Penjo
Warruok mar Ndach Jo-Rumi en ang’o?
Duoko
Warruok mar Ndach Jo-Rumi en yo mar pimo wach ma ber mar warruok ka itiyo gi wes moa e bug Jo-Rumi. En yo ma yot kendo ma nigi teko mar pimo gimomiyo onego wadwar warruok, kaka Nyasaye miyowa warruok, kaka wanyalo yudo warruok gi gik mwayudo bang’ warruok.
Wes mokwongo e warruok e Ndach Jo-Rumi en Jo-Rumi 3:23, “Ji duto oseketho, kendo girem kuom duong’ mar Nyasaye.” Waduto wasetimo richo. Wasetimo gik ma ok mor Nyasaye. Onge ng’ama onge ketho. Jo-Rumi 3:10-18 miyowa picha mopim ma ber kaka richo chalo e ngimawa. Wach mar ariyo mar warruok e Ndach Jo-Rumi, Jo-Rumi 6:23, puonjowa gik ma richo kelo e ngimawa - “Misach richo en tho, to mich Nyasaye en ngima mochwere kuom Yesu Kristo Ruodhwa.” Kum ma wasetiyone gi richowa en tho. Ok mana tho mar del to tho ma nyaka chieng’!
Wes mar adek e Ndach Jo-Rumi dhi nyime kuma Jo-Rumi 6:23 oweyee, “to mich Nyasaye en ngima mochwere kuom Yesu Kristo Ruodhwa.” Jo-Rumi 5:8 fulo ni, “To gima nyisowa ni Nyasaye oherowa gi hera ma duong’ en ni Kristo nothonwa ka ne pod wan joricho.” Yesu Kristo nothonwa! Tho Yesu ne ochulo msach richowa. Chier mar Yesu nyisowa ni Nyasaye ne oyie tho Yesu kaka chudo mar richowa.
Kama wachung’ie mar ang’wen e warruok e Ndach Jo-Rumi en Jo-Rumi 10:9,”ka iwacho gi dhogi e lela ni Yesu e Ruoth, kendo iyie e chunyi ni Nyasaye ne ochier oa kuom joma otho, to noresi.” Nikech Yesu nothonwa, gima onego watim kende en bedo gi yie kuome, bedo gi geno ni thone en chudo mar richowa – kendo ibiro warwa! Jo-Rumi 10:13 wache kendo, “ng’ato ka ng’ato ma luongo nying’ Nyasaye noresi.” Yesu notho mondo ochul kum mar richowa kendo oreswa ka waa e tho ma nyaka chieng’. Warruok, ma en weyonwa richowa kendo en gima ng’ato ang’ata ma nyalo geno kuom Yesu Kristo kala Ruodhe gi Jawarne nyalo yudo.
Paro mogik mar Warruok e Ndach Jo-Rumi gin gik ma iyudo e warruok. Jo-Rumi 5:1 nigi ote malichni, “Kaka osemi wabet e winjruok gi Nyasaye nikech wayie, koro wan gi kue kod Nyasaye kuom Yesu Kristo Ruodhwa.” Kwakalo kuom Yesu Kristo wanyalo bedo gi winjruok mar kue gi Nyasaye. Jo-Rumi 8:1 puonjowa ni, “Mano emomiyo koro onge bura kuom jogo man kuom Kristo Yesu.” Nikech Yesu nothonwa, bura mar richowa otiek chuth. Mogik, wan gi singruok ma ber mogikni moa kuom Nyasaye e Jo-Rumi 8:38-39, “Nimar ang’eyo ma long’o ni onge gima nyalo pogowa gi hera ma oherowago, bed ni en tho kata ngima, kata Malaika kata joloch mag polo, kata gik ma nie wiwa malo kata gik ma nie bwowa piny, kata gimoro amora manadi mochwe. Adier, onge gima nyalo pogowa gi hera mar Nyasaye, moherowago kuom Yesu Kristo Ruodhwa.”
Inyalo dwaro luwo warruok mar Ndach Jo-Rumi? To ka en kamano, ma e en lemo ma yot ma dilam ni Nyasaye. Lamo lemoni en yor fulo ni Nyasaye ni itheno warruokni ir Yesu Kristo. Weche ma nitie ka okbiwari. Yie kuom Yesu kende ema dimiyi warruok! “Nyasaye, ang’eyo ni asetimoni richo kendo aromo gi kum. To Yesu Kristo ne okawona kum mara mondo kal uwore gi geno ma ango ni inyalo weyona richona. Aketo genona mar warruok kuomi. Erokamano kuom ng’wononi ma lich gi weyona richona – ma en chiwo mar ngima ma nyaka chieng’! Amina!”
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Warruok mar Ndach Jo-Rumi en ang’o?