Saludsod
Anya ti kukunaen ti Biblia maipapan iti panagsex wenno panagkaidda sakbay ti panagpakasar?
Sungbat
Kapada ti sabali pay nga klase dagiti seksual nga imoralidad, ti sex wenno panagkaidda sakbay ti kasar ket kanayon nga uliten nga iparparit iti Kasuratan (Aramid 15:20; Roma 1:29; 1 Corinto 5:1; 6:13, 18; 7:2; 10:8; 2 Corinto 12:21; Galacia 5:19; Efeso 5:3; Colosas 3:5; 1Tesalonica 4:3; Judas 7). Imbilbilin ti Biblia ti panangliklik iti sex wenno panagkaidda sakbay ti panagpakasar. Ti sex wenno panagkaidda sakbay ti kasar ket maysa a basol nga kapada ti pannakikamalala ken sabali pay a klase ti seksual nga imoralidad, agsipud ta amin dagitoy ket adda ti pannakaisilpona iti pannakikaidda wenno sex iti maysa a tao nga saanmo met nga asawa wenno ruar iti matrimonio ti kasar. Ti sex wenno pannakikaidda iti nagbaetan iti agassawa laeng ti relasion a seksual nga palubusan ti Dios (Hebreo 13:4). Ti sex wenno pannakikaidda sakbay ti panagpakasar ket nagbalin a kadawyan nga gapu iti adu a magapu. Masansan nga nakapaay ti imatangtayo iti “bukod a pagragsakan” ket saanen nga ikaskaso ti aspeto ti “panagpaadu.” Wen, ti sex wenno pannakikaidda ket mangted ti ragsak. Daydiay ti balabala ti Dios iti sex wenno pannakikaidda. Tarigagayna a maragsakan ti lakai ken babai iti seksual nga aktibidad (iti uneg ti kasar). Nupay kasta, ti kangrunaan a panggep ti sex wenno panagkaidda ket saan a pagragsakan, saan ket di ti panagpaadu wenno panaganak.
Saan nga iparparit ti Dios ti sex wenno pannakikaidda sakbay ti panagpakasar tapno takawan tayo ti ragsak, saan ket di tapno annadannatayo iti saan a namanamaen nga panagsikug ken kadagiti ubbing nga iyan-anak nga saan pay nga nakasagana dagiti nagannakda iti agbalin nga rebbengenda. Panunutentayo no kasano ti kapintas daytoy lubongtayo no masursurot laeng ti tarigagay ti Dios iti sex wenno pannakikaidda: basset laeng a seksual nga sakit, basset laeng dagiti saan a kasar nga ina, basset nga aborsion ken dadduma pay. Ti panangliklik iti sex wenno pannakikaidda ti laeng linteg ti Dios maipapan iti sex wenno pannakikaidda sakbay ti kasar. Ti panangliklik iti sex wenno pannakikaidda ket makaisalakan ti biag, mangan-annad kadagiti ubbing, ikikkan ti seksual nga relasion ti umisu a panangipateg, ken nagruna iti amin mangted ti kadayawan iti Dios.
English
Anya ti kukunaen ti Biblia maipapan iti panagsex wenno panagkaidda sakbay ti panagpakasar?
