Penjo
Bende Yesu e yo kende mar dhi e polo?
Duoko
Ee, Yesu e yo kende mar dhi e polo. Wach mojing’ ma kende kamano nyalo kelo chochruok, kelo bwok, kata kelo chwanyruok, to kata kamano, en adier. Muma puonjo ni onge yo moro amora mar warruok mak mana ei Yesu. Yesu owuon wacho e Johana 14:6 ni.” An e yo, kendo an e adiera, bende an e ngima. Onge ng’ama dhi ka Wuora mak okadho kuoma.” Ok en yo moro amora e kind yo moko; en e yo, achiel kende ma nitie. Onge ng’ama nyalo biro ir Nyasaye ma ok okalo kuom Yesu kata ka en ma nigi rang’iny ma malo nadi, en gi rieko ma kende kata ka en gi ler mar roho mare owuon.
Yesu e yo kende mar dhi e polo nikech gik ma wapimo mwalo ka. Yesu ne “oyier gi Nyasaye” mondo obed Jawar (1 Petro 2:4). Yesu kende e ng’ama ne oa e polo ka biro e piny kendo ne odok kuro (Johana 3:13). En kende e ng’ama ne odak e ngima mar dhano mowinjore (Jo-Hibrania 4:15). En kende e misango mar richo (1 Johana 2:2; Jo-Hibrania 10:26). En ema ne ochopo Chik gi Jonabi (Mathayo 5:17). En e ng’ato kende ma ne oloyo tho nyaka chieng’ (Jo-Hibrania 2:14-15). En kende e Jagach e kind Nyasaye gi dhano (1 Timotheo 2:5). En e dhano kende ma Nyasaye “omiye duong’ … ma nItie kama malo mogik” (Jo-Filipi 2:9).
Kata koweyo e Johana 14:5, Yesu ne owuoyo kuome owuon kaka yo achiel kende mar dhi e polo. Ne ochiwore kaka gima inyal ne mar yie (Mathayo 7:21-27). Ne owacho ni wechene gin ngima (Johana 6:63). Ne osingore ni joma oyie kuome biro bedo gi ngima ma nyaka chieng’ (Johana 3:14-15). En e dhoranga rombe (Johana 10:7); en e kuon mar ngima (Johana 6:35). En e chier (Johana 11:25). Onge ng’ato moro ma nyalo kawo nyingego.
Yalo mag joote ne ochom e tho gi chier mar Ruoth Yesu. Ka ne Petro wuoyo gi Jodong Joyahudi ne olando ma ler ni Yesu ema ne en yo kende mar dhi e polo: “En kende ema ji yudo warruok kuome, nimar onge ng’at moro ma chielo e piny ngima ma Nyasaye osechiwo nyinge ni ji mondo oyudie warruok” (Tich Joote 4:12). Ka ne Paulo wuoyo e od lemo mag Joyahudi ma nitie Antiokia, ne oyango Yesu ka Jawar: “Kuom mano, owetena, unyalo neno uduto ni kuom Yesu ema ilandonue wach mar weyo richo. Bende nyaka ung’e ni ng’ato ka ng’ato moyie kuome, to owene richone duto” (Tiich Joote 13:38-39). Johana, ka ne ondiko ni kanisa ma nie piny ngima, ne olero ni nying Kristo ema wathenoe weyo richo: “Nyithinda, andikonu nimar richou owenu e nying Yesu” (1 Johana 2:12) Onge ng’ama diwenu richo mak mana Yesu.
Ngima ma nyaka chieng’ e polo nyalore mana kokalo kuom LKristo. Yesu ne olamo ni, ”Ka ng’ato ong’eyi, in Nyasaye ma achiel kende, kendo ong’eyo Jal ma ne ioro, ma en Yesu Kristo, to en gi ngima ma nyaka chieng’” (Johana 17:3). Mondo iyud chiwo mar Nyasaye ma nono mar warruok, chuno ni nyaka wang’i Yesu kende. Nyaka wagen e tho mar Yesu e musalaba kaka chudo mar richo kendo kuom chierne. “En e yo ma Nyasaye miyogo dhano bet e winjruok kode nikech yie ma oyiego kuom Yesu Kristo” (Jo-Rumi 3: 22).
E kinde moro e ote mar Yesu, ji ma ng’eny ma ne olwore ne olokone tokgi kendo ne gia ka gin gi geno mar dwaro jawar moro mopogore kode. Yesu ne openjo jopuonjrene apar gi ariyo ni, “Un bende udwaro weya koso?” (Johana 6:67). Duoko Petro ne owinjore moromo: “Ruoth, ere ng’ama dwadhi ire, to in ema in gi weche ma kelo ngima ma nyaka chieng’? Wan koro waseyie, kendo wang’eyo ni in e Ng’ama Ler mar Nyasaye” (Johana 6:68-69). Mondo waduto wabed gi yie ni ngima ma nyaka chieng’ nitie mana ei Yesu.
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Bende Yesu e yo kende mar dhi e polo?