Saludsod
Anya dagiti kababalin iti Dios? Anya ti kapada iti Dios?
Sungbat
Iti panagreggettayo nga sungbatan dagitoy a saludsod, pudno nga adupay ti mabalintayo a maduktalan maipapan iti Dios. Makasayaat para kadagiti mangsukisok kadagiti panangipatarus nga adda ditoy nga basaen nga umuna ti kabuklan daytoy nga artikulo; kalpasan ket sublianan ken sapulen dagiti versikulo tapno manayunan ti pannangipalawag. Ti panangdawat iti balakad kadagiti nakasurat nga Sao ti Dios ket pudno nga kasapulan agsipud ta ti Nasantoan nga Kasuratan laeng ti maikari nga pagtakderan iti kinapudno maipapan iti Dios ken aniaman a panangilawlawag wenno opinion laeng iti tao gapu iti bukodna a pannakaawat ket kurang tapno maawatan ti Dios (Job 42:7) Ti panangibaga nga kaya tayo a maawatan no siasino ti Dios babaen iti bukod a panangipapan ken kinasirib ket maysa a kinamaag ken maysa a napeggad a banag. No ti bukodtayo a panunot laeng ti usaren iti pannangilawlawag no siasino ti Dios ken no anya ti kapadana, sigurado nga agaramidtayo laeng kadagiti dios-diosan nga maibusor iti Dios nga sibibbiag (Exodos 20:3-5).
Ti Dios laeng ti nangikabil iti rugi ken patingga iti rumbeng nga maammoantayo maipapan kenkuana. Maysa kadagiti panangiladawan iti Dios ket “silaw,” nga kayat a sawen nga Isu ti addaan iti pannakaipaduyakyak maipapan iti bukodna (Isaias 60:19; Santiago 1:17). Ti pammaneknek nga ti Dios ket nangipaduyakyak iti kinapudno maipapan iti bukodna ket uray katno ket saan a rumbeng nga di ikaskaso, agsipud ta no aramiden daytoy iti tao ket sigurado nga isu ket saan a makastrek iti paginanaanna (Hebreo 4:1). Ti law-ang, ti Nasantoan nga Kasuratan, Ti naglasag a Sao (ni Jesu-Cristo) ken ti Nasantoan nga Espiritu ket agkakaddua nga agar-aramid tapno tulungannatayo nga maamammo ti pudno a Dios.
Mangrugitayo iti pannakaawat nga ti Dios iti Dakkel a Namarsua ken datayo ket paset iti pinarsuana (Genesis 1:1; Dagiti Salmo 24:1). Kinuna iti Dios nga pinarsuana ti tao babaen iti ladawanna. Ti tao ti addaan ti kangatoan nga tukad iti kinasirib iti amin nga pinarsua ken naited pay kenkuana ti pannakabalin ken karbengan tapno iturayanna amin nga pianarsua iti Dios (Genesis 1:26-28). Gapu iti panagbasol iti immuna a tao, dagiti pinarsua iti Dios nga idi rugi ket naan-anay ket nadadael. Ngem iti kinaimbag iti Dios kadagiti pinarsuana ket adda pay kenkuana (Genesis 3:17-18; Taga-Roma 1:19-20). No panpanunuten ti kaadwan kadagiti pinarsuana ken ti kinadatdatlag dagitoy, ti kinapintas ken kinaurnos dagitoy ket mangipakita kadatayo iti kinadakkel iti Dios.
Makatulong iti panagsukimattayo no anya ti kapada iti Dios babaen iti panangbiruk iti kaipapanan dagiti panangawag iti Dios nga nakasurat iti Biblia. Daytoy ket dagiti sumaganad:
Elohim- Mannakabalin a Dios, Nasantoan (Genesis 1:1)
Adonai- Dios, Agpakpakita iti pannakikaddua ti Apo iti bukodna nga ili (Exodos 4:10,13)
El Elyon- Kangatoan, mannakabalin amin a Dios (Genesis 14:20)
El Roi- Ti nabileg nga amin ket makitana (Genesis 16:13)
El Shaddai- Mannakabalin a Dios (Genesis 17:1)
El Olam- Agnanayon a Dios (Isaias 40:28)
Yahweh- Dios, ti “Siak nga,” kayat a sawen nga Isu ket sibibbiag nga agnanayon (Exodos 3:13-14)
Itulyuloytayo ti panagadal iti adupay a kababalin iti Dios. Ti Dios ket awan patinggana, Ti kaipapanan daytoy, Isu ket awan ti rugina ken awan met ti pannakalippasna. (Deuteronomio 33:27; Dagiti Salmo 90:2; 1Timoteo 1:17). Ti Dios ket saan nga agbalbaliw, Ket gapu iti daytoy Isu ket naan-anay a pagtalkan (Malakias 3:6; Numero 23:19; Dagiti Salmo 102:26-27). Awan met ti kapadpada iti Apo, Ti kaipapananna ket awan ti kapada dagiti aramidna ken ti kina-Dios Na. Isu ket naan-anay ken awan kapadana (2 Samuel 7:22; Dagiti Salmo 86:8; Isaias 40:25; Mateo 5:48). Ti Dios ken dagiti kababalinna ket saan a naan-anay nga maawatantayo babaen iti kadawyan a panunot (Isaias 40:28; Dagiti Salmo 145:3; Taga-Roma 11:33-34).
