Penjo
Din mowinjore koda en ma ne?
Duoko
Kuonde ma itedoe chiemo ma irocho piyopiyo serowaga ka giyienwa kwayo chiembwa ma wanyiewo kodgi mana kaka wadwaro. Duke moko ma uso kahawa sungore ni gin gi ndhandhu gi kit kahawa mopogore. Kata ka wanyiewo udi gi mtokni, wanyalo dwaro ma nitie gi gik moko duto ma inyalo yier kuome gi gik ma wadwaro. Tinde ok wadak mana e piny mar ndhadhu mag choklet, vanila gi stroberi kende. Bedo ni inyalo yiero gimoro en ruoth! Unyalo yudo gimoro amora mudwaro ka luwore gi gima ihero in iwuon kata dwachi.
Koro ineno nadi din ma oromo kodi in iwuon? Ineno nadi din ma ok thung’i gi ketho ma ng’eny, ok chandi gi gik midwaro kendo ok opong’ gi gik ma ng’eny ma thagi ma onego itim kata kik itim? Mago ni oko kanyo mana kaka asegolo kiteno. To din be en gima iyiero mana ka ng’ama yiero ndhadhu ma ohero mar baraf?
Nitie duol ma ng’eny ma laro pachwa, koro ang’o momiyo ng’ato onego oket Yesu malo wawach ni, Muhamed kata Confucius, Buddha kata Charles, Taze Russell kata Joseph Smith? Donge dinde duto chiko ji e Polo? Donge kit dinde duto chalre? Adiera en ni dinde duto ok chik ji e Polo, mana kaka nderni duto ok ochiko Indiana (kamoro achiel).
Yesu kende ema wuoyo gi teko mar Nyasaye nikech Yesu kende ema ne oloyo tho. Mohamed, Confucius gi jomokogo tow ei liendgi nyaka kawuono. To Yesu, gi tekone owuon, ne owuok ma oa e liende odiechienge adek bang’ tho e musalaba mar hinyruok mar Jo-Rumi. Ng’ato ang’ata ma nigi teko e wi tho oromo keto chunywa kuome. Ng’ato ang’ata ma nigi teko e wi tho oromo winjo.
Ranyisi ma theno chier mar Yesu opong’ thich. Mokwongo, ne nitie joneno mokalo ji mia abich ma ne oneno Kristo mochier! Mago gin joneno ma ng’eny. Ok nyal we ma ok odew duond ji mia abich. Nitie kata wach mar liel ma ne odong’ nono. Wasik Yesu dine ochungo weche duto ma ne iwacho e wi chier ka dine gigolo dende motho ma tow, to ne onge del moro ma ne ginyalo golo kendo nyiso ji! Liel ne ni nono! Dine bed ni jopuonjre ne okwalo dende? Ok ne nyalre. Mondo kik gima kamano timre, liend Yesu ne orit gi jolweny ma ne omanore gi gik lweny. Ka luwore gi kaka jolupne ma ne ogene ma lich ne oseringo gi luoro ka ne omake kendo ogure, ok ne nyalre ni oganda jolupo ma onge korgi gi atachgi dine omakre rando gi jolweny molony kendo motiegre. Bende ok dine gigolo ngimagi ka misango mondo gibed joma onegi ni yiegi – kaka ne ng’enygi otimo – ni gima en miriambo ma ok mar adier. Gima en mar adiera en ni chier mar Yesu ok dikal akala kamano.
Kendo, ng’ato ang’ata ma nigi teko e wi tho onego owinj. Yesu ne onyiso adier mar tekone e wi tho; emomiyo onego wawinj gima owacho. Yesu wacho ni en kende e yor warruok (Johana 14:6). Ok en achiel kuom yore ma ng’eny kata yo moro. Yesu en e yo.
Yesu achielni wacho ni,”Biuru ira, un duto mujony kendo mugangoru ma pek, mondo amiu yueyo” (Mathayo 11:28). Ma e en piny ma tek kendo ngima bende opong’ gi chandruok. Ng’enywa wapong’ gi remo, waridhre, kendo wan gi adhonde lweny. Iyiego? Koro idwaro ang’o? Mondo odwokni gik ma ne ilalo kose idwaro mana din? Idwaro Jawar ma ngima kose achiel kuom “jonabi” ma ng’eny ma osetho? Winjruok ma nigi tiende kose sawo ma onge tiende? Yesu ok en ma iyiero kata iweyo – en e miyiero!
Yesu e “din” mowinjore ka imanyo ng’wono mar richo (Tich Joote 10:43). Yesu e “din” mowinjore ka imanyo winjruok ma nigi tiende gi Nyasaye(Johana 10:10). Yesu e “din” mowinjore ka imanyo dala ma nyaka chieng’ e polo (Johana 3:16). Ket genoni kuom Yesu Kristo kaka Jawar mari; ok niywag ang’e! Gen kuome ni ong’wonni richoni; ok ibi chwanyri.
Ka idwaro bedo gi “winjruok ma ber” gi Nyasaye, pinyka nitie ranyisi mar lamo ma inyalo lemo. Kik wiyi wil ni, lamo lemoni, kata lemo moro amora ok bimiyi warruok. En mana geno kuom Kristo ema nyalo wari iwe richo. Lemoni en mana yo ma yot mar nyiso yie mari kuom Nyasaye gi goyone erokamano kuom keloni warruokni. “Nyasaye, ang’eyo ni asetimoni richo kendo aromo gi kum. To Yesu Kristo ne okawona kum mara mondo ka luwore gi geno ma agene inyalo wena richona. Aketo genona mar warruok kuomi. Erokamano kuom ng’wononi ma lich gi weyona richona – ma en chiwo mar ngima ma nyaka chieng’! Amina!”
Bende isetimo yiero mar Kristo kaluwore gi gik ma isomo kae? Ka en kamano, yie idi kar "Aseyie Kristo kawuono".
English
Din mowinjore koda en ma ne?