano ti aruaten tapno maipakita ti maysa a tao ti panangiwaragawagna ti panamati ken panagbalin nga adalan ni Cristo iti kaaduan. Iti danum ti bunyag, kasla kunkunaen ti maysa a tao iti lubong, “iwarwaragawagko ti panamatik kenni Cristo; inugasan ni Cristo ti kararuak manipud iti basol, ken Siak ita ket agbiagen para Kenkuana iti maysa a baro a panagbiag nga nasantoan.”
Iladladawan ti bunyag a Cristiano iti maysa a daramatiko nga pamuspusan, ti ipapatay, pannakaitanem, ken panagungar ni Cristo. Iti agpada a pamuspusan, iladladawan daytoy ti ipapataytayo iti basol ken ti baro a biagtayo kenni Cristo. Idi inwaragawag ti maysa a managbasol nga ni Jesu-Cristo ti Apo na, isu ket natayen iti basol (Roma 6:11) ken imbangon iti maysa a baro a biag (Colosas 2:12). Ti panangiparareb iti danum ket mangiladawan ti ipapatay ti tao iti basol ken ti panangi-aon iti danum ket pagilasinan iti maysa a nilinis ken nasantoan a biag nagbanagan ti pannakaisalakan. Inladawan daytoy iti Roma 6:4; “Ngarud, idi nabuniagantayo, naikaduatayo ken ni Cristo a naitanem, ket nairanudtayo iti ipapatayna tapno, kas iti pannakapagungar ni Cristo babaen iti nakaskasdaaw a pannakabalin ti Ama, sumurottayo met koma iti baro a panagbiag.”
“Iti kadawyan a panagipatarus, ti bunyag ket pangruar a pammaneknek iti pang-uneg a pasamak iti biag ti maysa a namati. Ti bunyag a Cristiano ket panagtulnog iti bilin ti Apo kalpasan nga mapadasan ti maysa a tao ti pannakaisalakan; nupay ti bunyag ket gagangay nga isilsilpo iti pannakaisalakan, saan met a kasapulan daytoy tapno maisalakan ti maysa a tao. Impakita ti adu nga ulit iti Biblia ti panagsasaruno dagiti pasamak. 1). Namati ti maysa a tao kenni Apo Jesu-Cristo, 2). Daytoy laeng ti tiempo nga mabalin isuna a bunyagan. Ti daytoy a panagsasaruno ket makita iti Aramid 2:41, “Adu kadakuada ti namati iti saona ket nabuniaganda” (kitaen met ti Aramid 16:14-15).
Ti maysa a baro a namati ket rumbeng nga agtarigagay nga agpabunyag iti nabiit unay a tiempo. Imbingay ni Felipe iti Aramid 8 ti “Naimbag a damag maipapan kenni Jesus” iti maysa nga Etiope a eunoko ket, Intuloyda ti panagdaliasatda agingga a dimtengda iti lugar nga adda danum. Kinuna ti ofisial ken ni Felipe, “Adtoy ti danum. Ania ti makatiped iti panagbuniagko?” (versiculo 35-36). Pinagsardeng ngarud ti ofisial ti lugan. Napanda a dua iti danum ket binuniagan ni Felipe.
Iladladawan ti bunyag ti panagmaymaysa dagiti namati iti ipapatay, pannakaitanem, ken panagungar ni Cristo. Uray sadinoman iyeg ti adal ti Naimbag a Damag, kasapulan a bunyagan amin nga mamati kenni Jesu-Cristo agsipud ta daytoy ket imbilinna.
English
Anya ti kinapateg ti bunyag a Cristiano?
