settings icon
share icon
Saludsod

Ni Jesus laeng kadi ti dalan tapno makapan idiay langit?

Sungbat


Masansan nga ibaga ti tao, “Nasingpetak, kanayon nga agsimsimba, ken regreggetak ti panagaramid iti naimbag. Malabit dagiti managdakdakes a tao laeng kapada iti pumatpatay iti tao ken dagiti umab-abuso kadgiti ubbing ti mapan idiay impiyerno.”

Daytoy ti kadawyan a panpanunuten dagiti tattao, ngem saan a pudno daytoy. Ni Satanas ti nangikabil iti kastoy a panunot kadagiti tao. Isu ken dagiti pasurotna ket kabusor iti Dios (1 Pedro 5:8). Kanayon nga aginkukuna ni Satanas nga isu ket naimbag (2 Taga-Corinto 11:14), ken tentenglenna ti panunot iti tao nga saanpay a namati iti Dios. Kunkunaen iti 2 Taga-Corinto 4:4, “Saanda a mamati, ta ti isipda kinullaapan ni Satanas a mangituray iti daytoy a lubong, ket dida makita ti silaw nga aggapu iti Naimbag a Damag maipapan iti dayag ni Cristo a ladawan ti Dios.”

Saan a pudno ti pammati nga saan nga ikaskaso iti Dios dagiti babassit nga basol ken ti impiyerno ket para laeng kadagiti managdakdakes a tao. Amin nga basol ket mangiyadayo kadatayo iti Dios, uray no kasano kabassit. Amin ket nagbasol ken awan ti makapan idiay langit babaen iti bukodna a regta (Taga-Roma 3:23). Ti papan idiay langit ket saan nga pagbatayan no ad-adu ti naaramidmo a naimbag wenno dakes. Saantayo a makapan idiay no ti pagbatayantayo ket dayta. Kuna iti Taga-Roma 11:6, “Naibatay ti panagpilina iti paraburna, saan nga iti inaramidda. Ta no naibatay ti panagpili ti Dios iti inaramid dagiti tattao, saanen a maibilang a pudno a parabur.” Awan ti anyaman a mabalintayo nga aramiden tapno makapan idiay langit (Tito 3:5).

Makastrekka laeng iti pagarian iti Dios babaen iti nailet nga ruangan, ta nalawa ti ruangan ken kasta met ti dalan nga agturong iti agnanayon a pakadadaelan, ket adu ti magna sadiay (Mateo 7:13). Uray no dagiti kaaduan ket agbibiag iti basol ken ti panamati iti Dios ket saan a nalatak, saan a palabasen iti Dios daytoy. Kuna iti Tag-Efeso 2:2, “Sinurotyo idi ti dakes a panagbiag daytoy a lubong. Pinaiturayankayo iti naespirituan a pannakabalin ti tangatang, ti espiritu a mangituray ita kadagiti tattao a saan nga agtulnog iti Dios.”

Pinarsua ti Dios ti lubong nga naan-anay ken naimbag. Kalpasan, pinarsuana da Adan kenni Eva. Innikkan ida ti Dios ti nawaya a panunot ken wayawaya nga agpili no agtulnogda iti Dios wenno saan. Ngem sinulisog ida ni Satanas tapno sukirenda ti bilin ti Dios ket pinagbanagan daytoy ket isu ti pangbasolda. Daytoy ti makagapu no apay a naisinada iti Dios ket naputed ti nsayaat a relasyon Kenkuana. Ti Dios ket nasantoan ken naan-anay, isutgapuna a masapul nga ukumenna ti basol. Gapu ta managbasoltayo, saantayo a mbalin ti agsubli iti dinna ti Dios babaen ti bukodtayo a regta. Uray no agaramindtayo a kanayon iti naimbag, agbasoltayo latta, isunga masapultayo latta a ukumen. Gapuna nga nangaramid ti Dios ti pamuspusan tapno makadinnanatayo ulit idiay langit. Kunkunaen iti Juan 3:16, “Gapu iti kasta unay a panagayat ti Dios iti lubong, intedna ti Bugbugtong nga Anakna tapno ti siasinoman a mamati kenkuana saan a matay no di ket agbiag nga agnanayon.” Kinuna iti Taga-Roma 6:23, “Ta patay ti supapak ti basol. Ngem biag nga agnanayon ti isagut ti Dios gapu iti pannakikaykaysatayo ken ni Cristo Jesus nga Apotayo.”

Naipasngay ni Cristo tapno isurona kadatayo ti dalan a mapan idiay langit ken kalpasanna natay Isuna idiay krus tapno saantayo a maukuman iti ipapatay. Iti maikatlo nga aldaw ket nagungar manipud kadagiti natay (Taga-Roma 4:25) a kas pammaneknek nga inabakna ti ipapatay. Isu ti nagbalin a mangibabaet iti Dios ken iti tao tapno makasublitayo iti Dios ken maaddaantayo ulit ti relasyon kenkuna babaen ti panamati.

“Ket ti biag nga agnanayon isu daytoy: ti pannakaammo dagiti tattao kenka, a sika ti kakaisuna a pudno a Dios, ken ti pannakaammoda ken ni Jesu-Cristo nga imbaonmo” (Juan 17:3). Ti kaadduan kadagiti tao ket mamati iti Dios, ngem uray ni Satanas ket mamatimet iti Dios. Tapno magun-udtayo ti pannakaisalakan, masapul nga umasidegtayo iti Dios. Paglikudantayo dagiti basbasoltayo, agtulnogtayo kenkuana, ken tarimaanentayo ti relasyontayo kenkuana. Agtalektayo a naan-anay kenni Jesus, agsipud ta kinuna iti Taga-Roma 3:22, “Palintegen ti Dios dagiti tattao gapu ta mamatida ken ni Jesu-Cristo.” Ti kastoy a pamuspusan laeng ti pannakaisalakantayo, urayno siasinotayo wenno anyanman ti naaramidtayo a basol. Kunkunaen iti Biblia nga awan ti sabali a dalan nga mapan idiay langit malaksid kenni Jesu-Cristo. Kinuna ni Jesus idiay Juan 14:6, “Siak ti dalan, ken ti pudno, ken ti biag; awan ti makapan iti Ama no di magna kaniak,”

Ni Jesus laeng ti dalan tapno maisalakantayo, agsipud ta Isu laeng ti nagbayad iti dusa a para kadagiti basoltayo (taga-Roma 5:8). Kunkunaen met iti Dagiti Aramid 4:12, “Isu laeng ti pakasarakantayo iti pannakaisalakan. Iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan.” Awan ti anyaman a relihiyon wenno pangulo ti relihiyon nga mabalin a mangbayad kadagiti basoltayo malaksid laeng kenni Jesus a natay idiay krus. Agsipud ta ti pannakaisalakan ket masarakan laeng kenni Jesu-Cristo babaen ti panamati.

Gapu kadagiiti nabasam ditoy, Sika aya ket agbabbabawin kadagiti basolmo ken nangaramidka iti keddeng nga ikabil ti pammati ken panagtalekmo kenni Cristo? No wen, i-klik mo ti "Inawat ko ni Cristo ita" iti kahon iti baba.

Nagdesisyon ka kadi para ken Cristo gapu iti nabasam ditoy? No kasta, maidawat a pindutem iti baba ti "Inawat ko ni Cristo ita nga aldaw".

English



Agsubli iti kasangoan a panid ti Ilocano

Ni Jesus laeng kadi ti dalan tapno makapan idiay langit?
Facebook icon Twitter icon Pinterest icon Email icon
© Copyright Got Questions Ministries