Saludsod
Kasapulan pay kadi a pagtulnogan dagiti Cristiano dagiti linteg iti Daan a Tulag?
Sungbat
Ti tulbek tapno maawatan daytoy a saritaan ket ti pannakaawat nga ti Daan a Tulag ket naited para iti Ili nga Israel ken saan a para kadagiti Cristiano. Ti sumagmano kadagiti linteg iti Daan a Tulag ket inaramid tapno maamoan dagiti Israelita no kasano ti agtulnog iti Dios ken no anya ti maka-ayayo Kenkuana (kaspangarigan ti sangapulo a linteg). Ti panggep dagiti dadduma a linteg ket tapno maipakita no kasano ti agdayaw iti Dios. Ti dadduma met kadagitoy ket tapno aramiden a nai-dumduma ti Ili nga Israel maiparis kadagiti sabali nga ili iti lubong (kaspangarigan ti linteg ti makan ken kawes). Adu a linteg iti Daan a Tulag ti saan a para kadatayo ita. Idi natay ni Jesus idiay krus , tinuldekannan dagiti linteg ti Daan a Tulag (Taga-Roma 10:4; Taga-Galacia 3:23-25; Taga-Efeso 2:15).
Saan ketdi nga linteg ti Daan a Tulag , addatayo iti uneg ti linteg ni Cristo (Taga-Galacia 6:2) nga agkunkuna, “Ayatem ti Apo a Diosmo iti amin a pusom, iti amin a kararuam, ken iti amin a panunotmo. Daytoy ti umuna ken kangrunaan a bilin. Ti maikadua a kangrunaan a bilin umasping iti umuna, Ayatem ti padam a tao a kas iti bagim. Dagitoy dua a bilin ti pagbatayan iti entero a Linteg ni Moises ken ti pannursuro dagiti profeta.” (Mateo 22:37-40). No aramidentayo dagitoy a dua a banag, pagtulnogan tayo amin a banag nga kayat ni Jesus nga aramiden tayo, “Ta no ayatentayo ti Dios, kayatna a sawen a tungpalentayo dagiti bilbilinna. Saan a narigat a tungpalen dagiti bilbilinna” (1Juan 5:3).
Siam iti Sangapulo a bilin iti Daan a Tulag ket inulit iti Baro a Tulag (nganngani amin malaksid laeng ti linteg maipapan iti Sabbath). Ammotayon nga no amin a pusotayo ti panagayattayo iti Dios saantayon nga agrukbab iti sabali a dios wenno dios-diosan. No ayayatentayo ti padatayo a tao , saantayon ida a papatayen, saantayon ida a pagulbodan, saantayon a makikamalala maibusor kadakuada wenno alaen dagiti banag nga kukuada. Awantayon iti uneg ti linteg iti Daan a Tulag. Kasapulantayo nga ayaten ti Dios ken ti padatayo a tao ti amin a pusotayo. No pagtulnogantayo nga sitatalek dagitoy dua a bilin, amin a banag ket makapan iti rebbengda nga paglugaran.
English
Kasapulan pay kadi a pagtulnogan dagiti Cristiano dagiti linteg iti Daan a Tulag?
