Saludsod
Anya kadi iti kaipapanan iti biag?
Sungbat
Anya ti kaipapanan iti biag? Kasano a makasarakak iti panggep, ballaigi ken ragsak iti panagbiagko? Adda kadi kabaelak nga punwen iti maysa a banag nga para iti agnanayon? Nagadu a tao ti agtultuloy nga agsapsapul no anya nga talaga iti kaipapanan iti biag. Laglagipenda dagiti tao a naglabas ket masmasdaawda no apay a saan nga nagballaigi dagiti relasyonda ket ti pagarupda awan ti pategna amin nga naaramidda, uray pay natungpal amin nga panggep ken arapaapda. Adda maysa a sikat nga agay-ayam iti baseball nga naikaddua iti “Hall of Fame” iti ay-ayam nga baseball. Simmungbat isuna, kayatko kuma nga adda nangibaga kanniak idi, nga no makadanunak iti tuktok iti ballaigi awan gayam iti kapaypay-anna. Adu nga arapaap iti naduktalan nga awan gayam iti kapaypay-anna kalpasan iti adu a tawen nga regta tapno dagitoy ket magun-ud.
Ii lubong ti tao, regreggetanna a magun-ud dagiti panggepna ken panpanunuten nga gapu kadagiti araramidenda ket mabirukanda iti kaipapanan iti biag. Dagiti sumagmamano nga reggetan iti tao tapno magun-ud ket iti panagballaigi iti negosyo, kaaddaan iti adu a kuwarta, kaaddaan iti nasayaat a relasyon, maaddaan iti asawa ken panangaramid iti naimbag ken adu pay. Ngem adu a tao ti agkunkuna nga uray nagun-uddan iti pannakatungpal iti amin nga arapaapda, naaddaan iti adu a kinabaknang ken naaddaan iti nasayaat nga relasyon ken naited kenkuana iti asawa a kayatna a maasawa ngem kasla adda pay iti kurangna gapu ta adda iti kawaw kadagiti pusoda nga uray katno saan a mabaelan nga punuen iti anyaman a banag ditoy lubong nga Dios laeng iti makapunno.
Inladawan ti nagsurat iti Eclesiastes ti marikriknana iti panangibagana nga awan kapaypay-anna, awan kapaypay-anna, amin ket awan kapaypay-anna. Ti nagsurat daytoy a libro ket maysa nga baknang a tao ken awan kapada iti kinasiribna manipud nangrugi iti panawenna agingga itatta. Nagadu pay iti nagbalin nga asawana, nagpintas iti palasyo ken minuyunganna nga ap-apalan dagiti dadduma a pagarian. Naramananna iti kaimasan nga arak ken makan ken napadasna amin nga kita iti pagragragsakan. Kinunana met nga dimteng iti punto iti panagbiagna nga amin a kayat ti pusona ket naalanan ngem kinunapay nga iti biag ket awan kapaypay-anna. Apay nga adda kastoy a pagkurangan iti tao? Agsipudta pinarsuanatayo iti Dios para iti maysa a nangatngato nga papanan ken iti panggepna kadatayo ket saan laeng nga para iti biag ditoy lubong. Kinuna ni Solomon, inkabil ti Dios iti puso ti tao iti pananggandat iti awan kapaypay-anna a banag. Iti puso tayo ammo tayo ti “Ditoy ken Ita” ket saan nga iti kina-ananay iti biag. Ammo tayo nga adda pay nasaysayaat ngem iti daytoy.