Ti Dios ket awan pabpaburanna, kaipapananna nga panpanunutenna amin a tao nga agpapada (Deuteronomio 32:4; Dagiti Salmo 18:30). Ti Dios ket mannakabalin iti amin, kabaelanna nga aramiden iti amin nga makaay-ayo kenkuana, nopay kasta amin nga aramidna ket kanayon a kumanonong iti kababalinna (Paltiing 19:6; Jeremias 32:17,27). Ti Dios ket adda iti amin a disso ken panawen; Ngem saan a kayat a sawen nga amin a banag ket Dios (Dagiti Salmo 39:7-13; Jeremias 23:23). Ammo iti Dios ti napalabas, ti madama ken masanguanan. Ammo ti Dios uray dagiti panpanunutentayo iti amin a tiempo; Ammona ti amin ket kanayonna a ipakpakita iti kinalintegna (Dagiti Salmo 139:1-5; Dagiti Proverbio 5:21).
Maymaysa laeng ti Dios ngem saan a kayat a sawen nga awan ti tallo a persona iti Dios, No diket Isu laeng ti makasungbat kadagiti kasapulan ken tarigagay dagiti puso tayo. Isuna laeng ti maikari nga daydayawen ken ayaten (Deuteronomio 6:4). Ti Dios ket nalinteg, ken gapu iti dayta saana a pinalabas iti kinadakes. Gapu ta Isu ket nasantoan ken nainkalintegan, kasapulan a sagabaen ni Jesu-Cristo iti panggeddeng iti Dios, idi impasusuon Kenkuana iti Dios ti pannusa iti basol tapno mapakawantayo (Exodos 9:27; Mateo 27:45-46; Taga-Roma 3:21-26).
Ti Dios ket ti kangatuan, ti kangatuan iti saad. Ti amin nga inaramidna, ar-aramiden ken aramiden pay ket saan a kabaelan nga lappedan iti siasinoman karaman dagiti panggepna (Dagiti Salmo 93:1; 95:3; Jeremias 23:20). Ti Dios ket Espiritu, kaipapananna nga Isu ket saan a makita (Juan 1:18; 4:24). Ti Dios ket maysa a Trinidad, kaipapananna nga Isu ket maysa a Dios iti tallo a persona ngem adda maymaysa a pagayatan ken pada a kina Dios, pannakabalin ken kinadayag. Mapaliiw nga ti umuna a versikulo iti Nasantoan nga Kasuratan ket nagkuna iti nagan nga “maysa” uray no ti ibagbagana ket tallo nga agduduma a persona: Ama-anak-Espiritu Santo (Mateo 28:19; Marcos 1:9-11). Ti Dios ket kinapundo. Isu ket agtaginayon nga awan pakapilawanna ken uray katno saanna nga supringen ti bukodna (Dagiti Salmo 117:2)
Ti Dios ket Nasatoan, nga iti kaipapananna ket awan aniaman a kinadakes Kenkuna ket kabusorna iti kinadakes. Makitkita iti Dios ti amin a kinadakes ket agpungtot gapu iti daytoy. Kadawyan a maisarsarita ti apoy iti Nasantoan nga Kasuratan no ibagbaga ti kina nasantoanna. Ti Dios ket iladladawan a kas apoy (Isaias 6:3; Habakuk 1:13; Exodos 3:2, 3, 5; Hebreo 12:29). Ti Dios ket managparabur, Karaman ditoy ti kinaimbagna, kinaanus, manang-ngaasi ken managayat- dagiti sao a nangted iti biag iti kaipapanan iti kinaimbagna. No saan a gapu iti paraburna, ti amin nga kababalinna ket isu ti mangisina kadatayo amin Kenkuana. Agyamantayo gapu ta Isu ket Dios a napnuan iti parabur, ket kayat Na nga ipaka-ammo ti bukodna kadatayo (Exodos 34:6; Dagiti Salmo 31:19; 1 Pedro 1:3; Juan 3:16; 17:3).
Daytoy ket maysa a kadawyan nga panangpadas laeng nga sungbatan ti maysa a nalawa ken nauneg nga saludsod maipapan iti Dios. Sapayla kuma ta agtuloy kayo nga agsukimat iti kinapudno maipapan iti Dios ken ti pagayatanna iti biagyo (Jeremias 29:13).
English
Anya dagiti kababalin iti Dios? Anya ti kapada iti Dios?
