Saludsod
Anya kadi ti kunkunaen ti Biblia maipapan kadagiti dinosaurs? Adda kadi dinosaurs iti Biblia?
Sungbat
Ti pagsasaritaan maipapan kadagiti dinosaurs iti Biblia ket paset ti agtultuloy nga pagsusupiatan iti uneg ti pagtataripnungan dagiti Cristiano, maipapan iti no anya kadi ti tawen ti lubong ken ti umisu a panangipatarus ti libro ti Genesis, ken no kasano nga ipatarus dagiti pisikal nga pammaneknek nga adda iti aglawlawtayo. Dagiti mamati ti lakay a tawen ti lubong ket kumanunong nga saan nga ibagbaga ti Biblia ti maipapan kadagiti dinosaurs gapu kadagiti pammatida nga natayen dagiti dinosaurs million nga tawen ti naglabas sakbay a rimuar ti immuna a tao ditoy lubong. Dagiti tao nga nangsurat ti Biblia ket mabalin a saanen nga nakakita ti sibibbiag a dinosaur. Dagiti mamati ti ubing a tawen ti lubong ket kumanunong nga ti Biblia ket saan a nagsarita ti sao nga dinosaur. Ngem uray no saan nga inusar iti Biblia ti sao nga “dinosaur,” inusar na met ti sao a Hebreo nga Tanniyn. Ti sao a Tanniyn ket inyakar kadagiti Bibliatayo iti sao nga ingles; no dadduma ket awagan daytoy nga “narungsot nga ayup iti taaw,” no dadduma met ket “uleg.” gagangay met daytoy nga iyak-akar iti sao nga “dragon.” Agparparang nga ti Tanniyn ket maysa higante wenno nakaamamak nga ayup. Dagitoy a pinarsua ket kinuna nganngani tallo pulo nga ulit iti Daan a Tulag ken pada a masarakan iti daga man wenno iti danum. Kas pangnayon, inladawan ti Biblia ti dua a pinarsua ken patien dagiti sumagmamano nga napnuan ti adal nga mabalin a panangiladawan daytoy kadagiti dinosaur.
Ti behemot ti makunkuna a kapipigsaan nga ayup nga pinarsua ti Dios, maysa a higante nga ti ipusna ket imparis iti puon ti kayo a sedro (Job 40:15). Pinadas dagiti napnuan adal nga amoen ti behemot, ken kinunada a ti behemot ket mabalin nga uray anya kadagit elepante wenno hippopotamus. Ipilpilit met dagiti dadduma nga ti elepante ken hippopotamus ket addaan ti naingpis nga ipus, ket adayo no iparis iti puon ti sedro. Dagiti dinosaur nga pada ti Brachiosaurus ken Diplodocus iti sabali a bangir ket addaan kadagiti dadakkel nga ipus nga maiparis iti puon ti sedro. Ngan-ngani amin dagiti immuna a tattao ket adda ti inaramidda nga arte nga mangiladawan kadagiti higante wenno nakaam-amak nga pinarsua. Dagiti Petroglyphs wenno kaunaan nga usaren, uray pay dagiti banag nga inaramid babaen ti pitak nga nasarakan idiay ammianan nga Amerika ket kaasping dagiti kabaruan nga ladawan dagiti dinosaur. Dagiti kinitikitan nga bato idiay abagatan nga Amerika ket agpakpakita nga dagiti tao nga nakasakay kadagiti pinarsua a kapada ti Diplodocus ken nakaskasdaaw, gapu ta kaparis dagiti ladawan dagiti pinarsua a Triceratops, Pterodactyl ken Tyrannosaurus Rex. Dagiti balabala ken ladawan a mosaic dagiti Romano, dagiti paso dagiti Mayan ken ti pader ti ili ti Babilonia ket pammaneknek ti pannakakasdaaw ken pannakaay-ayo dagiti tao iti kadagitoy a pinarsua.
Ita a panawen, adda agkunkuna nga nakakitada ti kastoy nga klase dagiti ayup ngem nakasiguanen a pagduaduaan dagittoy a sarita. Kas pangnayon kadagiti napateg ken bilang dagiti pakasaritaan dagiti pasamak a pammaneknek iti panag-biag dagiti dinosaur ken tao iti agpada a panawen, adda pay met dagiti sabali a pisikal nga pammaneknek ti makita, kasla ti nataginayon nga agkakadua a tugot ti tao ken dinosaur nga pada a nasarakan kadagiti lugar ti amminan nga Amerika ken iti tingga a laud ti Asia. Adda kadi dinosaur iti Biblia? Ti daytoy a pagsasaritaan ket adayo pay a malawlawagan. Nakabatay daytoy no kasano ti pannakaawat mo kadagiti maalam a pammaneknek ken no kasanom a kitaen ti lubong iti aglawlawmo. Ditoy gotquestions.org mamati kami ti panangipatarus ti ubing a lubong ken awatenmi nga dagiti tao ken dinosaur ket naggiddan nga nagbiag ditoy lubong. Mamati kami nga dagiti dinosaur ket natay idi layus iti panawen ni Noe gapu ta saan a kinuna nga inlugan ida iti daong wenno arka ken no addaman naisalakan kadakuada iti layus nga nganngani maysa a tawen ti kabayagna, mabalin a natayda met laeng amin gapu iti pangsukat ti klima ken itsura ti aglawlaw ken gapu met iti awan sardeng nga panangpapatay dagiti tao aginggana nga isuda amin ket maibus.
English
Anya kadi ti kunkunaen ti Biblia maipapan kadagiti dinosaurs? Adda kadi dinosaurs iti Biblia?