Iti umuna a libro iti Biblia, iti Geneses, makitatayo nga painarsua iti Dios ti tao nga kalanglangana (Genesis 1:26). Kayat a sawen daytoy ket mas kapada tayo iti Dios ngem kadagiti anyaman a banag. Naammoan tayo nga nagbasol iti tao. Dagiti sumaganad ket pudno: (1) Pinarsua ti Dios iti tao nga nalaing a makikadua (Genesis 2:18-25), (2) Inikkan ti Dios iti tao ti tarabako (Genesis 2:15), (3) Ti Dios ket nakikadua iti tao (Genesis 3:8) ken (4) Inted ti Dios iti tao ti panangituray iti lubong. (Genesis 1:26) Anya iti kinapateg dagiti naisarita? Mamatiak nga amin dagitoy ket inted ti Dios tapno maananay iti ragsak ken ballaigi iti tao. Ngem amin met dagitoy nangruna iti pannakikadua ti Dios iti tao ket naapiktaran idi nagbasol iti tao (Genesis 3).
Iti maudi nga libro iti Biblia, ti Paltiing, kunkuna ditoy nga iti kalpasan iti panawen, runawen iti Dios ti madama nga langit ken daga ket agaramid Isuna iti baro a langit ken baro a daga. Iti dayta a panawen, isublina met iti pannakikadduana kadagiti tao nga sinubbotna. Dagiti tao a saan nga maikari ket maipurwak idiay danaw nga apoy. (Paltiing 20:11-15) Ket ti lunod iti basol ket mapukawen, awanen iti basol, liddaang, sakit, ipapatay, pangbisisn, ken amin a nasasaem nga pasamak. (Paltiing 21:4) Amin dagiti namati ket agtawid kadagiti amin a banag. Ti Dios ket agnaed nga kadduada ken agbalinda nga anak ti Dios. (Paltiing 21:7) Pinarsuanatayo iti Dios tapno makikaddua kenkuna. Nagbasol ti tao ket gapu iti daytoy nadadael ti relasyon tayo iti Dios, ngem insubli iti Dios dayta a relasyon kadagiti tao a pinilina tapno mamati.
Ti pannakaala amin nga kayat ditoy daga ngem matay nga naisina iti Dios ket adadda a nakabutbuteng ngem iti amin a banag! Ngem inaramid iti Dios nga mabalin pay a magun-ud iti tao ti agnanayon a ragsak (Lucas 23:43) ken mabalin pay nga aramidenna nga naananay ken adda kapaypay-anna ti biagtayo ditoy lubong. Ita, kasano nga magun-ud tayo ti agnanayon nga ragsak ken ti pannakasigurado iti biag idiay langit kabayatan iti kaaddatayo ditoy daga?
Ti kaipapanan iti Biag nga Sinubbot ni Jesu-Cristo
Ti pudno a kaipapanan iti biag ita ken ti biag nga agnanayon ket masarakan laeng no maaddaan manen iti maysa a tao iti relasyon iti Dios. Naputed ti nakuna a relasyon idi nagbasolda Adan ken Eva. Ita, ti relasyon iti tao iti Dios ket mabalin pay a maisubli babaen iti Anakna a ni Jesu-Cristo. (Dagiti Aramid 4:12, Juan 14:6, Juan 1:12) magun-ud iti maysa a tao ti biag nga agnanayon no isu ket agbabawi kadagiti basolna (No saannan a kayat nga itultuloy ti agbasol, ken kayatna a balbaliwan isuna ni Jesus ket aramidenna a baro nga pinarsua) ken mamati kenni Jesus a kas mangisalakanna (Kitaenyo ti saludsod a “Anya ti plano iti pannakaisalakan” tapno manayunan iti pannakaammotayo iti daytoy napateg unay nga pagsasaritaan.)
Ti pudno a kaipapanan iti biag ket saan a magun-ud no ammo tayo laeng nga ni Jesus ti mangisalakan. Saan ketdi, ti pudno a kaipapanan iti biag ket masarakan no ti maysa a tao ket sumurot kenni Cristo a kas maysa nga adalan, bigbigen Isuna ken mangted iti panawen para kenkuana ken iti Saona, Ti Biblia. Mairaman ditoy iti panagdaydayaw, panagyaman, panangdawat iti pammakawan ken panangpadanun iti dawat babaen iti panagkararag ken pannagna iti daytoy a biag nga kaddua iti Apo, kas panagtulnog iti bilinna.
