Swali
Je! Biblia inasema nini kuhusu ubakaji wa mume na mke/ubakaji kwneye ndoa?
Jibu
Ubakaji wa wanandoa au ndoa ni aina ya unyanyasaji wa nyumbani na unyanyasaji wa kijinsia. Katika ubakaji wa mwenzi, ngono inalazimishwa kwa mwenzi mmoja na mwingine. Ingawa Biblia haishughulikii haswa ubakaji wa mume na mke, ina mengi ya kusema kuhusu uhusiano wa mume na mke na uwakilishi wake wa Kristo na kanisa (Waefeso 5:32).
Kwanza kabisa, ubakaji hauhusu ngono. Ngono haina uhusiano wowote nayo, kwa kweli. Ngono inakuwa silaha, chombo cha kukamilisha matokeo yanayotarajiwa, ambayo ni kumzidi nguvu, kumfedhehesha na kumdahalilisha mtu mwingine. Ngono zote bila maelewano ni ubakaji wa mume na mke mara nyingi hutokea katika uhusiano wa unyanyasaji.
Watu fulani wanaamini kwamba ni lazima mke awe tayari kufanya ngono na mume wake wakati wowote na kwamba hana la kusema katika jambo hilo. Mara nyingi hutumia vibaya 1 Wakorintho 7:3-5 kuunga mkono maoni potovu kwamba mke hawezi kamwe kumwambia mume wake kwamba angependa kuahirisha kufanya ngono kwa muda. Wanaume wengine huamini kwamba mume ana haki aliyopewa na Mungu ya “kukichukua,” licha ya pingamizi la mke wake. Bila shaka, “kukichukua” bila ridhaa yake ni ubakaji wa muem na mke, na Mungu kamwe haukubali ubakaji. Ukweli ni kwamba maonyesho ya ngono yalikusudiwa na Mungu kuwa tendo la upendo ndani ya ndoa, na jeuri au kulazimishwa haipaswi kamwe kuwa sehemu ya tendo hilo. Ngono ya kulazimishwa sio upendo; ni kinyume cha upendo. Biblia iko wazi: “Ninyi waume, wapendeni wake zenu, wala msiwe na uchungu dhidi yao” (Wakolosai 3:19).
Kwa bahati mbaya, waathiriwa wa ubakaji wa ndoa wakati mwingine wanashauriwa “kuvumilia.” Mara nyingi, wanawake hawa husikia kwamba wanapaswa kushukuru kwamba mbakaji ni baba mzuri au mtunzaji mzuri au kadhalika, na kwamba ni wajibu wao “kuwasilisha” katika chumba cha kulala. Hata hivyo, mawazo hayo yanaweza kuendeleza ubakaji bila kukusudia na dhana isiyo ya kibiblia ya ngono. Ngono inapaswa kuwa zaidi ya “wajibu,” na kuwasilisha” katika chumba cha kulala haiwezi kuonekana kama sifa ya kulazamishwa.
Ni wazi kutoka kwa Biblia kwamba kuheshimiana hutawala katika chumba cha kulala. Kulingana na 1 Wakorintho 7:1-5, mume anapaswa kupma mke wake ngono ya kuridhisha, na mke anapaswa kumpa mume wake ngono ya kurithisha. Mke hana mamlaka juu ya mwili wake, na mume hana mamlaka juu ya mwili wake mwenyewe. Wao ni wa kila mmoja. Je, hilo linamaanisha kwamba mume anaweza kujilazimisha kwa mke wake wakati wowote anapotaka hivyo? La, hasha. Kile kifungu kinafundisha ni kwamba kila mwanandoa anapaswa kujitiisha kwa hiari, kwa uhuru, kwa upendo kwa mwenzake. Kifungu kinahusu kutoa uridhisho, sio lazima. Lengo ni kumpendeza mwenzi wake. Hakuna ubinafsi unaohusika. Kuchukua kwa lazima kile ambacho hakijatolewa ni kosa na ni kinyume cha wazi na amri za Biblia kuhusu upendo na ndoa.
Ikiwa mtu amewahi kufanya ngono nawe bila idhini yako, tafadhali tafuta usaidizi. Ikiwa kwa sasa uko katika hatari ya kulazimishwa kufanya ngono, au ikiwa ngono bila maelewano ni mtindo ulioanzishwa kati yako na mtu mwingine, piga simu polisi na uondoke katika hali hiyo mara tu inapokuwa salama kufanya hivyo. Hakuna ubaya kabisa kuwaita polisi dhidi ya mke au mume au mwenzi—ubakaji ni kinyume cha sheria na vile vile ni uasherati, na unapaswa kushughulikiwa na vyombo vya sheria. Iwapo unahitaji usaidizi kujua la kufanya katika hali yako mahususi RAINN, Mtandao wa kitaifa wa Ubakaji, Dhuluma, na Ulawiti, unapatikana kila mara mtandaoni (wana chaguo la mzungumzo ya siri) au kwa simu kupitia 1-800-656-4673.
Ikiwa hauko Marekani, unaweza kufikia orodha ya mahali za kimataifa kwa waathiriwa wa kushambuliwa na ubakaji hapa: https://rainn.org/get-help/sexual-assault-and-rape-international-resources
Kwa wahasiriwa wa ubakaji na wenzi wa ndoa, Neno la Mungu linatoa utunzaji na huruma. Mara nyingi Biblia husema juu ya kuwasaidia walio na hitaji na wasiojiweza kwa Mungu. Yesu anawaalika wahasiriwa wa uhalifu na wengine wote waliobeba mizigo wamkaribie Yeye na kupata msaada: “Njooni kwangu, ninyi nyote mnaotaabika na kulemewa na mizigo, nami nitawapumzisha” (Mathayo 11:28).
Kwa wale waliofanya ubakaji kwa mwanandoa, kwanza, tubu dhambi zako mbele za Mungu. Pili, omba mwenzi wako msamaha kwa kosa kubwa ulilofanya. Tatu, tafuta mshauri wa kimungu ambaye anaweza kuongoza katika mtazamo wa kibiblia kuhusu ndoa na ngono. Unahitaji neema ya Mungu, na, kwa shukrani, Mungu yuko tayari kuupanua (1 Yohana 1:9)
English
Je! Biblia inasema nini kuhusu ubakaji wa mume na mke/ubakaji kwneye ndoa?
