Penjo
Ere kaka anyalo bedo gi winjruok gi Nyasaye?
Duoko
Mondo ibed “e winjruook” gi Nyasaye, nyaka ing’e gima “rach”. Duoko en richo. “Onge ng’ato kuomgi ma timo ma ber. Ooyo!” (Zaburi 14:3). Wasetamore luwo chike Nyasaye; waduto “waselal mana ka rombe” (Isaya 53:6).
Wach ma rach en ni kum mar richo en tho. “To ng’ato biro tho mana nikech richone owuon”(Ezekiel 18:4). Wach ma ber en ni Nyasaye ma ja-hera olawowa mondo okelnwa warruok. Yesu ne olando ni gima ne okele timo ne en,”manyo joma olal, kendo oresi” (Luka 19:10), kendo ne ofulo gima ne okele ne orumo ka ne otho e musalaba kowacho ni,”Oserumo!” (Johana 19:30).
Bedo gi winjruok ma ber gi Nyasaye chakore gi yie ni in jaricho. Bang’e biro bolruok mar fulo richoni ni Nyasaye (Isaya 57:15) gi ramo ni iweyo richono. “En kamano nikech ng’ato nyaka yie gi chunye mondo obed e winjruok gi Nyasaye, kendo nyaka owuo e lela gi dhoge mondo orese” (Jo-Rumi 10:10).
Fulo richoni nyaka riw gi yie – dwarore, yie ni tho Yesu ka misango gi chierne mar hono yiedhe mar bedo Jawarni. “Ka iwacho gi dhogi e lela ni Yesu e Ruoth, kendo iyie e chunyi ni Nyasaye ne ochiere oa kuom joma otho, to noresi” (Jo-Rumi 10:9). Kuonde moko mang’eny e Muma wuoyo e yie ma nyaka bedie, kaka Johana 20:27; Tich Joote 16:31; Jo-Galatia 2:16, 3:11, 26; gi Jo-Efeso 2:8.
Bedo gi winjruok gi Nyasaye a kuom duoko migolo ni gima Nyasaye osetimo e loyi. Ne ooro Jawar, ne ogolo misango mar golo richoni (Johana 1:29), kendo ne osingore:”Ng’ato ka ng’ato moluongo nying’ Ruoth noresi” (Tich Joote 2:21).
Gima nyiso ma ber wach mar fulo richo gi ng’wono en ngech wuoi molal (Luka 15:11-32). Wuoi matin ne oketho mwandu wuongi gi richo mag anjawo (wes 13). Kane oyie richone, ne ong’ado bura mar duogo dalagi (wes 18). Ne oparo ni ok nokawe ka wuod dalano (wes 19), to ne ok en adier. Wuorono ne ohero wuoi ma tama ma ne oduogo mana kaka ne ohere chon (wes 20). Richo duto ne ong’wonne, kendo ne nyasi ema ne ochakore(wes 24). Nyasaye rito singruokne, koriw nyaka mar ng’wononi. “Ruoth Nyasaye chiegni gi joma chunygi onyosore, kendo owaro joma chunygi osea chuth” (Zaburi 34:18).
Ka idwaro bedo e winjruok gi Nyasaye, ma e en ranyisi mar lemo. Kik wiyi wil ni, lamo lemoni kata lamo moro amora okbiwari. En mana keto genoni kuom Kristo ema nyalo wari kuom richo. Lamoni en mana yo ma yot mar nyiso Nyasaye yieni kuome gi goyone erokamano kuom chiwoni warruok. “Nyasaye ang’eyo ni asetimo richo e nyimi kendo aromo gi kum. To Yesu ne okawo kum ma ne oromo obed mara mondo kuom yie kuome inyalo ng’wonna. Aketo genona mar warruok kuomi. Erokamano kuom ng’wononi ma lich gi weyona richo – chiwo mar ngima ma nyaka chieng’! Amina!”
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Ere kaka anyalo bedo gi winjruok gi Nyasaye?