No sika ket saan pay a namati mabalin nga ibagam iti bagim nga “Saan ko nga kayat dayta wenno saan nga dayta iti magted iti pannaka-ananay iti biag ko” ngem no mabalin itultuloy mo iti panagbasam. Kinuna ni Jesus dagiti sumaganad a sao.
“Umaykayo kaniak, dakayo amin a nabannog ken madagdagsenan, ket paginanaenkayo. Alaenyo ti sangolko, ket agsursurokayo kaniak agsipud ta naemma ken napakumbabaak, ket masarakanyonto ti inana. Ta nanam-ay ti sangol nga itedko kadakayo, ket nalag-an ti awit nga ipabaklayko kadakayo.” (Mateo 11:28-30) “Immayak tapno maaddaankay iti biag—biag nga awan pagkuranganna” (Juan10:10b) “Kalpasanna, kinuna ni Jesus kadagiti adalanna: “Ti agtarigagay a sumurot kaniak masapul a tallikudanna ti bagina, ibaklayna ti krusna, ket surotennak. Ta ti siasinoman a mangipatpateg iti biagna, mapukawnanto. Ngem ti siasinoman a mangyawat iti biagna gapu kaniak, maisalakannanto.” (Mateo 16:24-25) Sapulem iti Apo ti pagragsakam, ket itednanto ti tartarigagayam (Dagiti Salmo 37:4).
Ti kayatna nga ibaga dagiti nabasatayo nga versikulo ket addaantayo ti kabaelan nga pumili. Mabalintayo nga itultuloy nga iturayan dagiti bukodtayo a biag (ngem iti pagbanaganna daytoy ket awan kapaypay-anna a biag) wenno mabalintayo nga pilien ti Dios ken iti pagayatanna iti biagtayo (Agbanag daytoy iti naan-anay a biag, sungbat kadagiti tarigagay ti pusom ken pannakapnek iti biag.) Mapasamak daytoy agsipud ta ayayatennatayo iti Namarsua ket ti kayatna ket para iti pagsayaatantayo. (Saan a kayat nga sawen nga awanen ti parikut iti biag no diket maysa a biag nga naan-anay ken maka-ayayo iti likod ti kinarigat ken pagdanagan iti panagbiag.)
Iti kamaudianan kayat ko nga ibingay ti maysa nga istorya manipud iti maysa a gayyem nga pastor. No sika ket nahilig nga agbuya iti ay-ayam ket inkeddengmo nga mapanka agbuya iti maysa nga ay-ayam nga propisyonal, mabalinmo iti agbayad iti nalaka a tiket ngem iti pagtugawam ket adayu idiay paka-araramidan iti ay-ayam. Wenno mabalinmo ti agbayad iti nanginngina a tiket ngem asidegka met kadagiti atleta ken iti mapaspasamak nga ay-ayam. Maipada daytoy iti biagtayo a Cristiano. Ti panangsiput iti garaw iti Dios ket saan nga aramid dagiti saan a namati. Daytoy ket aramid iti maysa a tao nga nagtaud iti pusona iti panamati kenni Jesu-Cristo nga nagsardengen iti regtana nga magun-ud dagiti bukodna a pagayatan iti panagbiag, tapno masurutna iti pagayatan iti Dios. (Nagtaud iti pusona iti panangisuko ti biagna kenni Cristo ken iti pagayatanna). Mapadpadasna iti kina an-anay iti biag, mabalin a sumango isuna iti padana a tao ken iti Dios nga awan iti rumbeng a pagbainanna.
Isuksukomon aya ti biagmo kenni Jesus ken iti pagayatanna? Kayat mo kadi nga aramiden iti daytoy? No aramidem daytoy, saanen a maulit nga sapulem iti kaipapanan ken panggep iti biag. Masarakam iti naan-anay ken maka-ayayo a biag Kenkuana.
English
Anya kadi iti kaipapanan iti biag?
